المحتويات
طريقة عمل الزبادي في البيت سهلة ولا تحتاج مكونات كتير، وهتضمن جودة الحليب المستخدم للاستفادة بكل عناصره، فهو بيزود البكتيريا النافعة في المعدة وبيساعد على إنقاص الوزن.
طريقة عمل الزبادي البلدي
المقادير
- كيلو حليب بلدي وطازج
- معلقتين كبار من الزبادي المعلب البلدي
- معلقة لبن بودرة (اختياري)
الطريقة
- حط الحليب في وعاء كبير على النار حتى الغليان على نار هادية لتجنب احتراقه مع التقليب المستمر لضمان وصول الحرارة لكل أجزائه.. الخطوة دي مهمة لقتل البكتيريا الموجودة فيه
- سيب الحليب يبرد تماما أو ممكن تحطه في وعاء أوسع وأكبر فيه مياه باردة عشان يبرد بسرعة
- حط معلقتين الزبادي على الحليب البارد وقلبه بسرعة لتجنب الكلكلعة وبعدين ضيف اللبن البودرة لأن بيساعد في الحفاظ على قوام الزبادي وبيعمل طعم مميز
- صب الخليط في أوعية مخصصة للزبادي أو أكواب ورصهم في صينية
- سيب الخليط في مكان دافىء ومظلم لمدة 7 ساعات وأفضل مكان هو الفرن بس مهم تدفيه قبلها عن طريق تشغيله لمدة 5 دقايق وبعدين تطفيه
- لما القوام يتقل.. حطه في التلاجة مغطى عشان يستمر معاك أطول فترة
طريقة عمل الزبادي الخالي من الدسم
المكونات
- 2 لتر حليب
- علبتين زبادي بلدي
الطريقة
- اغلي الحليب وبعدين سيبه يبرد تماما
- حطه في التلاجة يوم كامل عشان القشطة تكون طبقة على الوجه وتقدر تشيلها بسهولة
- حطه على النار تاني عشان يبقى دافي بسيط
- شيله من على النار وضيف له الزبادي مع التقليب السريع والجيد
- صب الخليط في أكواب الزبادي ورصها في صينية وغطيها
- حط الصينية في فرن تم تشغيله لمدة 5 دقايق عشان يكون دافي وسيبها فيه ليلة كاملة
- لما القوام يتقل.. احفظه في التلاجة
