طريقة إصلاح أعطال جوجل كروم وبعض مميزاته

جوجل كروم هو متصفح جوجل اللي أصدرته سنة 2008 وحققت بيه نجاح كبير، ولكن على الرغم من مميزاته زي السرعة وسهولة الاستخدام والحماية والسيطرة على الأعطال بسرعة ولكن أحيانًا بتحصل بعض الأعطال ومش بتعرف تتصرف فيها، وبالتالي ضروري تعرف طريقة حلّها بجانب بعض المميزات اللي تقدر تستمتع بيها عليه زي تفعيل الوضع الليلي وطريقة استخدام أكتر من شخص بحسابات مختلفة على متصفح واحد.

إصلاح أعطال جوجل كروم 

• أهم خطوة إنك تعمل Restart للمتصفح سواء عن طريق Ctrl+Q في الويندوز أو Command+Q على الماك
• وممكن تعيد فتح أي علامة تبويب عن طريق Ctrl+Shift+T للويندوز أو Command+Shift+T على الماك
• بعض المشاكل الشائعة ممكن تواجهك هنقولك عليها وأبسط طرق لحلها زي:

علامة التبويب غير المستجيبة

• أحيانًا بتقف علامة التبويب من نفسها وبتفشل في التفاعل مع أي رابط أو إغلاقه
•  افتح قايمة More Menu الموجودة عند الـ 3 نقاط اللي على اليمين واختار More Tools ومنها Task Manager
•  اقفل كل الروابط من عند الصفحة اللي هتظهرلك

 تعطل الوسائط اللي بتشتغل بصيغة فلاش

•  افتح قايمة More Menu الموجودة عند الـ 3 نقاط اللي على اليمين واختار More Tools وافتح منها Extensions عشان تفعّل أو تلغي تفعيل الفلاش
• اعمل Remove لأي Extension إضافي مش بتحتاجه لو بتواجه أعطال مستمرة

فتح المواقع المتعارضة مع كروم

•  لو بتستخدم ويندوز اكتب في شريط العنوان / Address Bar المصطلح ده (chrome://conflicts) عشان تحل المشكلة في أسرع وقت
• لو بتستخدم ماك الأحسن تفتح الموقع من متصفح تاني

 عدم القدرة على إغلاق المتصفح

•  على الويندوز: اضغط على Ctrl + Alt + Delete
• لكن على الماك: اضغط على Command + Options + Esc

 التخلص من الفيروسات

• افتح علامة الـ 3 نقاط واختار Settings ومنها Advanced واختار Reset and Cleanup

التأكد من وجود التحديث الأخير 

• اضغط على رمز الـ 3 نقاط جنب شريط الـ URL
•  اختار Help ومنها اختار About Google Chrome
•  هتظهرلك صفحة فيها رقم آخر إصدار عندك
•  عشان تحدثه اضغط على Relaunch
• وجود التحديث الأخير بيقلل فرص حدوث الأعطال وبالتالي بتستمتع بمميزات جوجل كروم
• اعرف إن التحديث الأخير (حتى الآن) هو 92.0.4515.159

تفعيل الوضع الليلي على جوجل كروم

 ويندوز 10

• اضغط على Start واختر (الإعدادات/ Setting)
• في صفحة الإعدادات.. اختار  Personalization
• دوس على (Colors / ألوان) 
• حرك الماوس لتحت لحد ما توصل لـ Choose your default app mood 
• اختار Dark

أجهزة الماك (أبل) 

•  اضغط على قائمة آبل أعلى شمال الشاشة
• دوس على System Preferences
• اختار General ودوس Appearance 
• اختار Dark

استخدام أكتر من شخص لنفس متصفح جوجل كروم 

•  مناسبة لو أكتر من شخص بيستخدم نفس المتصفح وعايز يحتفظ بالصفحات اللي بيستخدمها
• أو لنفس الشخص اللي بيعمل أكتر من نشاط أو عمل مكتبي منفصل عن عمل البيت
• تقدر من خلاله تعمل (Save) لتاريخ التصفح/ (Google Chrome Extensions)/ الـ(Bookmarks)
• تقدر تختار (Theme) أو لون أو اسم مختلف لكل (Profile) وتدوس عليه لما تفتح جوجل كروم
• افتح جوجل كروم ودوس على أيقونة اسم المستخدم أعلى يمين الشاشة
• اختار (Manage People) دوس على (Add Person)
• اختار اسم وأيقونة معينة للـ(Profile) ودوس (Add)
• دخّل حسابك على جوجل عشان تربط الـ(Profile) بيه
• لو عايز تتنقل بين (Profile) والتاني دوس أيقونة المستخدم أعلى الشاشة
• اختار اسم الـ(Profile) من القائمة اللي هتظهرلك

تفعيل خاصية Chrome Actions على جوجل كروم

• هي خاصية بتحتوي على مجموعة من الاختصارات اللي بتسهل استخدام المتصفح
•  من خلال كتابة الاختصارات في شريط العنوان
• لازم تحدث المتصفح لأحدث شكل

أنواع الاختصارات

•  لإدارة أو تعديل كلمات السر المخزنة على المتصفح اكتب (edit passwords) أو (update credentials)
  واختار اللي عايزه من الاختيارات اللي هتظهر لك
• لتحديث وترقية المتصفح اكتب (update browser) أو (update google chrome)
• لترجمة صفحة ويب مباشرة.. اكتب (translate) أو (translate this) لترجمة الصفحة الظاهرة
• لتعديل أو تغيير طريقة الدفع الإلكتروني المخزنة اكتب (edit credit card) أو (update card info)
• لمسح تاريخ السيرش اكتب (delete history) أو (clear cache) أو (wipe cookies)
• لفتح نافذة تصفح سرية اكتب (launch incognito mode) أو (icognito)