المحتويات
السمنة مرض بيسبب زيادة نسبة الدهون بشكل مفرط في الجسم، وتعتبر مشكلة طبية بتسبب زيادة عوامل خطر الإصابة بأمراض تانية خطيرة زي أمراض القلب وارتفاع ضغط الدم.
أسباب السمنة
في مشاكل كتير ممكن تخلي الشخص يواجه مشاكل أثناء إنقاص الوزن، زي:
- عواما وراثية وجينية ووجود تاريخ عائلي للمعاناة من السمنة واللي بتظهر في سن البلوغ
- بعض الاضطرابات الهرمونية زي اختلالات الغدة الدرقية واللي بتسبب السمنة غير الطبيعية وبتحتاج تعالج الاضطراب الأول لخسارة الوزن
- الاضطرابات والعوامل النفسية زي الاكتئاب والقلق اللي بيسبب الإفراط في تناول الأكل للخروج من الحالة النفسية السيئة
- الاضطرابات العقلية، فالمريض بيكون غير واعي أو مدرك لنوعية الطعام أو كميته وأثر ده على جسمه وصحته
- التقدم في العمر، فالميتابوليزم بيقل مع القوت وبيسبب ضعف معدل حرق الدهون مع صعوبة ممارسة الأنشطة الرياضية لخسارة الوزن
- تناول الأدوية، فالبعض منها بيفتح الشهية أكتر من المعدل الطبيعي زي الفيتامينات وأدوية الهرمونات والاكتئاب والكورتيزون اللي بتسبب احتباس المساه في الجسم
- تكيس المبايض
- مقاومة الإنسولين
- عادات النوم غير الصحية
- التوقف عن التدخين، ففي بعض الحالات بيسبب السمنة والإفراط في الأكل للتأقلم مع التخلص النيكوتين من الجسم
الأعراض
- التعرض لضيق التنفس الشديد واللي بيزيد أثناء بذل مجهود بدني
- زيادة معدل ضربات القلب مع ظهور مشاكل في الرئة
- التعرق الشديد
- الشخير وضيق التنفس أثناء النوم
- ألم شديد في المفاصل والركبتين ومفصل القدم
- مشاكل القلب والشرايين وزيادة خطر الإصابة بالأزمات القلبية
- الشعور بالعطش والجوع المستمر
- التهابات جلدية متكررة
- اضطرابات الجهاز الهضمي زي الانتفاخ وعسر الهضم والإمساك
- الإصابة بالتقرحات بشكل متكرر وغير مبرر
أضرار السمنة على الجسم
الوصول لوزن زايد بيزود خطر الإصابة بمشاكل صحية زي:
ارتفاع مستوى الكوليستيرول في الدم والدهون الثلاثية
ارتفاع ضغط الدم
مرض السكري
المتلازمة الأيضية
أمراض القلب والشرايين
السكتة الدماغية
مشاكل في التنفس زي انقطاع النفس أثناء النوم
الاكتئاب
أورام القولون والمستقيم أو الثدي أو الرحم أو المبيضين أو عنق الرحم أو غدة البروستات
الاضطرابات النسائية زي العقم وعدم انتظام الدورة الشهرية
ضعف الانتصاب
التهاب المفاصل العظمي
تصلب الشرايين
أمراض الكلى
اضطرابات المرارة زي حصوات المرارة
أمراض الكبد
مشاكل وأمراض في المفاصل (زي التهاب المفاصل) نتيجة لزيادة الوزن واللي بيصيب خاصة مفاصل الساقين وفقرات العمود الفقري
مشاكل في الجهاز الهضمي
الالتهابات الجلدية والفطريات
هشاشة العظام
مخاطر السمنة على الجسم
بعيدا عن زيادة خطر الإصابة بأمراض كتير، فزيادة الوزن بشكل مفرط بيسبب:
- قلة الثقة بالنفس وصعوبة إيجاد الملابس المناسبة لشكل الجسم في المناسبات المختلفة
- اختلال العلاقة الزوجية بسبب عدم توافق شكل الجسمين أو بسبب ظهور مشاكل في الأعضاء التناسلية
- مواجهة صعوبات أثناء العمل
- صعوبة إجراء العمليات الجراحية لأنها ساعات بتسبب التعرض لمخاطر صحية في حالة التعرض للتخدير
نصائح لتخسيس الجسم والتخلص من السمنة
في عادات بسيطة اتباعها على فترات طويلة هيساعدك تقلل وزنك تدريجيا، زي:
- قلل الكربوهيدرات في الأكل عشان ده هيقلل نسبة الأنسولين في الجسم
- لازم الوجبة يكون فيها مصدر للبروتين والدهون وخضروات قليلة الكربوهيدرات والبروتين موجود في اللحمة والفراخ والبيض والسلمون
- الدهون الصحية ضرورية وموجودة في زيوت الزيتون والأفوكادو وجوز الهند والزبدة
- الكربوهيدرات القليلة موجودة في البروكلي والخيار والجرجير والطماطم والسبانخ
- مهم تاخد 20-50 جم كربوهيدرات في اليوم وباقي السعرات من البروتين والدهون
- تجنب أكل كربوهيدرات بعد الساعة 7 بليل واشرب مياه قبل الأكل بنص ساعة
- كل براحة عشان تشبع أسرع وتحفز هرمون نزول الوزن
- تجنب تجويع نفسك عشان ده هيخليك تاكل أي حاجة قدامك
- واظب على الشاي الأخضر والقهوة خصوصا من غير حليب لأنهم بيعلوا الميتابوليزم
- كل الفاكهة سليمة مش عصير لأنها بتفقد أهميتها لما تتعصر
- جرب تاكل في أطباق أصغر عشان تقلل الكميات إجباري
- زود من الأكلات اللي فيها البكتيريا النافعة للمعدة (بروبيوتك) زي الزبادي والكرنب وقلل السكر بالتدريج لأنها بتحافظ على الجهاز الهضمي وبتزود امتصاص العناصر الغذائية في الجسم
