المحتويات
تسجيل الخدمة العامة سهل تقديمه إلكترونيًا عن طريق بوابة مصر الرقمية ومش بتحتاج تروح لمكتب الشؤون الاجتماعية للتسجيل، ولكن بعض المستندات ضروري تبقى مجهّزها من قبلها.
تعريف الخدمة العامة
- هو واجب وطني بيؤديه الشباب من الجنسين من خريجي المعاهد العليا والكليات سواء الإناث أو الذكور اللي بيزيدوا عن حاجة القوات المسلحة أو اللي بيتقرر إعفائهم من الخدمة العسكرية
- الخدمة بتقدم لمدة عام واحد سواء ذات الطابع التنموي أو المتماشية مع حاجة الدولة التنموية زي محو الأمية وتنظيم الأسرة ومبادرة حياة كريمة والأسرة المنتجة وغيرها من المبادرات
- في بعض الحلات بيتوزع المتقدمين على الجهات الإدارية بالدولة لسد العجز الوظيفي والارتقاء بالعمل
المستندات المطلوبة قبل الالتحاق بالخدمة
- بطاقة الرقم القومي وصورتين منها
- شهادة التخرج من الجامعة أو المعهد العالي وصورتين منها
- الموقف من التجنيد (للذكور)
- 4 صور شخصية
- استيفاء نموذج (أ خ ع ) وداخله بيحدد الشاب المجال اللي حابب يخدم فيه (بيتوزع داخل وحدات الخدمة العامة بالهيئات والوزارات المختلفة)
الشروط
- الانتهاء من التعليم الجامعي والحصول على شهادة تخرج
- صدور قرار من وزير التضامن الاجتماعي بتكليف دفعته
- حصول الذكور الخريجين على إعفاء نهائي من الخدمة العسكرية
- الشاب لازم يكون مصري الجنسية
خطوات تسجيل الخدمة العامة
- ادخل على الرابط ده واختار طلب جديد
- املا كل البيانات المطلوبة منّك ومنها اسمك وعنوانك ومؤهلك ودرجتك العلمية واللغات اللي بتجيدها وتفاصيل تانية تخصّك
- اكتب اسم مستخدم وكلمة سر عشان تتابع حالة طلبك وبعدها اضغط على إرسال
- اعرف إن التطوع في وزارة الشباب والرياضة خطواته منفصلة عن تطوع الخدمة العامة وممكن تعرف تفاصيل اكتر عنه داخل الرابط
