المحتويات
موقع دعم مصر التابع لوزارة التموين والتجارة الداخلية، بيقدم عدد من الخدمات الإلكترونية بتسهل على المواطنين إتمام الخدمات التموينية من أي مكان وفي أي وقت طوال الـ24 ساعة خلال الأسبوع، لمنع التكدس أمام مكاتب التموين المختلفة في المحافظات، خاصة مع بداية جائحة كورونا.
تقدر دلوقتي تستفيد من خدمات موقع دعم مصر، عن طريق اختيارك لنوع الخدمة اللي محتاجها، وموجودة في شريط أعلى صفحة الموقع، لكن قبل ما تبدأ في الخطوات هتظهر لك رسالة تحذيرية، إنه في حالة إثبات أي تزوير في أي بيان من بيانات البطاقة هيتم إلغاء البطاقة نهائيًا، والمساءلة القانونية بإدلاء بيانات خاطئة في مستندات رسمية، اضغط على موافق، عشان تقدر تكمل الخطوات.
خدمات موقع دعم مصر
بتتضمن 11 خدمة تموينية:
إصدار بدل لبطاقة التموين
- ادخل على الموقع واضغط على (خدمات تموينية للمواطنين) من الشريط أعلى صفحة الموقع
- اختار (استخراج بدل لبطاقة التموين)
- اضغط على موافق على الرسالة التحذيرية
- سجل رقم البطاقة التموينية أو القومي واضغط على التالي
- هيطلب منك الموقع الإجابة على بعض الأسئلة زي الرقم القومي لأحد المستفيدين بالبطاقة
- كمل باقي الخطوات حسب توجيهات الموقع
- هيبعت لك الموقع كود من 4 أرقام في رسالة نصية لرقم الموبايل المسجل باسم صاحب البطاقة
- دخل الكود في الخانة المخصصة
- مهم تراعي عدم تجاوز الوقت المحدد لإدخال الكود
- هيتم خصم ثمن الكارت الذكي للبطاقة 20 جنيها من قيمة الدعم المخصص لصاحب البطاقة مع أول صرف بعد إصدارها
إصدار بطاقة تموين جديدة
- اضغط على خدمات تموينية للمواطنين، واختار (إصدار بطاقة تموين جديدة)
- دخل البيانات المطلوبة زي المحافظة/ الإدارة التموينية/ مكتب التموين التابع له/ الرقم القومي/ أفراد الأسرة
- اضغط على موافق على الشروط والأحكام
- اكتب العنوان اللي هتستلم عليه بطاقة التموين الجديدة بالتفصيل
- اضغط التالي وبعد كدة عرض ملخص الطلب وهي تكلفة إصدار البطاقة الجديدة
- راجع المبلغ المطلوب قبل السداد، واضغط على (سدد الآن)
النقل من محافظة إلى أخرى
- اختار خدمات تموينية للمواطنين واختار (النقل من محافظة إلى أخرى)
- اضغط على موافق على الرسالة التحذيرية
- اكتب رقم البطاقة التموينية واضغط على التالي
- كمل باقي البيانات المطلوبة وسجل طلبك
إصدار بطاقة فصل اجتماعي
- وهي استخراج بطاقة تموينية مستقلة عن بطاقة الأسرة، في حالات محددة، زي: زواج الشاب أو استقلاله بعيدا عن أسرته، وبالنسبة للفتيات في حالة الطلاق
- اختار خدمات تموينية للمواطنين واضغط على (إصدار بطاقة فصل اجتماعي)
- اضغط على موافق على الرسالة التحذيرية
- دخل الرقم القومي اللي عايز تفصله اجتماعي وكمل باقي البيانات المطلوبة
- اكتب رقم التحقق واضغط على إعادة الإرسال
إضافة أفراد جدد
- اختار خدمات تموينية للمواطنين واضغط على (إضافة أفراد جدد)
- هيظهر قدامك مستطيل.. اكتب فيه رقم البطاقة التموينية
- اختار المحافظة والمنطقة التابعة (الإدارة التموينية) ومكتب التموين في المنطقة اللي ساكن فيها
- اكتب اسم مقدم السلعة التموينية ومكان صرف المقررات التموينية
- اضغط على تسجيل وبعد كدة اكتب الرقم القومي للمواليد والأفراد
- لتفاصيل تانية ادخل هنا
تفعيل البطاقة واستلام الرقم السري
- اختار خدمات تموينية للمواطنين واضغط على (تفعيل البطاقة واستلام الرقم السرى)
- اضغط على موافق في الرسالة التحذيرية
- اكتب رقم البطاقة التموينية والمحافظة التابع لها
- اضغط على دخول وهيظهر اسم أحد أفراد البطاقة، والمطلوب إدخال الرقم القومي الخاص بهذا المستفيد، والمحافظة التابع لها
- دخل رقم الموبايل المسجل قبل كده، واضغط على التالي
- اكتب كود التحقق اللي هيوصلك على الموبايل المسجل
- هيتم خصم 1 جنيه من الدعم المقدم للمواطن، وفي حالة الموافقة اضغط على (إرسال)
- اضغط على تنشيط وهيوصلك الرقم السري على رقم الموبايل المسج
بيقدم الموقع خدمات تانية زي استعلام عن صرف البطاقة/ استعلام عن حالة الطلب/ استعلام عن صرف البطاقات
