خدمات
الحالات المستحقة لمعاش العجز الطبي وأسباب وقفه وكيفية حسابه
إزاي تعرف حالات استحقاق معاش العجز الطبي؟
المحتويات
معاش العجز الطبي هو جزء من قانون التأمينات والمعاشات وبيحمل رقم 148 لسنة 2019، وبيصنّف القانون العجز سواء عجز كامل أو عجز جزئي وبيتضمن مواد للحفاظ على حقوق العاملين في الدولة واللي بيصابوا بأمراض أو إصابات مزمنة بتفقدهم القدرة على العمل.
الفرق بين العجز الكلي والجزئي
العجز الكلي
- العجز الكلي هو العجز اللي بيمنع الشخص المؤمن عليه بين مزاولته للمهنة الأصلية أو أي مهنة تانية يقدر بيها على الكسب زي الحالات المستعصية والأمراض المزمنة والأمراض العقلية وهي الحالات:
- الشلل الرباعي الكامل
- فقد الطرفين السفليين
- شلل الطرفين السفليين والعجز عن الحركة
- الشلل النصفي العام وعدم القدرة على الحركة
- فقد الذراعين
- حالات فقد البصر كليًا
- هبوط القلب المزمن الشديد
- المرض العقلي
- تشوهات العظام والمفاصل والضمور العضلي والامتناع عن الحركة
- الأورام الخبيثة المصحوبة بمضاعفات تسبب عجز عن الحركة
- أي حالة بتثبت فيها الهيئة العامة للتأمين الصحي احتياج الشخص الدائم لطرف آخر لمساعدته على القيام بالمهام الأساسية في الحياة وإنه غير قادر على الاعتماد على نفسه
العجز الجزئي
- أي سبب صحي آخر بيمنع الشخص المؤمن عليه من ممارسة مهنته بخلاف أسباب العجز الكلي وبتتحدد من خلال الهيئة العامة للتأمين الصحي
العاجز عن الكسب
- هو شخص بتحصله إصابة بتمنعه عن العمل وبتقلل مهاراته بنسبة 50% وبالتالي مش بيقدر يشتغل بدوام كامل
- لو حد بيمر بأي ظروف من الظروف دي ضروري يتوجّه للهيئة العامة للتأمين الصحي لأنها الجهة اللي بتقيّم إذا كان الشخص قادر على الكسب أو لأ وبتصنّف مدى عجزه عن الكسب
حالات وقف معاش العجز الطبي
- بيقدر المؤمن عليه يصرف معاش بداية من أول الشهر اللي بعد التاريخ المحدد لإعادة الكشف الطبي
- بيقف صرف المعاش لو تراجع سبب العجز بنسبة أقل من اللي قدّرها الأطباء أول مرة
- لو تخلّف الشخص المستحق للمعاش عن حضور معاد إعادة الكشف الطبي ولكن ممكن التجاوز عن تخلّف الكشف الطبي لو قدّم الشخص عذر مقبول ومنطقي
حساب معاش العجز الطبي
- بتحسب الجهات المختصة المعاش بناء على متوسط أجر الشخص العامل من وقت اشتراكه في التأمينات الاجتماعية
- لو العجز الكامل أو الوفاة حصلوا بسبب العمل بيتسوّى المعاش بنسبة (80%) من الأجر المنصوص عليه
- لو عندك أي مشكلة تواصل مع الهيئة القومية للتأمين الاجتماعي من خلال الخط الساخن رقم 16217
صرف المعاش عن طريقة محفظة الموبايل
- اتوجه سواء كنت صاحب المعاش أو المستفيد من المعاش لأي فرع لشركة المحمول التابع لها رقمك
- قدم طلب بتحويل المعاش مع صورة من الرقم القومي عشان تتفتح محفظة الموبايل مجانا
- رسوم الخدمة 0.5% عن كل عملية سحب (يعني لو سحبت 100 جنيه بيسدد مبلغ 50 قرش وبحد أقصى 10 جنيه طول الشهر)
- شركة المحمول المسجل بها رقمه هتوفر لصاحب المعاش دقايق مجانية بقيمة الرسوم اللي سددها
- هيكون المعاش متوفر من أول الشهر التالي بعد التقديم واعرف إن محفظة الموبايل بتوفر ميزة تسديد كل الفواتير والشراء إلكترونيا
