ضريبة القيمة المضافة هي ضريبة غير مباشرة بتفرض على معظم السلع والخدمات وبتطبق في أكتر من 160 دولة من ضمنهم دول الاتحاد الأوروبي، وفيه طريقة أعلنت عنها مصلحة الضرائب المصرية لحسابها بدقة.
تعريفها
- بتتسمى في أغلب الفواتير VAT وهي اختصار لجملة Value Added Tax هي نوع من الضرائب المفروضة على كل مراحل الإنتاج والتوزيع لأنها ضريبة غير مباشرة بتفرض على أغلب التوريدات سواء كانت سلع أو خدمات تم بيعها
- بتعتبر هي النتيجة الصافية من العائدات الضريبية اللي الدولة بتتلقاها في كل مرحلة من سلسلة التوريد لحد وصولها للمستهلك اللي بيتحمل تكلفتها
- بتعتبر من أكتر ضرائب الاستهلاك شيوعًا وبتطبق في أغلب دول العالم
- خبراء الاقتصاد بيصنفوها على إنها ضريبة استهلاك لأنها مش بتبص لمدى قدرة المشتري على دفعها أو فئة سعر المنتج نفسه ولكنها مفروضة على الجميع
- أول دولة طبقتها كانت فرنسا سنة 1954
ضريبة الجدول
- عشان تعرف تحسبها لازم تعرف معنى ضريبة الجدول
- ضريبة الجدول هي ضريبة مفروضة على بيع أو استيراد بعض السلع والخدمات
- ليها نسب بتزيد أو تنقص (عكس القيمة المضافة اللي نسبتها ثابتة وبتحددها الدولة)
- أغلب السلع الرئيسية في مصر بتتراوح قيمة ضريبة الجدول فيها من 0.5% لـ 8% ماعدا السيارات اللي أحيانًا بتوصل لـ 30% إذا كانت مستوردة
طريقة حساب ضريبة القيمة المضافة
- اعرف إن ضريبة القيمة المضافة في مصر بتقدر بـ 14%
- عشان تحسب إجمالي قيمة المنتج اضرب سعره في نسبة ضريبة الجدول المفروضة عليه
- مثلًا لو المنتج سعره 1000 جنيه وضريبة الجدول نسبتها 8% يبقى سعر المنتج بالإضافة لضريبة الجدول
- (1000×8%)= 1080 وبعدها بتضرب ضريبة القيمة المضافة في ناتج سعر المنتج مضاف عليه ضريبة الجدول
- يعني إجمالي سعر المنتج بالقيمة المضافة هيساوي (1080×14%)= 1231 تقريبًا
