المحتويات
تحويل الفلوس عن طريق الموبايل خدمة متوفرة لكل شركات الاتصالات وفوري وميزة، وهتساعدك على تحويل واستقبال الفلوس بطريقة سهلة بدون الحاجة للبنك.
فودافون كاش لتحويل الفلوس
- لازم تشترك في الخدمة مجانا في أقرب فرع ليك بصورة البطاقة اللي الخط مسجل بيها
- اشحن محفظتك بالمبلغ اللي عايز تحوله أو تحتفظ بيه فيها بأقصى حد 10 آلاف جنيه
- هيوصلك رسالة بتأكيد الإيداع على الموبايل
- الحد الأقصى للإيداع اليومي هو 6 آلاف جنيه والشهري 50 ألف جنيه
- عشان تبعت الفلوس.. اطلب الكود (#9*) أو من خلال الخدمات الصوتية على رقم (7000)
- هيظهرلك مجموعة من الخدمات.. اختار رقم واحد (تحويل الأموال)
- اختار رقم واحد (إدخال الرقم) واكتب الرقم وبعدين دوس على الرد (Reply)
- دوس على رقم واحد (للتأكيد) لو الرقم صحيح
- ادخل قيمة المبلغ اللي عايز تحوله من 5 جنيه- 30 ألف جنيه وبعدين دوس على الرد (Reply)
- دخل الرقم السري الخاص بخدمة فودافون كاش وبعدين دوس على الرد (Reply) لتحويل المبلغ
- رسوم السحب هي 2% من المبلغ اللي سحبته ورسوم التحويل هي جنيه بيتخصم من باقي حسابك
أورانج كاش (Orange Money) لتحويل الفلوس
- عشان تشترك في الخدمة روح لأقرب فرع أورانج ليك
- هتحتاج البطاقة الشخصية وتكون سارية ولازم تكون مصري الجنسية
- أو ممكن تطلب (#115#) واختار 1 (للاشتراك) أو ممكن تتصل بـ(115)
- دخل الرقم القومي اللي الخط متسجل بيه
- هتوصلك رسالة فيها رقم سري مؤقت.. دخل الرقم السري المؤقت وبعدين اعمل رقم جديد مكون من 6 أرقام غير متكررة أو متتالية
- الحد الأقصى لرصيد المحفظة أو المعاملات اليومية 10 آلاف جنيه
- المحفظة صالحة لمدة 3 شهور من تاريخ الاشتراك وممكن تحولها لمحفظة دائمة في أقرب فرع ليك
- الحد الأدنى لأي عملية تحويل 5 جنيه والأقصى 30 ألف جنيه
- لتحويل الفلوس..اطلب (#115#) واختار 1 لتحويل الفلوس
- اختار المرسل إليه من قائمة أورانج كاش أو عن طريق إدخال رقم الموبايل
- اكتب المبلغ ودوس 1 (للتأكيد) وبعدين اكتب الرقم السري
- المرسل والمرسل إليه بيستقبلوا رسالة بعد انتهاء عملية التحويل
- التحويل مجاني مهما كان المبلغ المرسل
- ممكن تحمل تطبيق أورانج كاش لمتابعة حسابك
اتصالات كاش لتحويل الفلوس
- للاشتراك في الخدمة.. روح لأقرب فرع اتصالات مع بطاقة رقم قومي سارية وخط اتصالا بإسمك عشان تملى استمارة الاشتراك في الخدمة
- لتحويل الفلوس.. اطلب (*777*1#) هتدخل الرقم السري والمبلغ اللي عايز تحوله
- اكتب رقم الشخص المحول ليه الفلوس وبعدين هتعيد إدخال الأرقام تاني
- لتأكيد العملية اختار رقم (1)
- هيتم تحويل المبلغ وهتوصلك رسالة تأكيد
- التحويل مجانا حتى لو لرقم غير اتصالات
تطبيق ميزة
- استخرج بطاقة ميزة من أقرب فرع من فروع البنك الأهلي/ القاهرة/ بنك مصر/ التجاري الدولي
- هتحتاج بطاقة الرقم القومي ومش ضروري يكون عندك حساب بنكي لاستخراجها
- لازم تفعلها وتحدد الرقم السري
- ممكن تشحنها بطريقتين.. من خلال إيداع الأموال في ماكينات الصرف الآلي التابعة للبنك المصدر ليها
- أو من خلال أي فرع من فروع البنك المصدر للبطاقة
- افتح تطبيق المحفظة الإلكترونية الخاصة بيك ودخل رقم الموبايل اللي هيتم التحويل ليه
- حدد قيمة المبلغ واختار (تحويل)
- تقدر تاخد المبلغ من أقرب ماكينة صرف آلي عليها لوجو ميزة
فوري
- تقدر تحول فلوس من خلال فوري عن طريق محفظة فودافون كاش/ أورانج على حسب نوع الخط المستخدم
- أو عن طريق شبكة فوري من خلال المحفظة الذكية التابعة للبنك التجاري الدولي
- حمل التطبيق وفعله من أقرب فرع ليك
- أو عن طريق التطبيق التابع لبنك مصر (محفظة BM Wallet ) واستكمل إجراءات التفعيل في أقرب فرع ليك
- وممكن من خلال التطبيق الخاص ببنك الإسكندرية وفعله في أقرب فرع ليك واستخدم محفظة (محفظتي)
- أو من خلال تطبيق البنك الأهلي وفعله في أقرب فرع ليك واستخدم محفظة (الفون كاش)
