الحظ مبني بشكل أساسي على قانون الاحتمالات وهو مرتبط أكتر بالظروف المحيطة بجانب اجتهادك الشخصي، وبالتالي الموضوع مش في إيدك لوحدك، لكن بعض الخطوات وصل العلماء ليها ممكن تساعد على تحسين حظك وتزوّيد فرصك في الحصول على الشيء اللي بتتمناه.
تحسين الحظ بطرق علمية
- خبراء كتير بيقولوا إن اجتهادك وسعيك للاستفادة من أي فرصة بيزود فرص تحقيقك للنجاح
- توقّع الأفضل دايمًا وفكّر في تحقيق حلمك وهدفك مهما كانت الصعوبات
- حلل أي موقف أو موضوع قدامك وابحث عن سبب أي مشكلة واسعى لحلها
- اهتم بصحتك وانتبه لأعراض أي أمراض عشان تتعالج بدري
- ستيفن جوبز قال في محاضرة له في جامعة ستانفورد إن نظرتك لنتايج الأمور على المدى البعيد بيحسن حظك
- دراسة بريطانية بتقول إن التسويف وتأجيل أي مهمة وراك بتقلل تحقيقك لأهداف وبتحس وقتها بسوء الحظ
- مثلًا بتقل فرص دخولك للامتحان لو نزلت متأخر عن معادك وفي أغلب الوقت هتوصف ده بسوء الحظ بسبب الزحمة
- بلاش تعتمد على شخص تاني تستمد منه دعم مادي أو عاطفي مهما كان قريب منك
- خليك واثق في نفسك وقدراتك مهما كانت ظروفك صعبة
- دراسة بتأكد إن التشاؤم من أي شيء بجانب الإحباط بيقلل إنتاجك وقدرتك على تحقيق هدفك
- اختار هدف متوافق مع اهتماماتك وشغفك لأن اختيارك لشيء مش مؤمن أو مقتنع بيه بيقلل فرص نجاحك
- مثلًا الاجتهاد في مجال بتحبه هيساعدك تبذل كل جهدك من مذاكرة وبحث ومجهود في تلقي المعلومات عشان توصل للحصول على الشهادة أو حل مشكلة معيّنة بتواجهها
- لكن العمل أو الدراسة في مجال مش محبب ليك بيقلل فرص سعيّك وبيزيد اعتمادك على الغير عشان يساعدوك وبالتالي ممكن يبقى الحظ مش في صفّك
- حاوط نفسك بدوائر بتستفيد منها سواء أشخاص أو مجتمع معيّن لأن جزء مش قليل من حظك بيعتمد على المناخ اللي إنت عايش فيه وبتتفاعل معاه
- اعرف إنك مش ضروري تكون محظوظ في كل شيء وتجنّب الإحباط والضيق لو حسيت بالفشل أو عدم التحقق في وقت معين من حياتك
مقاومة مشاعر الإحباط
- بتختلف استجابة الأشخاص لمشاعر الإحباط مع اختلاف الدافع اللي بيحركهم للنجاح وإصرارهم عليه
- افتكر دايمًا إن الإحباط من أهم وأقوى مسببات الحظ السيء لأنه شعور سلبي بيخليك عاجز عن بذل مجهود أكبر لتحقيق هدفك
- ابذل مجهود كبير عشان تخرجه من تفكيرك واتعامل على إنك بتبدأ من جديد وحدد معاد تحقق فيه نتيجة معينة عشان تحس بالإنجاز
- عبر عن مشاعرك السلبية مع حد بتثق فيه لأن ده هيسهل حلها وافتكر إن الكبت ممكن يسبب مشاكل صحية
- اعمل أي نشاط متمكن منه بنسبة كبيرة عشان تزيد ثقتك في نفسك
- دراسات كتير بتأكد إن تمارين التنفس دورها أساسي في تقليل الضغط النفسي عليك وبتقلل الإحباط
- زي إنك تاخد نفس عميق لمدة 5 ثواني وتكتمه مدة قليلة وبعدها تفرغه ببطء
- استعد لتكرار أي تجربة أكتر من مرة لحد ما تحقق اللي إنت عايزه منها واعرف إن الحظ السيء أو الفشل في مرة مش ضروري يتكرر في المرات اللي بعدها
البعد عن التشاؤم
- دراسة في جامعة فنلندية بتقول إن التشاؤم بيزود فرص الإصابة بالنوبات القلبية
- خلي تفكيرك مبني على أساس منطقي وبلاش تبالغ في تقدير أي موقف مهما كان صعب
- قاوم أي أفكار سلبية بالانشغال بأنشطة تانية تقلل تفكيرك فيها
- حدد هدف لنفسك وخطط لبذل كل جهدك لتحقيقه وبلاش تشغل نفسك بتوقع الأحداث المستقبلية اللي مش في إيدك تغييرها
- افتكر الحاجات الكويسة اللي عندك سواء صفات ومهارات أو حتى ممتلكات
- قضي وقت أطول مع الأشخاص الإيجابيين اللي بيزودوا ثقتك في نفسك
- خداع نفسك ومحاولة إظهار التفاؤل بتأثر في مشاعرك مع الوقت
- دراسة في جامعة كينجز كولدج لندن بتقول إن 25% من التفاؤل وراثي لكن الباقي عليك
- درب نفسك وركّز على التفكير بإيجابية وبلاش تفتكر أخطاء الماضي
- التأمل وممارسة أنشطة جديدة وإثبات نفسك فيها هيطور شخصيتك
