خدمات
شروط إحلال السيارات والمستندات المطلوبة والحوافز المالية للمشاركين
إزاي تعرف شروط مبادرة إحلال السيارات؟
المحتويات
شروط إحلال السيارات وهي المبادرة الرئاسية اللي بدأت في يناير 2021 وبتستهدف استبدال السيارات القديمة اللي مر عليها 20 سنة بسيارات جديدة تعمل بالغاز الطبيعي.
محافظات المرحلة الأولى
- القاهرة والجيزة والقليوبية والإسكندرية والسويس والبحر الأحمر وبورسعيد
مزايا المبادرة
- بيستفيد كل المشتركين في المبادرة من حافز مادي وهو:
- 10% من قيمة السيارة الجديدة بحد أقصى 22 ألف جنيه للسيارات الملاكي
- 20% من قيمة السيارة الجديدة بحد أقصى 45 ألف جنيه للسيارات التاكسي (الأجرة)
- 25% من قيمة السيارة الجديدة بحد أقصى 65 ألف جنيه للسيارات الميكروباص
- شركة مصر للتأمين بتقدم عروض تأمينية بخصم 50% على وثيقة التأمين الشامل على السيارة
- وبتقدّم الشركة خصم 50% على وثيقة التأمين على الحياة للشخص المشارك في المبادرة
أهداف المبادرة
- رفع مستوى سائقي التاكسي أو الميكروباص من خلال تعريفة أجرة جديدة واستخدام سيارة أعطالها قليلة وبالتالي بيتيح لهم فرص عمل لساعات أطول
- الحفاظ على البيئة وتقليل الانبعاثات الكربونية بجانب الحفاظ على سلامة الطريق بعد خروج السيارات القديمة من الطرق واللي كانت من أكبر أسباب الحوادث
- تشجيع وجود تكنولوجي ونشاط إعادة تدوير المنتجات وزيادة معدّلات التشغيل
- الحفاظ على الانسياب المروري نتيجة اختفاء السيارات القديمة اللي بتسبب أحيانًا بعض الأزمات المرورية نتيجة
- تخفيض الدعم الموجه للوقود وبالتالي تخفيف العبء على الدولة
شروط مبادرة إحلال السيارات
- المتقدم لازم يبقى مصري الجنسية
- ضروري يبقى سنّه مش أقل من 21 سنة (ومفيش حد أقصى للسن في حالة السداد النقدي لكن في حالات السداد بالتقسيط ضروري يبقى الحد الأقصى للسن هو 65 سنة
- لازم يكون مر على تصنيع السيارة مش أقل من 20 سنة
- ضروري يبقى مقدم الطلب هو صاحب السيارة ومالكها مش أقل من سنتين قبل تاريخ إصدار المبادرة (يناير 2021)
المستندات المطلوبة
- صورة بطاقة الرقم القومي للمستفيد والضامن
- تقديم مستندات تثبت محل الإقامة سواء الإيجار أو التمليك
- وصل كهرباء أو مياه أو تليفون حديث (لم يمر عليه أكتر من 3 شهور)
- برنت تأمينات اجتماعية واضح فيها إن الشخص المشترك مؤمن عليه
- تقديم صحيفة حالة جنائية مدتها مش أكتر من شهر وشهادة من الضرائب بتقول إن الشخص أو المركبة مفيش عليهم أي مستحقات ضريبية
الإجراءات بعد تحضير الأوراق
- بيتوجه المالك لساحة التخريد التابعة لمحافظته تمهيدًا لتخريدها وده قبل موعد استلام السيارة الجديدة
- لكن ضروري يبقى مع المالك صورة بيانات حديثة للسيارة
- في ساحة التخريد بتفحص لجنة فنّية السيارة وبتسلّم تقرير فني بحالة السيارة وبيبقى معاك الأصل والصورة من التقرير
- بتسلّم الأصل لممثل وزارة المالية الموجود في الساحة وبيتحدد بعدها معاد لاستلام السيارة الجديدة لو هيشتري نقدًا لكن لو بالتقسيط بيروح البنك يخلّص إجراءات القرض قبل استلام السيارة الجديدة
طرق التواصل مع المبادرة
- رقم 15707 هو الخط الساخن اللي تقدر تستفسر عن أي حاجة تخص المبادرة عن طريقه أو ممكن تبعت رسالة على صفحة المبادرة على فيس بوك أو على موقع المبادرة
