برامج تعديل الصور والتصميم على الموبايل والكومبيوتر

برامج تعديل الصور ضرورية لتغيير أي شيء غير مرغوب فيه في صورة أو حتى بعض التطبيقات بتيح فرصة خلق تصميمات جديدة عن طريق برامج وتطبيقات مختلفة سواء على الكومبيوتر أو على الموبايل.

تطبيقات تعديل الصور على الموبايل

 Snapseed

• متوفر للآيفون والأندرويد
• عليه أنواع (Filters) كتير وممكن تعمل واحد مخصص ليك
• بيتيح أدوات مختلفة لتعديل الصور
• فيه خصائص ضبط خلفية ومقدمة وتفاصيل الصور
• فيه خاصية اختيار جزء معين من الصور لضبط الإضاءة والسطوع والتناسق فيها

  VSCO

• متوفر للأندرويد والآيفون
• ممكن تصور من خلاله وبيوفر أشكال (Filters) مختلفة
• بيتيح خصائص تعديل الصور وممكن تغير لون البشرة أو الإضاءة أو الألوان من خلاله

Prisma Photo Editor

• متوفر للآيفون والأندرويد
• ممكن تحول الصور لإسكتشات من خلاله
• بيوفر (Filters) مختلفة ومبتكرة وممكن تشير الصور من خلاله عشان الأشخاص التانية يشوفوها زي إنستجرام

  Adobe Photoshop Express

• متوفر للآيفون والأندرويد
• عليه معظم خصائص برنامج الفوتوشوب لتعديل الصور
• سهل الاستخدام
• بيوفر (Filters) ممكن من خلالها تظبط الإضاءة والسطوع ولون العين وحدود الصورة

  Foodie

• مناسب لتصوير الأكل
• خصائصه شبه خصائص إنستجرام بشكل كبير
• بيعدل ألوان الصور وبيخليها ظاهرة أكتر
• متوفر على الأندرويد والآيفون

 Adobe Lightroom Photo Editor

• متوفر للآيفون والأندرويد
• بيحول الصور من شكلها الأصلي لشكل بروفيشنال أكتر
• تفاصيله أكتر تعقيدا من التطبيقات اللي قبله
• فيه خصائص ضبط تفاصيل دقيقة في الصور

 LiveCollage

• متوفر للآيفون والأندرويد
• بيوفر تصميمات مختلفة لتجميع الصور مع بعض وعليه خلفيات مختلفة للصور
• ممكن تضيف الكلام بخطوط وألوان مختلفة
• بيوفر خصائص تعديل الصور عشان تظبطها عليه بدل استخدام تطبيق تاني

برامج تعديل الصور على الكومبيوتر 

• Adobe Photoshop Express Editor وهو من أكتر الأدوات المستخدمة لتعديل الصور أو لخلق تصميمات جديدة
• ACDSee Ultimate من البرامج اللي سهل التعامل معاه في تعديل الصور على الويندوز حتى لو مخزنة على منصة سحابية زي Dropbox أو icloud
• Lightroom  من البرامج اللي بتسهل عملية وضع التصميمات الأخيرة للصور خصوصًا عشان تظهر كأنها صورة احترافية
• Topaz Studio بيساعد على تحسين إضاءة الصور والألوان فيها بجانب إضافة تعديلات مختلفة ومتنوعة على ملامح الوجه
• PhotoDirector من أكتر البرامج اللي بتهتم بتحسين جودة الألوان وتحويل الصور لـ Gif وغيرها من الاختيارات المتاحة
• PaintShop وهو برنامج مختص بتعديل الصور الملتقطة تحت الماء
• Luminar من البرامج السهل تعلّمها عن طريق الاستخدام وبيستخدم لتعديل الصور الملتقطة في مساحات واسعة خصوصًا على البحر أو أمام الجبال والصحراء الواسعة لتوضيح كل تفاصيلها

تطبيقات التصميم على الموبايل

Pixlr

•  بيتيح لك تصميم صورة مكتوب عليها كلام من البداية للنهاية
•  بيحتوي على تأثيرات كتير زي الرسم بالقلم الرصاص أو بالألوان المائية
• بيضم أنواع مختلفة من الخطوط للكتابة عشان تختار بينهم
• تقدر تعدل صورك من عليه عشان تبقى في أحسن شكل
• متاح على أندرويد وآيفون 

Desygner

• بيتميز بالسلاسة والسهولة في التعامل
• ممكن تصمم عليه إعلان أو غلاف كتاب أو منشور على مواقع التواصل أو لوجو
• متاح على أندرويد وآيفون

Canva

•  بتقدر تعدل على تصميم قديم أو تخترع تصميم جديدك من عندك
• بتختار من عليه الفونت المناسب للتصميم والصورة المناسبة
• متاح على أندرويد وآيفون