المحتويات
طريقة عمل المسقعة من أسهل الأطباق الشعبية في المطبخ المصري، لكن مهم تعرف إنه بيحتوي على نسبة كبيرة من السعرات الحرارية، اللي ممكن تقللها لو استغنيت عن بعض المكونات، وممكن تستغني عن اللحمة المفرومة ويكون طبق صيامي لذيذ.
طريقة عمل المسقعة المصرية
المكونات
- 2 ثمرة بتنجان مقطع دواير رفيعة
- 3 ثمرات فلفل أخضر (ممكن تضيف 2 أو 3 فلفل أخضر حار)
- معلقتين كبار زيت زيتون
- نص كيلو لحمة مفرومة
- بصلة كبيرة مفرومة
- فصين توم مفروم
- 3 ثمرات طماطم مقطعة شرايح رفيعة
- 2 ثمرة طماطم مفروم ناعم
- 3 معالق كبار صلصة
- ملح وفلفل أسود
- زيت للقلي
الطريقة
- حمر حلقات البتنجان وصفيها كويس على مناديل ورق
- قطع الفلفل لشرايح عريضة وحمرها مع الفلفل الحار
- سخن زيت الزيتون وشوح البصل مع التوم لمدة 5 دقايق وضيف اللحمة المفرومة
- بعد ما اللحمة تتعصج.. ضيف الطماطم المفرومة والصلصة وربع كوباية مياه
- قلب كويس وتبل بالملح والفلفل الأسود
- هدي النار.. وسيب الخليط يتسبك لمدة 15 دقيقة
- في صينية أو طاجن.. افرد كمية من اللحمة المفرومة وعليها طبقة من البتنجان والفلفل والطماطم
- ضيف كمية من اللحمة
- كرر آخر خطوتين مع باقي الكمية وحط الفلفل الحار على السطح
- غطي الصينية أو الطاجن بورق فويل ودخله الفرن لمدة 15 دقيقة
- شيل الفويل ودخل الصينية أو الطاجن مرة تانية لمدة 10 دقايق
طريقة عمل المسقعة بالبطاطس
المكونات
- نص كيلو بتنجان مقشر ومقطع حلقات
- ربع كيلو فلفل أخضر مقطع شرايح عريضة
- نص كيلو بطاطس مقشرة ومقطعة حلقات
- 3 كوبايات عصير طماطم
- نص كيل لحمة مفرومة معصجة
- معلقتين كبار زيت
- فصين توم مفرومين
- نص معلقة بهارات
- ملح وفلفل أسود
- رشة جوز الطيب
الطريقة
- حمر شرايح البتنجان والبطاطس والفلفل الأخضر في زيت غزير وصفيها كويس على مناديل ورق
- سخن الزيت وشوح البصل والتوم والبهارات والملح والفلفل الأسود وجوزة الطيب
- قلب كويس وضيف كوباية عصير الطماطم
- بعد ما الخيلط يغلي.. سيبه على نار هادية لمدة 10 دقايق لحد ما يتسبك
- في طاجن.. وزع كمية من اللحمة المفرومة
- رص طبقة من البتنجان والبطاطس والفلفل الأخضر وعليها كمية إضافية من اللحمة المفرومة
- كرر الخطوة مع باقي الكمية ووزع باقي عصير الطماطم
- غطي الطاجن بالفويل ودخله الفرن لمدة 25 دقيقة
- شيل الفويل ورجع الطاجن مرة تانية لمدة 10 دقايق
طريقة عمل المسقعة الكذابة
المكونات
- نص كيلو باذنجان مقشر ومقطع حلقات
- عصير 5 ثمرات طماطم
- 2 ثمرة فلفل أخضر مقطع مكعبات متوسطة الحجم
- معلقة صغيرة توم مفروم
- ربع كوباية خل
- معلقة كبيرة صلصة
- نص قرن فلفل حار مهروس
- معلقتين كبار زيت
- نص معلقة صغيرة سكر
- نص معلقة صغيرة كمون
- ملح وفلفل أسود
الطريقة
- حمر البتنجان والفلفل الأخضر وصفيه كويس على مناديل ورقية
- على نار متوسطة.. سخن الزيت وشوح التوم وقلب لمدة دقيقتين وضيف الفلفل الحار وقلب كويس
- ضيف الخل والطماطم والصلصة والسكر والملح والفلفل الأسود وسيب الخليط يغلي
- هدي النار وسيب الخليط يتسبك لمدة 15 دقيقة
- ضيف الكمون والبتنجان والفلفل الأخضر وقلب بلطف لمدة 3 دقايق وقدمها
طريقة عمل المسقعة اللبنانية
المكونات
- 2 ثمرة بتنجان
- كوبايتين حمص مسلوق
- نص كوباية زيت
- بصلة كبيرة مفرومة
- 5 فصوص توم
- كوبايتين طماطم مقطعة مكعبات صغيرة
- معلقة كبيرة صلصة
- كوباية ونص مياه
- معلقة صغيرة بابريكا
- ملح وفلفل أسود
- معلقة كبيرة نعناع مجفف
الطريقة
- قطع البتنجان مكعبات كبيرة
- ادهن كل مكعب بكمية من الزيت ووزعها على صينية ودخلها الفرن على نار متوسطة لمدة 10 دقايق
- شوح البصل والتوم في باقي كمية الزيت لمدة 5 دقايق
- ضيف الطماطم والصلصة والبتنجان والحمص
- تبل بالملح والفلفل الأسود والبابريكا والنعناع
- ضيف المياه وسيب الخليط يغلي
- قلل النار وسيب الخليط لمدة 20 دقيقة
