المحتويات
البان كيك.. من أشهر الحلويات المفضلة لناس كتير خاصة الأطفال، اتنقلت من المطبخ الأمريكي كوجبة إفطار بتتقدم مع صوصات مختلفة زي الشوكولاتة والكراميل والعسل، وتم إضافة مكونات تانية مختلفة عشان تخليها صحية أكتر زي المكسرات والشوفان والفاكهة.. نقدم لك طريقة عمل البان كيك مع صوصات مختلفة.
طريقة عمل البان كيك
المكونات:
- معلقتين كبار سكر
- كوباية دقيق
- معلقتين صغيرين بيكنج بودر
- رشة ملح
- كوباية لبن حليب
- معلقتين كبار زبدة سايحة
- بيضة
- معلقة كبيرة زيت
- الصوص المفضل (شوكولاتة/ عسل نحل/ شربات برتقال/ كريمة/ مربى/ قطع فاكهة)
الطريقة
- اخلط الدقيق والبيكنج بودر والملح
- اخلط اللبن مع الزبدة والبيض والسكر وضيف عليه خليط الدقيق وقلب كويس
- سخن طاسة تيفال أو غير لاصقة وضيف مقدار كبشة مليانة من الخليط
- اقلب البان كيك على الجانب التاني بعد ما يتحول لونها لدهبي
- كرر آخر خطوتين مع باقي الخليط
- وزع الصوص المفضل وممكن معاه فاكهة زي الموز أو الفراولة
طريقة عمل البان كيك اليابانية
المكونات
- كوباية ونص دقيق
- 3 معالق كبار سكر
- معلقتين صغيرين بيكنج بودر
- نص معلقة صغير ملح
- كوباية وربع لبن حليب
- 4 معالق كبار زبدة
- نص معلقة صغيرة فانيليا
- صفار بيضة
- نص معلقة صغيرة خل
- 3 بيضات
- شربات (للتقديم)
الطريقة
- اخلط الدقيق مع السكر والبيكنج بودر والملح
- افصل البياض عن صفار البيض
- اخفق اللبن والزبدة والفانيليا وصفار البيض (4 صفار) بالمضرب الكهربائي
- اخفق بياض البيض والخل بالمضرب الكهربائي لحد ما يبقى لونه أبيض
- ضيف خليط الدقيق لخليط اللبن والبيض وقلب كويس
- زود عليه تلت أربع بياض البيض للخليط وقلب بلطف
- حط باقي بياض البيض وقلب مرة واحدة
- في طاسة تيفال.. حط مقدار كبشة مليانة من الخليط على نار متوسطة
- قلب البان كيك على الجانب التاني بعد ما تتحول لونها لدهبي
- كرر آخر خطوتين مع باقي الخليط
- وزع الشربات على البان كيك
بان كيك الشوفان والموز
المكونات
- 2 حبة موز
- بيضتين
- نص كوباية دقيق شوفان
- نص معلقة صغيرة بيكينج بودر
- رشة ملح
- شربات/ عسل أبيض
الطريقة
- اهرس الموز بالشوكة كويس
- ضيف عليه البيض ودقيق الشوفان والبيكينج بودر والملح
- قلب لحد ما يبقى خليط متجانس وسيبه 10 دقايق
- سخن طاسة تيفال.. حط مقدار كبشة مليانة
- اقلبها للجانب التاني بعد ما يتحول لونها لدهبي
- كرر آخر خطوتين في باقي الخليط وقدمه مع العسل الأبيض وشرايح موز أو حبات توت
بان كيك صحي للأطفال
بان كيك الكوسة
المكونات
- حبتين كوسة متوسطة الحجم
- معلقتين كبار زيت زيتون
- كوباية دقيق
- معلقتين كبار لبن حليب
- نص معلقة صغيرة بيكنيج بودر
- بيضتين
- معلقة صغيرة قرفة
- رشة ملح
- معلقتين كبار سكر
- معلقتين كبار زبادي
- نص معلقة صغيرة فانيليا
الطريقة
- اخلط الدقيق مع الملح والبيكينج بودر والقرفة
- اخفق البيض مع الزيت والسكر واللبن والزبادي والفانيليا
- ابشر الكوسة وضيفها على خليط البيض
- ضيف خليط الدقيق بالتدريج واخلط كويس لحد ما يبقى خليط متجانس
- سخن طاسة تيفال أو غير لاصقة.. وحط مقدار كبشة مليانة
- اقلب البان كيك على الجانب التاني بعد ما يتحول لونها لدهبي
- كرر آخر خطوتين مع باقي الخليط
- قدمه مع العسل الأبيض وقطع فاكهة مفضلة للطفل
بينك بان كيك (بالبنجر)
المكونات
- كوباية دقيق
- نص معلقة صغيرة بيكنيج بودر
- معلقتين كبار لبن حليبب
- بيضتين
- معلقتين كبار زيت
- رشة ملح
- معلقتين كبار سكر
- نص معلقة صغيرة فانيليا
- حبتين بنجر متوسط الحجم
- معلقتين كبار زبادي
الطريقة
- اخلط الدقيق مع الملح والبيكينج بودر والقرفة
- اخفق البيض مع الزيت والسكر واللبن والزبادي والفانيليا
- اسلق البنجر لمدة ساعة ونص وقشره
- قطع البنجر واهرسه في البلندر أو الخلاط
- ضيف خليط الدقيق على البيض بالتدريج وعليهم البنجر وقلب كويس لحد ما يبقى خليط متجانس
- سخن طاسة تيفال أو غير لاصقة.. وحط مقدار كبشة مليانة
- اقلب البان كيك على الجانب التاني بعد ما يتحول لونها لدهبي
- كرر آخر خطوتين مع باقي الخليط
- قدمه مع العسل الأبيض وقطع فراولة أو توت
بان كيك بالبطاطا
المكونات
- حبة بطاطا متوسطة مسلوقة
- كوباية لبن حليب
- نص معلقة صغيرة قرفة
- نص معلقة صغيرة فانيليا
- بيضة
- كوباية دقيق
- معلقتين صغيرين بيكينج بودر
- رشة ملح
الطريقة
- اهرس البطاطا ناعم
- اخفق البيض مع اللبن والقرفة والفانيليا وضيف عليهم البطاطا
- اخلط الدقيق والبيكينج بودر والملح
- ضيف الدقيق على خليط البطاطا واللبن بالتدريج وقلب كويس
- لو محتاج سكر ممكن تضيف معلقة صغيرة
- سخن طاسة تيفال أو غير لاصقة.. وحط مقدار كبشة مليانة
- اقلب البان كيك على الجانب التاني بعد ما يتحول لونها لدهبي
- كرر آخر خطوتين مع باقي الخليط
