المحتويات
تويتر منصة ضخمة بيستخدمها ملايين من الناس، ومعرفة مميزاته المختلفة هيساعدك تستخدمه أكتر وتستغله بشكل شخصي أو في العمل لأنك سهل توصل من خلاله لعدد كبير من الناس.
إيجابيات تويتر
- سهل الاستخدام وتقدر تتعلم طريقة الكتابة وإعادة نشر التويت بسهولة
- يتميز بقوة الهاشتاج اللي ممكن يبقى ترند حسب عدد التغريدات المكتوبة فيه ومحتواها
- له قاعدة جماهيرية كبيرة وتقدر من خلاله توصل لعدد كبير ومختلف من الناس عن باقي وسائل التواصل الاجتماعي
- مجاني وفيه خاصية الإعلانات المدفوعة
- بيسمح بالتواصل المباشر بين الشركات وعملائها أسهل من باقي وسائل التواصل الاجتماعي
- بيسهل على الشركات أو الشخصيات العامة جمع الآراء المختلفة عنهم بسهولة وبيوفر خاصية السيرش بإسمك أو اسم المكان عشان تشوف كلام الناس عنها
- بيوفرلك مساحة التعبير عن الرأي ومناقشة الآخرين وتقدر برضه تشاركهم بالصور والفيديوهات القصيرة وهو شيء مشترك وبينه إنستجرام
- ممكن من خلاله تعمل أصدقاء جديدة لأنه مفتوح وخالي من القيود عن باقي وسائل التواصل الاجتماعي
- بيوفر خاصية جدولة التغريدات ونشرها في وقت محدد
مميزات تويتر
الوضع الليلي (Night Mode)
ممكن تفعله يدويا ويستمر معاك طول الوقت أو تختار إنه يتفعل لوحده بالليل حسب التوقيت المحلي لمكانك من خلال:
- افتح الإعدادات والخصوصية (Settings & Privacy) وبعدين الشاشة والصوت (Display and Sound)
- دوس على الوضع الليلي (Night Mode) وحدد الوقت اللي عايز تفعله فيه
البحث المتقدم (Advanced Search)
- تويتر بيوفر خاصية مميزة هتسهل عليك البحث وهي البحث المتقدم اللي هتساعدك تعمل سيرش بكلمات أو عبارات أو هاشتاج باللغة اللي تحددها وفي الحسابات اللي تحددها
- ممكن كمان تختار يظهرلك التغريدات اللي فيها صور أو فيديو أو لينك
- دوس على اللينك ده عشان تشوف البحث المتقدم
خطوات إيقاف علامة قراءة الرسايل
تويتر بيوفر خاصية المحادثات والتراسل الفوري، ولو فتحت الرسالة هيظهر للطرف التاني في المحادثة إنك شوفتها، وممكن تلغي ده من خلال:
- افتح الإعدادات والخصوصية (Settings & Privacy) وبعدين الخصوصية والأمان (Privacy & Security)
- الغي خاصية (Show Read Receipts)
خاصية نوتيفيكيشن التغريدات للأشخاص
- ممكن تفعل خاصية نوتيفيكشن التغريدات من أشخاص معينة لما ينشروا تويت أو صورة من خلال:
- افتح الحساب ودوس على علامة الجرس جنب صورة البروفايل
- اختار كل التغريدات (All Tweets)
سلسلة التغريدات
- فيه ميزة كتابة أكتر من تغريدة مع بعض في شكل سلسلة (Thread) عشان الي بيقرأ التغريدة الأولى يقدر يشوف باقي الكلام في التغريدات اللي بعد كده
- وده بسبب إن التغريدة على تويتر ليها عدد حروف محدود
