المحتويات
جلد الوزة مشكلة بتصيب البشرة ببثور خشنة وجافة وصغيرة ولونها فاتح بتظهر عادة في الذراعين والفخدين والأرداف، نتيجة لإغلاق خلايا الجلد الميتة على المسام وبيأدي لنمو الشعر تحت الجلد
أسباب ظهور جلد الوزة
- ارتداء ملابس ضيقة لأنها مش بتسمح للجلد بالتنفس وبتزود الاحتكاك وده بيأدي لتهيج الجلد
- استخدام منتجات العناية بالبشرة اللي بتحتوي على العطور فبتسبب التهاب وانسداد المسام
- الإفراط في استخدام مقشرات البشرة، بتسبب جفاف الجلد وضعفه
- الاستحمام بالمياه الساخنة لأنها بتقلل الزيوت الطبيعية من البشرة وتسبب جفافها وتهيجها
- أسباب وراثية
- قلة شرب المياه
- عدم الاعتناء بالبشرة وترطيبها
- نقص فيتامين أ وهـ
- استخدام طرق إزالة الشعر الخاطئة زي الحلاقة
- التوتر العصبي والقلق المستمر
أعراض الإصابة
العرض الأساسي هو ظهور النتوءات الصغيرة الخشنة بلون مختلف عن لون الجلد، لكن بيصاحبها أعراض تانية زي
- حكة
- جفاف في الجلد خاصة في المنطقة الخلفية أعلى الذراعين أو الساقين أو الأرداف
- تهيج النتوءات وظهور احمرار (حالة اسمها التهاب الجلد الحزازي الاحتكاكي)
- خشونة الجلد
فئات أكتر عرضة للإصابة بجلد الوزة
- المراهقات
- المصابين بالسمنة
- أصحاب البشرة الفاتحة
- المصابين ببعض الحالات الجلدية التانية زي: الأكزيما، أو السماك (حالة وراثية بتتميز بوجود خلايا الجلد الميتة في شكل قشور الأسماك)
علاج جلد الوزة
- استخدمي مرطبات بتحتوي على اللانولين زي الفازلين والجليسرين لترطيب الجلد
- الاستحمام بمياه فاترة
- استخدام كريمات بتحتوي على حامض السلسليك للتخلص من الحبوب الخشنة الموجودة على الجلد
- تقشير البشرة بشكل دوري (مرتين في الأسبوع فقط)، لإزالة خلايا الجلد الميت
- ممكن تعتمدي على مكونات طبيعية في التقشير زي السكر والملح والقهوة وزيت الزيتون وزيت جوز الهند
- إزالة الشعر بالليزر
- في حالات إزالة الشعر بطرق طبيعية زي الشمع والسويت.. الأفضل إزالة الشعر في اتجاه نموه
- تناول مياه وسوايل بكميات كافية كل يوم
- تجنب الملابس الضيقة والخانقة للبشرة
وصفات طبيعية لعلاج جلد الوزة
زيت اللافندر وزيت شجرة الشاي
- بيساعد خليط زيت شجرة الشاي مع زيت اللافندر على قتل البكتيريا وتنظيف البشرة بعمق والتخلص من الالتهاب
- اخلطي 3 معالق كبار من كل نوع زيت وادهني البشرة بقطعة قطن كل يوم
عصير الليمون ومياه الورد
- لو مش بتعاني من حساسية ضد استخدام الليمون على بشرتك، ممكن تعتمدي على الماسك ده، لأنه بيحتوي على حمض الستريك اللي بيطهر الجلد ويعقمه وبيقضي على أي ميكروبات أو التهابات
- اخلطي عصير حبة ليمون مع ربع معلقة مياه ورد واغمسي قطنة نضيفة في الخليط
- مرري القطنة على المناطق المصابة وسيبي الخليط ينشف لمدة 20 قيقة، واغسلي البشرة بمياه فاترة
