خدوش الموبايل خصوصًا الشاشة من الحاجات اللي بتشوه منظره، وممكن تسبب ضعفه مع الوقت وبتزود فرص كسره وقت تعرضه للسقوط أو لصدمات قوية وعنيفة، وبتختلف حسب عمقها ومدى انتشارها، وبالتالي مهم تعرف خطوات أساسية تساعدك تعالجها أو تقلل عمقها قدر المستطاع:
- اقفل تليفونك لمنع أي ضرر
- حط معجون أسنان بكمية بسيطة على قطعة قطن وادعك بيها الخدش بطريقة دائرية
- استنى لحد ما الخدش يختفي وسيب المعجون على الشاشة لمدة 10 دقايق
- نضّف الشاشة بقطعة قماش جافة
- هات مسحوق أكسيد السيريوم الملمع للزجاج (بيتباع أونلاين وفي بعض محلات أدوات النضافة)
- اخلط المسحوق بكمية بسيطة من المياه لحد ما قوامه يبقى لزج
- غطي أجزاء الموبايل بشريط لاصق لمنع وصول المسحوق إليها
- نضف خدوش الشاشة بقطعة إسفنج مبللة من المسحوق، وبعدها نضفها كويس بقطعة قماش جافة
- اشتري مزيل للخدوش وحط منه نقطة أو اتنين على قطعة قماش وامسح بيها شاشة تليفونك
- اخلط كيس بيكنج صودا على نص كوباية مياه وبلل قطعة إسفنج عشان تمسح بيها الشاشة
- جربها مرتين يوميًا.. هتختفي الخدوش بعد فترة
- اعرف إن أغلب الطرق دي للخدوش السطحية البسيطة مش العميقة
- الخدوش العميقة بتحتاج فني متخصص يحاول يعالجها أو حتى يغير الشاشة لأنها مع الوقت ممكن تسبب مشاكل كبيرة في الموبايل وتزود فرص كسره من أضعف الصدمات
