علاج الاسهال وأسبابه وطرق الوقاية منه

علاج الاسهال ضروري لأن استمراره بدون علاج لفترة طويلة ممكن يزوّد فرص الجفاف ويأثر سلبيًا على الصحة، خصوصًا إنه من الأعراض الطبيعية اللي ممكن تحصل بسبب بعض الأمراض زي متلازمة القولون العصبي أو بسبب عدوى بكتيرية أو فيروسية وممكن يسبب مضاعفات خطيرة على البالغين وحتى الأطفال.

تعريف الإسهال 

• هو براز بيغلب عليه طابع مائي أو رخو مش صلب أو متماسك زي الطبيعي وبتزيد معاه حركة الأمعاء
• معظم الناس بتعاني منّه 3 مرات سنويًا على الأقل وبيستمر من يومين لـ 3 حسب شدة الحالة
• استمراره لمدة طويلة دليل على مشكلة صحية لازم تتعالج فورًا وإلا ممكن تتفاقم لمضاعفات خطيرة

أعراض الإسهال

• انتفاخ تجويف البطن
• آلام شديدة في البطن
• إحساس بالغثيان بيوصل للقيء
• وجود طعام لم يكتمل في البراز
• نزول براز مائي
• الرغبة الملحّة في دخول دورة المياه للتبرز فورًا
• وجود دم أو مخاط في البراز

مضاعفات تأخر علاج الاسهال 

• استمرار الأعراض لمدة أطول من 7 أيام
• آلام شديدة في البطن أو المستقيم
• استمرار ارتفاع درجة الحرارة ووصولها لـ 39 درجة مئوية أو أكتر
• العطش الشديد
• ظهور براز ملطخ بالدم
• جفاف الجلد
• التوتر وقلة الهدوء
• ضربات قلب سريعة
• صداع مستمر
• نزول كمية بول بسيطة لونها داكن

مضاعفات الإسهال على الأطفال 

• جفاف الفم واللسان
• تجعّد الجلد بعد قرصه وعدم رجوعه لحالته الطبيعية
• قلة الدموع أو اختفائها رغم البكاء
• اللامبالاة والرغبة المستمرة في النوم أو إظهار الغضب والضيق الشديد
• ارتفاع درجة الحرارة لـ 39 درجة مئوية أو أكتر
• قلة بلل الحفاظات لمدة بتوصل لـ 3 ساعات

أنواع الإسهال 

 الإفرازي 

• بيحصل لما بيفرز الجسم كمية سوائل كبيرة داخل الأمعاء دون الحاجة إليها
• بتحصل أحيانًا بسبب بعض الأدوية والأمراض والتلوثات سواء كانت بسبب فيروس أو بكتيريا معيّنة

التناضحي 

• عوامل معيّنة بتجذب سوايل الجسم كلها عشان تتركز في الأمعاء
• بيزيد مع تناول الحلويات أو مواد فيها بدائل السكر زي مادة سوربيتول (Sorbitol) اللي مش بيمتصها الجسم

النضحي أو الدموي 

• يعني وجود دم في البراز نتيجة الإصابة بأمراض زي التهاب القولون التقرحي ومرض كرون

أسباب الإسهال 

• عدوى بكتيرية بسبب مياه أو أطعمة ملوثة حامل للطفيليات
• الإصابة بفيروس زي الروتا والعجلي أو فيروس كورونا المستجد اللي من ضمن أعراضه الإسهال المستمر والشديد
• بعض المضادات الحيوية بتقتل البكتيريا النافعة أو الضارة وبتسبب إسهال لأنها بتعمل خلل في نظام البكتيريا في الأمعاء
• أنواع معيْنة من أدوية السرطان أو مضادات الحموضة بتسيب نفس التأثير خصوصًا الأنواع اللي غنية بالمغنسيوم
• اللاكتوز اللي بيعتبر نوع من السكر موجود في مشتقات الألبان بيبقى صعب الهضم على بعض الأشخاص وبيسبب إسهال ليهم
• بتزيد الإصابة بالإسهال بسبب اللاكتوز مع التقدم في العمر بسبب ضعف وغياب الإنزيم اللي بيساعد على هضمه
• بعض الأشخاص بيواجهوا صعوبة في هضم الفركتوز وهو نوع من السكر موجود في الفاكهة والعسل وبعض أنواع المحليات الصناعية ليها نفس التأثير زي السوربيتول والمانيتول
• جراحات الجهاز الهضمي واستئصال المرارة أحيانًا بتسبب إسهال
• مشاكل الجهاز الهضمي زي التهاب القولون المجهري والتقرّحي ومتلازمة القولون المتهيّج بيزوّدوا فرص الإصابة بيه

