العناية بالبشرة: ماسكات لترطيبها وتفتيحها وتقليل التجاعيد

العناية بالبشرة ليها خطوات متعددة، ولكن من أهم خطوات الحفاظ على شكلها هي الانتظام على ترطيبها باستخدام الماسكات المناسبة، وهنقدملك الوصفات الخاصة بأكتر من هدف زي تفتيح أو تقشير البشرة وخطوات اختيار النوع الأنسب لبشرتك.

 العناية بالبشرة اللي فيها حبوب

ماسك الكركم

• اخلط نص معلقة صغيرة كركم مع معلقة كبيرة عسل أبيض
• سيبه على وجهك من 10-15 دقيقة مش أكتر عشان تتجنب تأثير لون الكركم على الوجه
• الكركم فيه مواد مضادة للالتهاب والعسل فيه خصائص مضادة للأكسدة والبكتيريا

ماسك زيت الشاي

• اخلط نقطتين زيت الشاي على قناع الطين أو العسل الأبيض
• سيبه من 10-20 دقيقة مش أكتر لتجنب جفاف الوجه الزايد
• زيت الشاي فيه خصائص مضادة للالتهاب والبكتيريا وبيقلل الحبوب

العناية بالبشرة بماسك الزيوت

• اخلط نقطتين زيت شاي مع 12 نقطة من زيت حامل زي الجوجوبا أو اللوز الحلو
• اعمل بالخليط مساج لبشرتك برفق وسيبه من 5-8 دقايق
• استخدم فوطة دافية عشان تمسحه وكمل باقي خطوات روتين البشرة
• تجنب استخدام التونر لو عملته

 ماسك الويتش هازل

• اخلط قطرتين من الويتش هازل مع مياه الورد وقناع الطين
• سيبه على وجهك من 10-15 دقيقة
• الويتش هازل بيخلص البشرة من الزيوت الزايدة ومضاد للبكتيريا

العناية بالبشرة بماسك جل الصبار

• اخلط جل الصبار مع الشاي الأخضر لحد ما الخليط يكون سميك
• سيبه على وجهك من 15-20 دقيقة
• جل الصبار فيه خصائص مهدئة للبشرة الملتهبة
• الشاي الأخضر هيساعد على التحكم في زيوت البشرة

العناية بالبشرة بماسك الشوفان

• اخلط الشوفان مع المياه لحد ما الخليط يكون سميك
• سيبه يبرد تماما قبل وضعه على وجهك
• ضيف نقاط من زيت الشاي (اختياري)
• سيبه على وجهك من 20-30 دقيقة

العناية بالبشرة بماسكات التقشير

ماسك السكر البني

• اخلط ربع كوب سكر بني مع 1/8 كوب زيت زيتون ومعلقة كبيرة كاكاو خام
• ضيف ربع معلقة فانيليا سايلة
• ادعك وجهك بالخليط في حركات دائرية لمدة دقيقة وبعدين سيبه 10 دقايق
• اغسل وجهك بمياه دافية

العناية بالبشرة بماسك الشوفان والعسل

• اخلط نص كوب شوفان مطحون مع معلقتين كبار عسل
• ضيف 15 نقطة من زيت اللافندر وزيت الشاي
• اعمل مساج لوجهك بالخليط في حركات دائرية برفق وسيبه على وجهك من 5-10 دقايق
• اغسل وجهك بمياه دافية

 ماسك زيت جوز الهند

• اخلط 1/3 معلقة صغيرة زيت جوز هند مع معلقة صغيرة عسل
• ضيف معلقة ونص صغيرة قهوة مطحونة
• اعمل مساج لوجهك بحركات دائرية وبعدين اغسله بمياه فاترة

 ماسك الطماطم

• اخلط حبة طماطم مهروسة مع 1-3 معالق سكر عشان القوام يكون سميك
• اعمل سكراب لأجزاء وجهك بداية من الجبهة/ الخدين/ الرقبة/ الفم/ الدقن
• سيبه على وجهك 10 دقايق وبعدين اغسله بمياه فاترة

العناية بالبشرة بماسك الزبادي

• اخلط معلقة كبيرة زبادي مع معلقتين صغيرين عصير برتقال
• ضيف معلقة صغيرة جل الصبار
• سيبه 10 دقايق وبعدين اغسله بمياه دافية

 ماسك الشوفان والحليب

• اخلط معلقة كبيرة شوفان مع معلقتين كبار حليب
• ضيف ربع معلقة صغيرة قرفة
• حرك الخليط على وجهك بأصابعك في حركات دائرية
• سيبه عليه 20 دقيقة وبعدين اغسله

ماسك الزبادي والسكر البني

• اخلط معلقة كبيرة زبادي مع معلقة صغيرة سكر بني
• سيبه على وجهك 15 دقيقة وبعدين اعمل مساج بيه لبشرتك
• اغسله بمياه فاترة

العناية بالبشرة وتقليل تجاعيد الوجه

العناية بالبشرة بماسك البيض والعسل

• اخلط بياض بيضة مع معلقة صغيرة عسل
• ضيف 4-5 قطرات زيت الشاي
• سيبه 15 دقيقة وبعدين اغسله

ماسك الشوفان واللبن الرايب

• اخلط نص كوب لبن رايب مع معلقتين كبار شوفان
• دفيه على النار لحد ما الشوفان يدوب
• ضيف معلقتين صغيرين زيت زيتون واستنى لما الخليط يهدى
• سيبه على وجهك 15 دقيقة وبعدين اغسله

