اختراق الفيس بوك خطر أساسي على معلوماتك وقدرتك على التواصل مع الآخرين، لأن حسابك بيحتوي على معلومات كتير تخصك سواء تفضيلاتك الشخصية أو رسايلك مع الآخرين اللي فيها أسرارك وأدق تفاصيل حياتك، وبالتالي بينجذب المخترقين لاستغلال بياناتك لأغراض زي ابتزازهم أو استخدام نفس الحساب لأغراض غير قانونية، وبالتالي لازم تعرف الخطوات اللي تحمي بيها حسابك على الفيس بوك من الاختراق:
- اختار كلمة مرور قوية مكونة من رموز وأرقام.. وغيرها كل فترة
- خليها مختلفة عن كلمة المرور الخاصة بالإيميل أو بحسابك على أي موقع تاني
- تجنب الضغط على أي رابط مجهول المصدر أو مشكوك فيه
- ماتحطش رقم تليفونك في البيانات عشان ممكن يستخدم بسهولة في اختراق حسابك
- ماتعملش تسجيل دخول من تليفون أو جهاز حد إلا لو بتثق فيه
- فعّل المصادقة الثنائية (Two-factor authentication) عشان تزود الأمان وقت تسجيل الدخول
- ماتعملش تسجيل دخول بواسطة الفيس بوك إلا في مواقع موثوق منها
- ماتقبلش طلب صداقة غير من حد تعرفه شخصيًا
- حدد خصوصية منشوراتك وتفاصيلك اللي بتنشرها تبقى محددة فقط على أصدقائك
- اعمل تسجيل خروج في الوقت اللي مش بتستخدم فيه حسابك
