المحتويات
الاستعلام عن شقق الاسكان الاجتماعي بالرقم القومي بيتم عن طريق رابط صندوق الإسكان الاجتماعي ودعم التمويل العقاري وبالتالي ضروري تعرف خطوات التسجيل على الموقع وتفهم أكتر طبيعة المبادرة وأرقام التليفونات اللي ممكن تتصل عليها عشان تستعلم عن شقق الإسكان الاجتماعي.
خطوات الاستعلام عن شقق الإسكان الاجتماعي
- ادخل على موقع صندوق الإسكان الاجتماعي ودعم التمويل العقاري واعمل تسجيل دخول
- اكتب البيانات المطلوبة منّك وبعد حفظ البيانات ارفع كل المستندات حسب آخر إعلان نزل على الموقع
- املا البيانات المطلوبة منّك واتأكد إنها صحيحة
- بعد فترة لو عايز تستعلم عن نتيجة الفرز اضغط على اللينك ده
- لو المواصفات مش منطبقة عليك هتختار تقديم تظلّم عشان تطلب من الجهات المختصة مراجعة أوراقك مرة تانية
- لو التظلم اترفض تقدر تسحب طلبك وتقدم على إعلان جديد مناسب لدخلك ولحالتك الاجتماعية
أرقام التليفونات للاستعلام عن شقق الاسكان الاجتماعي بالرقم القومي
- ابعت رسالة فيها رقمك القومي على أرقام 5999 أو 5777 أو 1188
- أو اتصل على رقم الخط الساخن 0900711117
شروط الإعلان الـ 13
- سن المُتقدم مش أقل من 21 سنة ومش زيادة عن 50 سنة في تاريخ نهاية الإعلان
- عدم الاستفادة للمُتقدم أو الأسرة سابقا سواء كان المستفيدين الزوج أو الزوجة أو الأولاد القصر
- عدم امتلاك المُتقدم أو الأسرة سواء الزوج أو الزوجة أو الأولاد القصر أي مسكن
- ممنوع على المُتقدم شراء الوحدات نقداً ويلتزم بالسداد بنظام التمويل العقاري
- مش من حق المتقدم أو أسرته سواء الزوج أو الزوجة أو الأولاد القصر التقدم لحجز أكثر من وحدة في الإعلان الواحد
- المتقدم لازم يكون من أبناء المحافظة المتقدم عليها أو مقيم فيها أو بيشتغل فيها أو بالمدن التابعة ليها
- ممكن الدائرة تشمل المحافظات المجاورة ولكن الأولوية للعاملين أو المقيمين بالمحافظة ذاتها
- اعرف إن استعمال وحدات الإسكان الاجتماعي للسكن وممنوع التصرف في الوحدة بأي نوع من أنواع التصرفات أو التعاملات قبل مرور 7 سنوات من تاريخ الاستلام
- بيعاقب أي شخص بيقوم بعكس كده وفقاً لأحكام القانون
- شراء كراسة الشروط المتضمنة استمارة حجز الوحدة السكنية بمبلغ 100 جنيه لا تُرد ولاتُسترد
- دخل الأسرة من كل المصادر مش بيزيد عن 68400 جنيه سنوياً أي ما يعادل 5700 جنيه شهرياً
- لا يقل صافي الدخل الشهري للأسرة عن 1300 جنيه وهو الحد الأدنى للتعامل بنظام التمويل العقاري
- أما لو الشخص أعزب لازم كل مصادر دخله تبقى قيمتها 50400 جنيه سنوياً وده يعادل 4200 جنيه شهرياً
- لا يقل صافي الدخل الشهري له عن 1300 جنيه وده الحد الأدنى للتعامل بنظام التمويل العقاري