العناية بالبشرة بماسك التفاح

• اسلق تفاحة في مياه وسيبها تبرد
• اهرسها وبعدين ضيف معلقة صغيرة حليب بودرة ومعلقة صغيرة عسل
• قلبه لحد ما القوام يتقل
• سيبه على وجهك 15 دقيقة وبعدين اغسله بمياه باردة

ماسك العسل الأبيض والحليب

• اخلط معلقة صغيرة عسل أبيض مع معلقتين صغيرين حليب
• ضيف معلقة صغيرة كاكاو خام
• زود الكاكاو لحد ما القوام يتقل
• سيبه على وجهك من 15-20 دقيقة
• اغسله بمياه باردة

 ماسك الأفوكادو

• قشر حبة أفوكادو وحطها في البلندر
• ضيف معلقتين صغيرين بذر كتان
• اضربهم دقيقتين لحد ما الخليط يمتزج
• ضيف معلقتين صغيرين حليب مع معلقة صغيرة عسل
• سيبه على وجهك ورقبتك 20 دقيقة وبعدين اغسله

 ماسك جل الصبار وفيتامين هـ

• اخلط معلقة كبيرة من جل الصبار مع سايل كبسولة فيتامين هـ
• ضيف 5 قطرات زيت جنين القمح
• اعمل حمام بخار لوجهك لمدة 5 دقايق قبل وضع الماسك
• سيبه على وجهك 15 دقيقة وبعدين اغسله بمياه باردة

ماسكات العناية بالبشرة وتفتيحها

ماسك الكاكاو

• اخلط معلقة صغيرة من الكاكاو الخام مع معلقة كبيرة من البابايا
• ضيف معلقة كبيرة من جل الصبار
• سيبه على وجهك 10 دقايق واغسله بمياه دافية
• اعمله مرتين أسبوعيا

ماسك القهوة والعسل

• اخلط معلقة صغيرة من القهوة مع معلقة كبيرة من العسل
• ضيف عليهم معلقة كبيرة زبادي
• سيبه على وجهك 15-20 دقيقة واغسله بمياه فاترة
• اعمله من 2-3 مرات أسبوعيا

 ماسك الموز وزيت اللوز الحلو

• ضيف موزة مهروسة مع معلقة صغيرة زيت لوز حلو
• سيبه على وجهك 20 دقيقة وبعدين اغسله بمياه دافية

ماسك الشوفان والزبادي

• اخلط معلقة كبيرة شوفان مع معلقتين كبار زبادي
• حطه على وجهك ورقبتك في حركات دائرية لمدة 5 دقايق
• سيبه 20 دقيقة وبعدين اغسله بمياه 

 ماسك الكركم والعسل

• اخلط معلقة ونص صغيرة كركم مع معلقة صغيرة عسل
• ضيف معلقة كبيرة زيت جوز هند
• سيبه على وجهك 10 دقايق وبعدين اغسله بمياه فاترة

طرق تحديد الماسك المناسب لبشرتك

الماسك المكون من كريم

• مناسب أكتر للبشرة الجافة
• بيرطب البشرة
• بيقلل التجاعيد وبيزود لمعان البشرة
• اعمله من مرة لمرتين أسبوعيا
• وزعه على بشرتك ورقبتك وسيبه 20 دقيقة وبعدين امسحه بمياه وفوطة مبللة ناعمة

 ماسك الطين

• النوع الأخضر مناسب للبشرة الدهنية أكتر والنوع الأبيض مناسب للبشرة الحساسة والجافة
• مناسب للبشرة العادية أو اللي سهل يظهر فيها حبوب
• بيفتح المسام وبيمتص الزيوت الزايدة وبيتخلص من خلايا الجلد الميت وبيقلل التهاب البشرة
• استخدمه من مرة لمرتين أسبوعيا بس تجنب تسيبه مدة طويلة

 الشيت ماسك

• مناسب لكل أنواع البشرة
• بيرطبها وبيزود لمعانها
• ممكن تستخدمه أكتر من 3 مرات أسبوعيا
• اتأكد من عدم وجود فقاعات الهواء بعد وضعه وسيبه من 10-30 دقيقة

 ماسك الفحم

• مناسب للحبوب والرؤوس السوداء
• بيقلل مسام البشرة وبيقشرها برفق
• بيشد البشرة وبينقيها من البكتيريا والأتربة
• مناسب لكل أنواع البشرة
• وزعه على وجهك وتجنب منطقة العين
• اغسله بعد 10 دقايق بمياه دافية
• اعمله من مرة لمرتين أسبوعيا

  ماسك النوم

• بيرطب البشرة لمدة أطول
• بيفتح البشرة وبيقلل التصبغات
• بيصلح عيوب البشرة
• مناسب للبشرة اللي فيها تجاعيد أو خطوط تعبير
• سيبه على وجهك طول الليل واغسله الصبح بمياه دافية
• زي مياه الورد وزيت اللوز وزيت جوز الهند وجل الصبار
• ممكن تعلمه من 3-4 مرات أسبوعيا

  ماسك الـ(Peeling)

• مناسب للبشرة الدهنية
• بيرطب وبيفتح البشرة
• بيمتص الزيوت الزايدة
• فيه مضادات أكسدة وبيقلل الرؤوس السوداء
• بيتخلص من خلايا الجلد الميت وبيساعد على نمو خلايا جديدة
• استخدمه على وجهك بالكامل ما عدا منطقة العين والشفايف
• ممكن تستخدمه مرتين أسبوعيا