المحتويات
تويتر من أهم منصات التواصل الاجتماعي وأكترهم تنوعا، وبيقدم مميزات مختلفة سهل تستخدمها، وإتباع خطوات حماية حسابك هيحمي بياناتك الشخصية وصورك وهيساعدك تأمن الحساب ضد أي اختراق.
علامات اختراق حساب تويتر
- نشر محتوى أو تغريدة غير متوقعة أو لا تتذكر نشرها من حسابك
- وجود رسايل خاصة غريبة مرسلة من حسابك
- ملاحظة سلوكيات أو تغيرات على حسابك لم تقم بعملها زي متابعة شخص معين أو إلغاء المتابعة أو حظر شخص معين
- وجود إشعارات بتنبهك إن حسابك في خطر
- تلقي إشعارات فيها تنبيه بتغيير معلومات عن حسابك
- كلمة المرور غير صالحة أو تلقي إشعار بتغييرها أو إعادة تعيينها
خطوات حماية حساب تويتر من الاختراق
لو لاحظت أي علامة من العلامات السابقة أو عايز تحمي حسابك من الاختراق، اتبع الخطوات دي
تغيير كلمة السر
دوس على الإعدادات (Settings) واختار كلمة المرور (Password) وبعدين إعادة تعيين كلمة المرور (Change Password)
المصادقة الثنائية (Two-Factor Authentication)
- تفعيله مهم لأنه هيطلب كود هيتم إرساله ليك عند محاولة أي شخص لتغيير الباسوورد
- دوس على الإعدادات والخصوصية (Settings & Privacy)
- اختار الأمان (Privacy) وبعدين دوس على المصادقة المكونة من عاملين (Two-Factor Authentication)
- في أكتر من طريقة ممكن تختار بينهم.. رسالة نصية أو تطبيق مصادقة أو مفتاح أمان
- اختار الطريقة المناسبة ليك واتبع التعليمات اللي هتظهر على الشاشة
- ممكن كمان تحدد المربع جنب خيار (حماية إعادة تعيين كلمة المرور) Password reset protect، للتحقق من المعلومات الإضافية قبل التمكن من طلب إعادة تعيين الباسوورد
- فمثلا لو الحساب مرتبط برقم الموبايل.. هيطلب منك إدخاله قبل تغيير الباسوورد
التأكد من أمان عنوانك البريدي
- لازم تتأكد من عنوانك البريدي المسجل على حساب تويتر وإنك الشخص الوحيد اللي تقدر تدخل عليه
- في حالة الشك.. غير باسوورد الإيميل
إلغاء الموقع الجغرافي على تويتر
الموقع الجغرافي بيظهر أسفل التغريدات اللي بتكتبها في حالة تفعيله وده بيظهر معلومات شخصية عنك للآخرين وهيسبب استهدافك بالإعلانات
اتبع الخطوات دي عشان تلغيه
من الكمبيوتر
- دوس على الخصوصية والأمان (Privacy & Safety) وبعدين معلومات الموقع (Location Information)
- الغي تحديد المربع جنب اختيار إضافة معلومات الموقع إلى تغريداتي (Add location information to my Tweets)
من الموبايل
- افتح قسم الخصوصية والأمان (Privacy & Safety)
- الغي تحديد المربع جنب اختيار الموقع الدقيق (Precise Location)
