بيكربونات الصوديوم: اعرف فوايده الصحية واستخداماته المختلفة

بيكربونات الصوديوم أو بيكنج صودا، هو مركب كميائي بيستخدم في الخبز لأنه بيحتوي على خصائص تخمير وبيساعد في ارتفاع العجين، وكمان بيدخل في مجموعة متنوعة من الاستخدامات المنزلية وصناعات زي تجهيز زجاجات الإطفاء الجافة ودباغة الجلود ومعالجة الصوف، وله العديد من الفوائد الصحية.

تكوين وشكل بيكربونات الصوديوم 

• مسحوق أبيض عديم الرائحة وقابل للذوبان في المياه
• بيتكون من غازات الهيدروجين والنيتروجين مع الكربون والصوديوم والأكسجين

استخدامات بيكربونات الصوديوم المنزلية

• بيساعد في التخلص من الشحوم والدهون المتراكمة على أسطح المطبخ.. وزع كمية مخلوطة بالمياه وسيبها لمدة 10 دقايق وافركها بالفرشة أو الأسفنجة
• بيمتص الروائح الكريهة في التلاجة/ الدولاب/ الأحذية
• اخلط كمية مع خل أو ليمون واستخدمهم مع إسفنجة للتخلص من روايح وبقع الميكروويف
•  تنظيف الخضروات والفاكهة لإزالة أي رواسب للمبيدات أو المواد الكميائية والشمع والأتربة
• إزالة بقع الشاي والقهوة من الكوبايات
• ضيف كوباية لدورة الغسيل هتساعد في تنضيف وتنعيم الفوط والمفارش والملايات بشكل أفضل
• أو معلقة كبيرة في دورة الشطف عشان تتخلص من أي روائح كريهة للملابس
•  تلميع الفضة.. انقعها في كمية مناسبة مع مياه
•  رش كمية مناسبة على السجاد وسيبه 15 دقيقة واكنسها كويس.. هتساعدك تتخلص من الروايح والغبار والأتربة
• ممكن كمان تخلط كمية بمياه وتفرك بها البقع
• اخلط نص كوباية مع نص كوباية خل عشان تعالج البلاعات المسدودة.. وبعد 10 دقايق وزع 6 كوبايات مياه مغلية
• افرك بها الحمام لتخلص من رواسب المياه والصابون

استخدامات بيكربونات الصوديوم في الاكل

• بيزود ليونه اللحوم.. انقع اللحمة في تتبيلة مع معلقة صغيرة لمدة ساعتين قبل طبخها
• ضيف نص معلقة صغيرة أثناء سلق الخضار عشان تحافظ على لونه الزاهي
• بيقلل الروايح الكريهة لبعض الأطعمة أثناء طبخها زي الكرنب
• بيزود ارتفاع الحلويات زي الكيك والمافن
• ضيف معلقة على البقسماط عشان يخلي الفراخ تكون مقرمشة أكتر

استخداماته للعناية الشخصية

• اخلط معلقة صغيرة مع نص كوباية مياه واستخدمها كغسول فم وهتحس بالانتعاش
• بديل لمعجون الأسنان.. اخلط نص معلقة صغيرة مع عصير نص ليمونة ونظف بهم أسنانك
• استخدمه مقشر للجسم مرتين أو 3 في الأسبوع.. اخلط كمية مناسبة مع مياه قليلة عشان تشكل عجينة وافرك بها الجسم بشكل دائري عشان تتخلص من الجلد الميت
• كمقشر للوجه..اخلط معلقة صغيرة مع معلقة صغيرة عسل وافردها على بشرتك لمدة 15 دقيقة
• للتخلص من اسمرار الشمس.. افرك وجهك بكمية مناسبة مع مياه سيبه 10 دقايق واغسل وجهك كويس
•  علاج فعال للدغات الحشرات.. رطب المنطقة المصابة بكمية مياه قليلة وافركها ببيكربونات الصوديوم لتقليل تهيج الجلد
• اغسل فرشة شعرك والمشط عن طريق نقعها في مياه مع ببيكربونات الصوديوم للتخلص من الزيوت والأتربة المتراكمة عليهم
• بديل لمزيل العرق.. امسح منطقة الإبطين بكمية مخلوطة مع مياه فاترة وسيبها تنشف قبل ارتداء الملابس
• للتخلص من حب الشباب.. اخلط كمية بمياه عشان تكون قوام سميك (عجينة) وافردها على الحبوب لمدة 5 دقايق واغسلها بمياه فاترة وكررها كل يوم لمدة 3 أيام
• للتخلص من الأظافر الصفراء بسبب المانيكير.. انقعها في مياه مع بيكربونات الصوديوم لمدة 10 دقايق

فوائده الصحية 

• اشرب بيكربونات الصوديوم مع كمية من المياه.. كمضاد للحموضة لأنه بيساعد في معادلة حمض الهيدروكلوريك الزائد في المعدة وتخفف عسر الهضم وحرقة المعدة
• كمان بيساعد في التخلص ومنع تكوين حصوات الكلى
• امزج معلقتين صغيرتين من بيكربونات الصوديوم مع خل التفاح وافرك بها الأصابع والأظافر لعلاج الفطريات