طريقة تخزين البامية ضرورية لو عايز تحتفظ بيها لمدة طويلة بدون تلف وتقدر تاكلها بعد مدة تخزين طويلة في الفريزر ولكن بعد خطوات معينة سهلة وبسيطة لضمان الحفاظ على نضجها.
خطوات تخزين البامية
- قمّع البامية كويّس واغسلها وجففها وحضر وعائين مياه، الوعاء الأول فيه مياه مغلية والتاني وعاء بيحتوي على مياه مثلجة
- ضيف البامية (خصوصًا لو كبيرة) داخل وعاء المياه السخنة (ممكن تضيف عليها نص كوباية عصير ليمون ورشة ملح خفيفة) وبعدها اتأكد من غليانها لمرة واحدة وشيلها بالمصفاه سريعًا لوعاء المياه المثلجة
- خليها في المياه المثلجة لمدة 10 ثواني كحد أقصى وبعدها شيلها مرة تانية وجففها في قطعة قماش قبل تخزينها في الفريزر
- خبراء الطبخ بيقولوا إن الطريقة دي مثالية لتخزين البامية الكبيرة لتسهيل طبخها بعد فكّها من التجميد
- وبيأكدوا إن البامية الصغيرة مش محتاجة الخطوات دي وممكن تتخزن بسهولة بعد تقميعها وغسلها وتجفيفها
- عن طريق وضعها في الفريزر مباشرة في أكياس تلاجة شفافة ولكن بعد التأكد من جفافها وعدم وجود أي مياه متراكمة عليها
- فرّغ الأكياس بعد تخزين البامية فيها من الهواء وقبل وضعها في الفريزر
فوائد البامية
- بتحتوي على عدد من العناصر الغذائية الهامة للجسم زي الصوديوم وفيتامين سي وك والثيامين والكالسيوم وحمض الفوليك والبوتاسيوم والمغنيسيوم
- بتحسن جودة النظر والرؤية وبتساهم في مقاومة أمراض الكبد المختلفة
- بتمنع تصبغات البشرة والبقع الداكنة وبتساعد في ترطيب الشعر وفروة الرأس
- تناول 100 جرام منها بيوفر حوالي 60 ميكروجرام من حمض الفوليك اللي بتحتاجه الحامل لتجنب التشوهات الخلقية للجنين
- بتساعد في السيطرة على مستويات السكر في الدم وبتحتوي على فيتامين ك المهم لتقوية العظام لأنه بيساعد على امتصاص الكالسيوم الضروري لتقوية العظام ومقاومة الهشاشة
- غنية بالألياف اللي بتعزز الشعور بالشبع لفترة أطول وبينصح إنها تكون ضمن وجبات الدايت لخسارة الوزن وبتساعد على تجنب الإمساك وتحسين الهضم وتقليل فرص الإصابة بسرطانات القولون والشرج
- بتحتوي على بروتين الليكتين اللي بيساعد على منع نمو الخلايا السرطانية خاصة سرطان الثدي
