خل التفاح بيحتوي على عدد كبير من العناصر الغذائية والمركبات الكيميائية، وده بيزود فوايده الصحية زي فقدان الوزن وحماية الخلايا من التلف، وتقليل فرص الإصابة بالأورام السرطانية، وتحسين صحة القلب والأوعية الدموية، وعشان كدة بينصح أطباء التغذية بإضافته للسلطات المختلفة، وبنقدم لك طريقة عمل خل التفاح في المنزل بسهولة.
المكونات
- 3-4 حبات تفاح
- 3 معالق صغيرة سكر
- مياه
طريقة عمل خل التفاح
- اغسل التفاح كويس وقطعه مكعبات (احتفظ بالقلب والقشر)
- استخدم برطمان نضيف
- املا تلت أربع البرطمان بالتفاح وضيف السكر (معلقة لكل تفاحة)
- املا البرطمان بالمياه وقلب لحد ما السكر يدوب
- غطي البرطمان بقطعة شاش نضيف
- سيبه في مكان جاف بعيد عن الشمس لمدة أسبوعين
- افتحه وقلب المكونات مرة كل يوم
- بعد ما قطع التفاح تنزل لقعر البرطمان افتحه وصفي السايل
- اقفل الشاش مرة تانية وسيبه 6 أسابيع
- احفظه في التلاجة بعد الاستخدام
