المحتويات
تيك توك من أشهر التطبيقات المستخدمة حاليا، ومعرفة خطوات استخدام مميزاته المختلفة هيساعدك تستخدمه أكتر وبطريقة أسهل، زي الرقابة الأبوية وتحميل الفيديوهات من عليه.
تفعيل الرقابة الأبوية على تيك توك
- افتح البروفايل بتاعك (الأب/ الأم) من موبايلك ودوس على (…) في الزاوية الشمال
- اختار (الإعدادات والخصوصية – Privacy And Safety) ودوس على (ربط حسابات العائلة – Family Pairing
- هيسألك لو الحساب لأحد الوالدين (Parent) أو الطفل/ المراهق (Teen).. اختار أحد الوالدين
- دوس التالي – Next وهيظهر كود QR
- افتح بروفايل طفلك من موبايله.. وكرر نفس الخطوات لكن اختار (الطفل أو المراهق) بدل الوالدين
- هيطلب كود QR.. اعمل مسح – Scan للكود من موبايلك
- ودوس على (ربط الحسابات – Pairing Accounts)
- تقدر دلوقتي تتحكم في بعض الإعدادات زي الوقت والتعليقات والرسايل
تحميل فيديو من على تيك توك
من الموبايل
- افتح الفيديو اللي عايز تحمّله واضغط على علامة الـ Share هتلاقي علامة Save Video
- اضغط عليها وهتلاقي الفيديو اتحمّل عندك في الـ Gallery
من الكومبيوتر
- اعمل نسخ/ Copy لرابط الفيديو
- افتح موقع (https://snaptik.app/) واعمل لصق / Paste للرابط
- اختار Download Server 04 Source هتلاقي الفيديو اتحمّل على جهازك
تحويل فيديو تيك توك لـ(GIF)
- افتح التطبيق واختار الفيديو اللي عايزه
- دوس على أوبشن الشير وانزل لأسفل القائمة واختار (Share to GIF)
- هتظهرلك كلمة (Loading).. استنى لما يخلص وبعدين اختار (Generate)
- دوس على شير واختار التطبيق اللي عايز تستخدمه فيه
إضافة الـ(Effects) في تيك توك
من فيديو تاني
- افتح التطبيق واختار (Discover)
- اكتب اسم الفيديو أو اسم الـ(Effect) في السيرش بار
- افتح الفيديو ودوس على الـ(Effect) أسفل يسار الشاشة ولونه أصفر
- دوس على علامة الفيديو أسفل الشاشة عشان تستخدمه
- سجل الفيديو بالضغط على الزرار الدائري في نص الشاشة
الطريقة التانية
- دوس على علامة صح يمين الشاشة
- هتظهرلك قائمة بالـ(Filters) والتعديلات اللي ممكن تعملها زي كتابة كلام أو إضافة صوت
- ممكن تضيف فلتر/ تعدل الصوت/ تقص الفيديو من الأوبشن يمين أعلى الشاشة
- دوس على (Next) وبعدين (Post) عشان تنزله
عن طريق (Snapchat)
- افتح التطبيق ودوس على علامة الـ(Smiley face) جنب الكاميرا
- هيظهرلك مجموعة من الـ(Filters) اللي ممكن تستخدمها.. قلب فيهم واختار الأنسب ليك
- أو دوس على أوبشن الـ(Explore) يمين الشاشة عشان تشوف (Filters) ناس تانية عملتها
- دوس على الزرار في نص الشاشة عشان تسجل الفيديو ودوس (Save)
- افتح تيك توك ودوس على علامة (+)
- دوس على (Upload) واختار الفيديو اللي سجلته ودوس (Next)
- عدل فيه من القائمة الي فوق زي قص الفيديو/ تعديل الصوت/ إضافة فلتر
- دوس على (Add Filters) عشان تضيفها
- دوس على (Next) وبعدين (Post)
عند التسجيل
- دوس على علامة (+) أسفل الشاشة
- اضغط على (Effects) يسار الشاشة واختار منها أو من الـ(Filters) اللي هتظهرلك
- دوس عليه وابدأ بتسجيل الفيديو
