المحتويات
المطبخ ليه أنواع وأشكال مختلفة، وبتختلف حسب الجودة وقابلية تغيير الشكل والألوان المتاحة، واختيار النوع المناسب هيكون بناء على التكلفة المادية والمساحة المتوفرة.
أشكال المطبخ المختلفة
المطبخ الخشب
مميزاته:
أنيق وفخم
شكله طبيعي
سهل تطويعه وبالتالي تقدر تعمل الأشكال والأطراف اللي عايزها منه
قوي ومتين وبيستحمل مدة أطول في حالة الحفاظ عليه
أسعاره متوسطة باختلاف أنواعه
قابل للدهن وبالتالي تقدر تختار الدرجة المناسبة ليك
أغلى أنواع الخشب هي الأرو والزان
أفضل أنواع المطابخ الخشبية هو نوع البيتش باين لمقاومته لجميع أنواع العوامل الطبيعية من درجات الحرارة المرتفعة والرطوبة
عيوبه:
- سهولة امتصاصه للرطوبة
- في أنواع معينة لا تمتص الرطوبة بسهولة زي خشب الأرو ولكنه غالي
- سهولة امتصاص أنواع من المطابخ الخشبية زي الزان/ MDF المضغوط للمياه بسهولة وده بيسبب تشققه وإتلافه بمرور الوقت
- صعوبة تنضيفه لأن ممنوع تستخدم المياه والصابون عليه وبالتالي صعوبة التخلص من الدهون المتراكمة
- نتيجة لسهولة امتصاصه للرطوبة والمياه.. بيكون بيئة لنمو البكتيريا وحشرات المطبخ
المطبخ الألوميتال
مميزاته:
- وزنه أقل بكثير من وزن الخشب فهو سهل جداً في نقله وتركيبه
- مقاوم لدرجات الحرارة المرتفعة
- سهل التنضيف لأن المياه والصابون غير مؤثرين عليه
- ليه أشكال وتصاميم مختلفة
- عنده قابلية للطلاء بجميع الألوان
- لا يمتص الرطوبة بسهولة وبالتالي قلة نمو البكتيريا والحشرات فيه
- تفاوت الأسعار وبالتالي فهو مناسب لكل الميزانيات
عيوبه:
- أكتر عرضة من الأنواع التانية للتعرض للتلف
- صعب التشكيل بسهولة لأن حوافه مسننة على عكس الخشب
- أقل قوة وصلابة من الخشب
- أناقته أقل من المطابخ الخشبية بسبب قلة التشكيل فيها فهو محدود الأشكال والتصميمات
الخشمونيوم
مميزاته:
- يجمع بين مزايا الخشب والألوميتال
- له أشكال وألوان متعددة وتقدر تختار شكل الخشب منه وتخلي شكله زي المطبخ الخشب بالضبط سواء بلون الخشب أو مدهونًا مثل اللاكيه
- سهل التنظيف بالمياه والصابون ولا يصدأ
- لا يعتبر بيئة صالحة لنمو الفطريات أو الحشرات
عيوبه:
- عيوبه قليلة في حالة تصنيعه في مكان موثوق فيه
- بيجمع بين مميزات النوعين وبيحتاج مفصلات قوية
الأكليريك
هو مادة تشبه الازاز مقاومة للمياه وبتتحط على ألواح من الـMDF
مميزاته:
- اللمعان وعدم تأثره بدرجات الحرارة المرتفعة والبخار
- سهل التنضيف
- القوة وتحمل الضغط
عيوبه:
- بتظهر عليه آثار بصمات الأصابع
- لو اتخدش بيصعب علاجه وتصليحه
- الطبقة الخشبية مع المياه بيتضخم حجمه
- بيجمع حشرات
PVC
بيغطي ألواح الـMDF بمادة الـPVC عن طريق الكبس الحراري
مميزاته
- ألوانه متنوع
- مقاوم للحرارة والرطوبة
- سهل التنضيف
- مقاوم للخدش
- عيوبه
- ممكن يتآكل مع الوقت
لاميه جلاس
أحدث أشكال المطابخ وظهر أول مرة في 2017
مميزاته:
- ألوان متنوعة (65 لون)
- أشكاله متنوعة بي (السادة/ نقشات الخشب/ الرخاميات)
- درجة لمعانه 92%
- قوة تحمل الصدمات وقلة الخدش
عيوبه:
عدم تحمل درجات الحرارة لفترات طويلة
المطبخ البولي لاك
ظهرت الخامة في 2015
مميزاته:
- تحمل درجة الحرارة العالية
- مقاوم للخدش
- مكبوس على ألواح كثافتها 720 أعلى من ألواح الخشب الزان (690)
- درجة لمعانه عالية بتوصل لـ99%
- ألواحه خشبية متغطية بمادة ( (PET film بتستخدم في عبوات حفظ المياه المعدنية
- متوفر في 26 لون
- حاصل على شهادة الأيزو للجودة
طرق تزيين الجزء الأعلى من المطبخ
- ممكن تستغله في التخزين بس استخدم علب أو باسكت خوص موحد وشكله حلو عشان الشكل يكون منظم
- ممكن تعلق أدوات الطبخ القديمة/ أطباق/ صور للعيلة عشان تعمل طابع كلاسيكي
- النباتات الصناعية هتضيف الحيوية للمطبخ وسهلة التنضيف وزين ترابيزة المطبخ/ الرخامة من نفس النوع
- ممكن تحط الأشياء الغير مستخدمة يوميا زي النشابة/ الميزان/ المناديل الزايدة بس مهم تحطهم بشكل منظم وليه طابع عام
- لو سقف المطبخ عالي.. استخدم الفازات الطويلة نفس اللون أو اللوح عشان تملى المساحة دي
- علق رسومات بنفس الشكل أو بأحجام مختلفة ولونها متناسق مع لون المطبخ
- ممكن تعلق لافتة طويلة عليها كلام متعلق بالمطبخ لأنها بتضيف ألوان خاصة لو جنبها نبات صناعي
- استغل المساحة في النباتات الطبيعية لو تقدر تسقيهم يوميا بس استخدم الأنواع اللي مش محتاجة شمس
- استخدم الحجر أو السيراميك على شكل حجر لتغطية المكان ده لأنه بيخلي المطبخ حديث أكتر
- ممكن تلون الجزء ده بلون متناسق مع لون المطبخ ويبرز لون الحيطان/ السقف أكتر
- اشتري أرفف واستغل المكان لتخزين الكتب الزايدة عن احتياجاتك
- علق لمبات الإضاءة حوالين المطبخ عشان تبرزه أكتر
- ممكن تزينه بورق حائط لونه غامق وجريء
- علق أطباق مزخرفة مختلفة الأحجام غير مستخدمة للزينة بشكل منمق
