ساندوتشات بأفكار جديدة وخفيفة لفصل الصيف

ساندوتشات مع شوية بطاطس وعصير فريش، ممكن تكون وجبة كاملة ومثالية في فصل الصيف، لأن تحضيرها سهل وبسيط، وكمان مناسبة للمصايف والنزهات وطرق السفر، بجانب إن معظمنا بيعاني من قلة الشهية بسبب ارتفاع درجات الحرارة خاصة الأطفال.

وبدل ما تقضي يوم صيفي في مطبخك، هنقولك أفكار سهلة وسريعة تقدر تعملها وتستمتع بوقتك.

ساندوتش سلطة التونة

المكونات

• علبة تونة
• تلت كوباية جبنة ماعز/ قريش
• معلقة كبير عصير ليمون
• ربع كوباية بصل أحمر مفروم
• معلقة كبيرة شبت مفروم
• معلقتين كبار مايونيز
• معلقة كبيرة بقدونس مفروم
• 4 أرغفة عيش فينو (العادي أو البني)
• معلقة صغيرة مستردة
• أوراق خس
• شرايح طماطم

الطريقة

• في بولة.. اخلط التونة مع البصل والشبت والبصل الأحمر والمايونيز والجبنة وعصير الليمون والمستردة والماينويز
• وزع الخس وشرايح الطماطم على العيش وضيف كمية مناسبة من خليط التونة

ستيك ساندوتش 

المكونات

الطريقة 

• سخن الزيت وشوح البصل لحد ما يدبل
• ضيف الفلفل وقلب لحد ما يدبل، وضيف اللحمة
• تبل بالملح والفلفل الأسود وبودرة التوم
• بعد ما يتحول لون اللحمة لبني.. ضيف المشروم وقلب لمدة 10 دقايق
• قسم الخليط على العيش وضيف عليها الجبنة بالتساوي
•  دخل الساندوتشات الفرن لحد ما الجبنة تستوي

ساندوتش تشيكن رانش

المكونات

• نص كيلو فراخ بانيه مقطع شرايح
• ربع كوباية زبادي يوناني
• معلقتين كبار زيت زيتون
• ربع كوباية مايونيز
• فصين توم مفروم
• ملح وفلفل أسود
• معلقة كبيرة بقدونس مفروم
• 4 أرغفة عيش التورتيلا
• 4 أوراق خس كبيرة
• ثمرة طماطم كبيرة مقطعة 8 شرابح

الطريقة

• اخلط الزبادي مع المايونيز والبقدونس والتوم وتبل بالملح والفلفل الأسود
• سخن زيت الزيتون وضيف الفراخ وتبلها بالملح والفلفل الأسود
• شوح الفراخ لمدة 7 دقايق أو لحد ما تستوي
• ضيف معلقتين كبار من صوص الرانش
• في كل رغيف افرد ورقة خس وعليها 2 شريحة طماطم وكمية مناسبة من الفراخ
• ضيف كمية مناسبة من صوص الرانش ولف العيش كويس
• كرر مع باقي الأرغفة

ساندوتشات ميني باللحمة المفرومة

المكونات

• نص كيلو لحمة مفرومة
• بصلة متوسطة مفرومة 
• معلقة كبيرة زيت 
• ثمرة طماطم مقطعة مكعبات صغيرة
• فص توم مفروم
• ثمرة كوسة مبشورة أو مفرومة
• معلقة كبيرة كاري
• نص كوباية مياه
• ملح وفلفل أسود 
• 8 أرغفة كيزر صغيرة أو بيتي بان

الطريقة

• شوح البصلة مع التوم لمدة 3 دقايق
• ضيف اللحمة المفرومة والكاري وتبل بالملح والفلفل الأسود
• قلب كويس لحد ما لون اللحمة يتحول لبني.. ضيف المياه وسيبها على النار لمدة 15 دقيقة
• ضيف الطماطم والكوسة وقلب لحد ما الكوسة تستوي
• وزع الخليط في أرغفة العيش بكميات متساوية وممكن تضيف لها هوت صوص 

كاليفورنيا برجر

المكونات

• نص كيلو لحمة مفرومة 
• 8 أوراق خس
• ربع كوباية بصل أحمر مقطع شرايح
• نص ثمرة أفوكادو مقطعة شرايح رفيعة
• تلت كوباية جبنة فيتا مفتتة 
• ملح وفلفل أسود
• معلقة كبيرة زيت

الطريقة

• امزج اللحمة المفرومة مع الملح والفلفل الأسود كويس وشكلها لـ8 كرات 
• في طاسة غير قابلة لالتصاق.. سخن الزيت واشوي البرجر
• افرد أوراق الخس ووزع عليها الجبنة الفيتا بالتساوي 
• ضيف قطعة برجر في كل ورقة وعليها كمية من الأفوكادو والبصل