المحتويات
الحقن المجهري بيساعد على حل مشاكل تأخر الإنجاب عند المرأة أو الرجل، وحسب دراسات كتير بتوصل نسبة النجاح لـ 60%، عن طريق حقن الحيوانات المنوية مباشرة في البويضة باستخدام إبر رفيعة جدًا، لأن أحيانًا مش بتقدر الحيوانات المنوية تخترق الطبقة الخارجية للبويضة، لكن بتمر بمراحل كتير، وأحيانًا بتواجه بعض المشكلات.
دور الحقن المجهري
- بيحل مشكلة عدم الإنجاب عند المرأة سواء بسبب انسداد قناة فالوب أو بسبب عقم عند الزوج
- ممكن يحل بعض مشاكل الخصوبة عند الرجل ومن ضمنها:
- خلل في شكل الحيوانات المنوية وطبيعة حركتها
- إنتاج حيوانات منوية قليلة
- انسداد في القناة التناسلية بيعيق خروج الحيوانات المنوية
- صعوبة التصاق الحيوانات المنوية بسطح البويضة
- الحقن المجهري دوره رئيسي في الإنجاب رغم مشاكل الخصوبة عند السيدات اللي من ضمنها:
- الأورام الليفية الرحمية اللي بتقع في جدار الرحم
- اضطراب التبويض
- الانتباذ البطاني الرحمي بسبب انغراس أنسجة الرحم ونموّها خارجه
- بتساعد خطوات عملية الحقن المجهري على الحفاظ على الخصوبة في حال الإصابة بالسرطان
- التعرض للعلاج الإشعاعي والكيميائي بيأثر سلبيًا على الصحة الإنجابية سواء على البويضات أو الحيوانات المنوية
- بتتجمع البويضات للتلقيح الصناعي في المستقبل أو بتتلقح وبتتجمد لحد الوقت المناسب لعملية نقل الأجنة
الاستعداد لعملية الحقن المجهري
- الموضوع مش بيحصل من خطوة واحدة، وبيحتاج لاستعدادات وخطوات كتير بتتقسم حسب نوع البروتوكول سواء طويل أو قصير
- الفرق بينهم إن البروتوكول القصير بتبدأ المرأة في الحقن المنشطة مع بداية الدورة
- لكن في البروتوكول الطويل بتبدأ قبلها بـ8 أيام (تحديدًا في اليوم الـ 22 بعد آخر دورة شهرية)
- بعد 3 أيام من نزول الدورة لازم المرأة تزور الدكتور عشان يعمل سونار لإعادة تقييم الجرعات والوضع
- بيشوف تأثير الجرعات والحقن اللي كتبها على المبيض
الجرع التنشيطية
- بيحددها الطبيب حسب السن والوزن وحالة المبيض الصحية
- الطبيب بيوصي على منشطات معينة وبيفحص الحالة تاني بعد 5 أيام
- بتستمر متابعة الطبيب يوم ويوم لمقاسات البويضات اللي بيشوف إنها مناسبة (بتختلف من حالة للتانية)
- الحقن التنشيطية دورها تكبير حجم البويضات
- ولازم يبقى معاها حقن تثبيت، لأن كبر حجم البويضات مع عدم تثبيتها ممكن يتسبب في فقدانها ونزولها
- أغلب الأطباء بيوصّوا بضرورة الحفاظ على مواعيد الحقن المثبتة بتركيز والتزام شديد
سحب البويضات
- بتتحقن المرأة بحقنة تفجيرية بتساعد على سحب البويضات
- لازم الطبيب ينتظر من 34 لـ 36 ساعة لسحبها، ولو سحبها قبل أو بعد المدة دي ممكن يأثر على كفائتها
- بيتم عن طريق بنج كلي، وفي مركز طبي متخصص، وبتستغرق حوالي من نص ساعة لـ 40 دقيقة
- بينتج عنها ألم بسيط يمكن تحمّله بالأقراص المسكنة
- الحركة بعدها مسموحة، بس الجماع ممنوع
- يوم سحب البويضات هو نفس يوم سحب عينة الحيوان المنوي من الزوج
- سواء بطريقة عادية أو عن طريق عينة من الخصية
- مهم الزوجين يحضرّوا وثائق الجواز، والبطاقات الشخصية
- لازم الزوجة يبقى معاها أي تحاليل طلبها منها الطبيب المرة اللي قبلها
الخطوات المعملية ضمن الحقن المهري
- تقشير البويضات بيحصل بعد استخراجها وهو عن طريق فرزها وتحليل درجتها وجودتها
- بتتحقن البويضات بالحيوان المنوي تحت المجهر (عشان كده بتتسمى بالحقن المجهري)
- بيحتفظ الدكتور المتخصص في المعمل بالعينة في الحضانة لمدة 24 ساعة، وبعدها بيتابع عملية الإخصاب
- بيتابع عملية تخصيبها وعدد البويضات اللي حصل فيها انقسام للخلية
- عدد البويضات من وقت الاستخراج لحد الحقن ووصولًا لحد نقل الأجنة بيختلف من حالة للتانية
- استخراج 20 بويضة مش معناه إن كلهم هيتحقنوا وهيتحولوا لأجنّة
- بويضات كتير بتثبت قلة جودتها أو عدم صلاحيتها في مراحل التقشير والحقن والتجميد
- ممكن يوصل عددهم لـ 5 بس خصوصًا بعد مرحلة الانقسامات اللي بتحصل خلال 3 أيام بعد استخراج البويضة
نقل الأجنة بعد الحقن المجهري للبويضة
- في خلال 3 لـ 5 أيام بناء على كل حالة بتتنقل البويضات للجسم تاني بعد تلقيحها
- بتتسمى بعملية نقل الأجنة وبتحصل بدون بنج أو ألم
- في أغلب الأوقات بيطلب الطبيب من المرأة امتلاء المثانة عشان تزيد سهولة دخول القسطرة، ونقل الأجنة
- لازم بعدها تلتزم بقلة الحركة لمدة 3 أيام، وبعدها تبقى الحركة خفيفة
- مفيش شرب أو أكل ممنوع، لكن مهم شرب المياه بكميات كبيرة
- لازم يحصل اختبار حمل بعد العملية بـ 14 يوم مش قبلها ويكون تحليل رقمي وصورة دم مش عن طريق شرايط الاختبار عن طريق عينة البول
مشكلات بتأثر على نجاح العملية
- تلف البويضات
- عدم ثبات الجنين في رحم الأم
- توقف الجنين عن النمو
- تشوهات كبيرة في الحيوانات المنوية
زيادة احتمالات التوائم بعد عمليات الحقن المجهري
- بيحتاج الأطباء لزرع أكتر من جنين داخل الرحم عن طريق القسطرة
- ممكن تبقى السيدة حامل في أكتر من جنين
- لكن أحيانًا بيلجأ الطبيب في بعض الحالات لسحب جنين أو اتنين لأن الرحم أحيانًا ممكن يصعب عليه تحمّل عدد أجنة كبير
