المحتويات
زراعة الشعر من الحلول اللي بيلجأ إليها الرجال والسيدات للتخلص من مشاكل الصلع في بعض مناطق الرأس ولكن ليها شروط محددة لأن مش أي شخص مصاب بالصلع أو مقدماته ممكن تبقى العملية مفيدة بالنسبة له.
علامات مبكرة على الإصابة بالصلع
- بتتساقط كمية شعر كبيرة في شكل بقع بمناطق متفرقة في الرأس
- بداية التساقط من مقدمة الشعر والجوانب
- بتحس بالألم والحكة أثناء التساقط
- ترقق وضعف الشعر فجأة
- احمرار فروة الرأس وزيادة بقع القشرة
- زيادة الإفرازات من فروة الرأس
- بقع صلع دائرية وغير مكتملة في الدقن والحاجبين
- زيادة حب الشباب في فروة الرأس
طبيعة عملية زراعة الشعر
- ضروري تعرف إن زرع الشعر مش مناسب لكل المصابين بالصلع ولكن فقط للأشخاص اللي توزيع الشعر في رأسهم متفاوت في الكثافة
- يعني لو عندك منطقة في رأسك أو جسمك فيها شعر بكمية كبيرة ومنطقة معيّنة في رأسك خالية من الشعر تقدر تزرع فيها
- لكن الصلع الكامل وخلوّ رأسك أو جسمك من الشعر بيصعّب فرصك في إجراء العملية
- العملية بتتم عن طريق فحص رأس المريض وتحديد بالتفصيل الأماكن كثيفة الشعر والأماكن اللي هيتزرع فيها
- ضروري تكوّن الأماكن اللي فيها شعر في رأسك عالية الكثافة لأنك هتشيل بعض الشعيرات من مكانها وهتزرعها في مكان تاني
- وبالتالي لو الشعر نفسه خفيف أو كثافته قليلة هتزيد فرص إصابتك بالصلع في الأماكن دي
- بعض الناس بتلجأ لزراعة الشعر عن طريق إزالة شعر من الجسم وزرعها في الرأس لكن ضروري يبقى الشعر اللي في الجسم كثيف ومظهره مناسب
- العملية بتحصل عن طريق تخدير رأس المريض ببعض الإبر واقتطاف بعض الشعر منّه وبعدها حقن المنطقة اللي هتتزرع بحقن مخدرة لزراعتها
- الزراعة بتحصل بدقة متناهية سواء في مكان التركيب أو الزاوية اللي الشعر هيتركب بيها عشان ينمو بطريقة صحيحة ومظهر مستوي
مدة عملية زراعة الشعر
- العملية بتستغرق حوالي من 5 لـ 6 ساعات
- النتيجة النهائية للعملية مش بتظهر قبل 7 أو 8 شهور لأن جزء كبير من الشعر المزروع بيسقط بعد شهر من العملية ولكنه بيرجع ينمو تاني وبيتدرج في النمو على مدار فترة طويلة
الأعراض الجانبية بعد العملية
- نزيف خارجي بعد العملية مباشرة لمدة بسيطة
- ألم بيستمر لأيام قليلة ولكن ممكن تحمّله أو تهدئته بالمسكنات
- تورّم الجبهة والعينين أحيانًا ولكنه بيحصل في حالات قليلة وبينصح خلالها الطبيب بالراحة التامة لتجنب أي تورّمات
- ظهور الخراج أو انتقال عدوى ولكن أغلب الأطباء بيوصفوا للمرضى تناول المضادات الحيوية لتجنب أي إصابات أو عدوى خطيرة
- نسبة قليلة فقط من المرضى (حوالي 5%) بيصابوا بزغطة صعبة لأيام ولكنها بتختفي من تلقاء نفسها أو عن طريق بعض مضادات الحموضة