التشخيص 

• ممكن تعرف سبب الإصابة عن طريق تحليل دم (صورة دم كاملة)  أو تحليل براز لمعرفة طبيعة البراز وسببه
• تفاقم الأعراض بيستدعي إجراء جراحة منظار لتحليل جزء صغير من أنسجة القولون لمعرفة سبب الإصابة

علاج الاسهال عن طريقة الأدوية 

• أنتينال (Antinal)
• نانازوكسيد (Nanazoxid)
• سميكتا (Smecta)
• فلاجيل (Flagyl)
• دياكس (Diax)
• ستربتوكين (Streptoquin)
• بعض المضادات الحيوية زي :
• تريميثوبريم (Trimethoprim)
• اريثرومايسين (Erythromycin)
• تتراسيكلين (Tetracycline)
• كلورامفينيكول (Chloramphenicol)

أدوية علاج الاسهال للأطفال 

• محاليل الجفاف
• أدوية مضادة للطفيليات زي
• أنتينال شراب
• نانازوكسيد شراب
• دياكس شراب
• دياسميكت شراب
• كابكت مركب
• شراب فلاجيل
• لكن لازم تستشير طبيب متخصص قبل تناول أي دواء سواء ليك أو لطفلك

علاقة الإسهال بفيروس كورونا

• دراسة أمريكية بتقول إن فيروس كورونا بيصيب خلايا الأمعاء الدقيقة
• بيفرز الفيروس إنزيمات في الخلايا الهضمية وبتحصل اضطرابات فيها
• تقارير كتير بتأكد إن 50% من المصابين بتظهر عليهم أعراض الإسهال ومعاها قيء وغثيان وآلام شديدة في المعدة

علاج الاسهال بطرق طبيعية 

• اشرب مياه وسوائل كتير خصوصًا الشوربة/ عصاير الفاكهة الطبيعية (بدون إضافة سكر)
• ابعد عن الكافيين الموجود في الشاي والقهوة والمشروبات الغازية
• تناول الألياف بس باعتدال وركْز على الأرز والعيش المحمص والفراخ المسلوقة
• مكملات البروبيوتيك بتزوّد البكتيريا النافعة في المعدة وبتقلل فرص الإسهال
• موجود في الزبادي والمخلل
• مهم تاكل تفاح بس لازم تشيل القشرة لأنها غنية بالألياف اللي هتضغط على الجهاز الهضمي
• الخبراء بيأكدوا على أهمية البطاطس ودورها الحيوي في علاج الإسهال بس ضروري تبقى متقشرة كويس ومطبوخة على أقصى درجة حرارة
• الأطعمة الطرية زي الموز والخضار المطبوخ بيقللوا تهيّج المعدة
• الخبز الأبيض والمكرونة (بدون صلصة) بيساعدوا على تماسك البراز
• الأطعمة الغنية بالملح بتبطأ فقدان السوايل والسكريات بكميات معقولة بتزوّد امتصاص الملح في الجسم وبالتالي بتقل فرص ظهور المضاعفات
• مشروبات الكمون والقرفة والينسون والنعناع بيساعدوا على علاج الاسهال
• الدراسات بتأكد إن الرضاعة الطبيعية بتساعد في عدم إصابة الأطفال بالإسهال في سن مبكر

الوقاية 

• اغسل إيدك كويس قبل الأكل وبعده عشان تحمي نفسك من أي عدوى فيروسية أو بكتيرية
• بلاش تلمس أي لحوم نيّة وعقّم إيدك كويس لو هتاكل في الشارع أو في مكان بره البيت
• لو حسيت بأي أعراض استشير طبيب متخصص فورًا