تيك توك من أكتر التطبيقات المستخدمة حاليا، وبيوفر لك فرص لتقليد مشاهد شهيرة وعمل تحديات رقص مختلفة، وهنقدملك الخطوات المهمة لتوثيقه والحيل المختلفة اللي عليه.
ما هو توثيق حساب تيك توك؟
هو ظهور العلامة الزرقاء جنب اسم حسابك وبتظهر أعلى في الحساب نفسه أو في في حالة عمل سيرش عليه
فوائد توثيقه
- بتدل على إن الحساب أصلي وحقيقي وغير مزيف ومن خلالها بتحصل على مميزات معينة زي المصداقية وإن المتابعين بيتفاعلوا مع شخصيتك الحقيقية
- بتشجع الناس التانية على متابعتك لأنهم بينتظروا محتوى مختلف وأصلي
- في حالة المشاهير والشخصيات العامة، توثيق الحساب بيحميهم من الحسابات التانية المزورة
خطوات توثيق حساب تيك توك
على عكس المنصات التانية، لا توجد وسيلة لطلب توثيق الحساب ولكنك لازم تستنى فريق عمل المنصة يتواصل معاك
تيك توك مخصص فريق لمتابعة الحسابات وتحديد الحسابات اللي تستحق التوثيق
لازم تتبع نصائح معينة عشان يلاحظوك ويفكروا بجدية في المحتوى اللي بتقدمه زي:
- انشر محتوى أصلي مصور بحرفية وجودة عالية عن طريق استخدام الـ(Tripod)/ مايك خارجي/ التصوير بشكل طولي
- قارن بين المحتوى اللي عامل مشاهدات كتير وبين محتواك في المدة/ النوعية/ الهاشتاج المستخدم/ الكابشن
- اعمل محتوى خفيف ومختلف واستخدم موسيقى وجرافيكس وخلفيات تضيف ليه
- دور على مواهبك مهما كانت بسيطة واستغلها في المحتوى واعمل سيرش على أي حاجة عايز تنفذها
- اعمل محتوى بشكل منتظم عشان المتابعين يستنوك دايما ونزله بجدول معين
- استخدم نفس الـ(Username) في الحسابات التانية زي الفيسبوك وإنستجرام تويتر عشان تعمل (Branding) صح لإسمك
- استخدم (Hashtags) متداولة بين الجمهور المستهدف ولو فيه واحد ترند في فترة معينة.. اعمل محتوى مناسب ليه
- اعمل تعليقات لحسابات تانية وخليك اجتماعي لأن التفاعل أساس التوثيق
- لازم عدد المتابعين يزيد يوميا بين 500-2000 متابع وبشكل مستمر
- عدد مشاهدات الحساب لازم تزيد يوميا بشكل منتظم
- الحسابات اللي محتواها بيكون ترند ليها نسبة أعلى في التوثيق
- لو عندك حساب في تطبيق تاني موثق زي الفيسبوك أو إنستجرام.. ده هيساعدك كتير
- التزم بالمحتوى الملائم واستخدم الأغاني الترند فيه
