الرقاق، طبق جانبي مهم على السفرة المصرية، بيرجع أصله لتركيا، وهو نوع من أنواع الخبز في الدولة العثمانية، له شكل طري وناشف وبيضاف له حشوات مختلفة زي اللحمة المفرومة والجبن والخضروات، بنقدم لك طريقة عمل عجينة الرقاق بخطوات سهلة.
المكونات
- 4 كوبايات دقيق
- نص معلقة صغيرة ملح
- معلقة صغيرة سكر
- 4 معالق كبيرة سمنة
- مياه (للعجن)
طريقة عمل عجينة الرقاق
- في العجان الكهربائي.. اخلط الدقيق بالملح والسكر وضيف السمنة
- ضيف المياه بالتدريج عليه لحد ما يتجانس ويبقى عجينة
- قسم العجينة لكرات في حجم الليمون وسيبها ترتاح لمدة ساعة
- رش الدقيق على رخامة.. وافرد كرات العجين بنشابة لحد ما تبقى رفيعة
- سخن طاسة كبيرة تيفال على النار.. وحط العجينة لمدة دقيقة
- قلب العجينة للجنب التاني وسيبها دقيقة
- لو عايز الرقاق ناشف.. افرد العجينة على صينية في فرن سخن لمدة 10 دقايق
