المحتويات
دراسة جدوى هي عنصر أساسي قبل تأسيس أي مشروع اقتصادي بهدف الربح وبتعتبر عامل رئيسي في نجاح المشروع وتجنب الخسارة بعد دراسة السوق وتحديد المنافسين ومدى إمكانية تطبيق الفكرة على أرض الواقع.
تعريف دراسة الجدوى
- هي دراسة بتعرفك وضع السوق وحجم العرض والطلب والمنافسين للمشروع والعملاء المستهدفين ومن ضمن تفاصيلها وضع تصور كامل فني ومالي عن المشروع، وبالتالي بتقدر تحدد لو المشروع هيفيدك وهيحقق الأرباح المنتظرة ولا لأ
خطوات عمل دراسة الجدوى
التحليل المبدئي
- في المرحلة دي بتراقب كل الشركات المنافسة في نفس المجال اللي عايز تشتغل فيه وبتشوف مميزاتها وبتقارن بينها وبين الميزة اللي مشروعك هيقدمها للمستهلكين
- بتشوف من خلال تحليلك المبدئي أي صعوبات هتواجهك أثناء بدء المشروع
مسح السوق
- بتعتبر أهم خطوة في دراسة الجدوى وهي معرفة كل كبيرة وصغيرة عن كل شركة في السوق بتشتغل في نفس النشاط اللي بتعمله ونشاطها وأماكن توزيعها وإجمالي إيراداتها عشان تقدر تتوقع الإيرادات المنطقية لمشروعة سواء كان بنفس حجم المنافسين أو أصغر
- بتقدر تعرف لو السوق يستحمل شركات جديدة ولا فيه اكتفاء ذاتي ومش هتقدر تضيف حاجة جديدة للسوق
- مسح السوق بياخد وقت ولكن شركات متخصصة بتقدر تعمله في المجال اللي بتختاره
الدراسة الفنية للمشروع
- بتشوف المعدات أو الأدوات المستخدمة للمشروع
- بتبحث عن مقر مناسب أو على الأقل بتحدد مواصفاته
- بتحدد مدى احتياج المشروع لأيدي عاملة وموظفين وعددهم
- بتكتب بالتفصيل الإجراءات والتراخيص المطلوبة قبل بداية المشروع
تنظيم الأعمال والميزانية
- بتشمل خطة تحديد ميزانية تشغيل المشروع وحساب تكلفة المعدات ومرتبات الموظفين وغيرها من المصاريف
- وفي نفس الوقت بتسأل نفسك لو مشروع هيقدر يحقق ربح على المدى البعيد أو القريب ولا لأ أو حتى على الأقل هيقدر يغطي النفقات المطلوبة في أول سنة
- بتشوف أقصى مدة تقدر تنفق فيها على المشروع بدون صافي ربح كبير
المراجعة
- التحقق من مدى صحة وواقعية كل البيانات والمعلومات الموجودة في الدراسة ومطابقتها لأرض الواقع
- التأكد من الأرقام والأسعار ومدى القدرة على تحقيق الأهداف المحددة خلال الفترة الزمنية المطلوبة
- البحث عن توثيق لكل المعلومات المتاحة عن السوق والمنافسين إن أمكن
- المقارنة بين الإيرادات المتوقعة وتكاليف التشغيل وبتشوف صافي الأرباح مجزي للبدء في المشروع ولا لأ
اتخاذ القرار
- بعد الانتهاء من الدراسة ضروري تاخد القرار مبني على المعطيات اللي معاك وتستشير شخص تاني أو أكتر يقيّموا دراسة الجدوى ويحددوا لو المشروع مربح وقابل للتنفيذ والنجاح ولا لأ
