الجهاز التنفسي: وظيفته ومكوناته وطرق الوقاية من أمراضه

الجهاز التنفسي دوره أساسي في عملية التنفس واستنشاق الأكسجين اللي بيدخل الجسم، وبيساعد على التخلص من ثاني أكسيد الكربون لكن أحيانًا بتصيبه أمراض ممكن تأثر على كفاءة عمله وبتوصل أحيانًا إنها بتدمّره، لكن عن طريق فهمك لطبيعته ومكونّاته ومعرفتك لطرق حمايته هتقدر تقاوم أي تأثير وهتعرف طبيعة حالتك الصحية وقت استشارتك لطبيب متخصص وهتفهم قيمة الدواء وأهمية الالتزام بمواعيده.

تعريف الجهاز التنفسي 

• بيعتبر الجهاز التنفسي هو شبكة الأعضاء والأنسجة اللي بتدعم عملية التنفس ودخول الأكسجين للجسم
• بيشتغل مع كرات الدم الحمراء على توصيل الأكسجين لكل أعضاء الجسم
• والتخلص من فضلات التمثيل الغذائي اللي جزء منها متمثل في هيئة غاز ثاني أكسيد الكربون
• الخبراء بيأكدوا إنه من العوامل الرئيسية اللي بتنظم درجة حموضة الدم

مكوناته

• الفم والأنف اللي بيعتبروا المصدر الرئيسي لدخول الهواء للجسم
• الجيوب الأنفية وهي فراغات في عظام الرأس بتساعد على تنظيم درجة حرارة الهواء اللي بنتنفسه
• اللحمية وهي الأنسجة الليمفاوية الموجودة في أعلى الحلق
• البلعوم أو الحلق وهو ممر ممتد من أعلى الحلق للمستوى السادس من عظام العمود الفقري
• بيوصل الهواء من الحلق وبيمرره في القصبة الهوائية وبيتقسم البلعوم لـ 3 أنواع (أنفي وحنجري وفموي)
• الحنجرة وبتعتبر ممر للهواء بين البلعوم والقصبة الهوائية
• القصبة الهوائية هي العمود اللي بين البلعوم والرئتين وبتحتوي على شعيرات اسمها الأهداب بتطرد أي أجسام غريبة أو مخاطية في هيئة السعال
• الرئة اللي ليها جزئين الأيمن وفيه 3 فصوص والأيسر فيه فصّين فقط
• بتعتبر من أهم مكوناته لأن دخول الهواء للرئتين معناه وصول الأكسجين للدم
• بتحيط بيها غشاء اسمه غشاء الجنب منتشر بين كل فصوص الرئة وبيفصلها عن جدار الصدر
• الحجاب الحاجز بيعتبر جدار قوي بيفصل تجويف الصدر عن البطن

الأمراض اللي ممكن تصيب الجهاز التنفسي 

• التهابات الجيوب الأنفية
• الزكام
• الالتهاب الرئوي
• الربو
• التهاب الشعب الهوائية
• التليف الكيسي
• الانصمام الرئوي
• التهاب القصبات الحاد
• الحساسية الصدرية
• التهاب الحلق
• نفاخ الرئتين
• شلل الحجاب الحاجز
• ضيق القصبة الهوائية
• تسرب الهواء من الرئة
• متلازمة انقطاع النفس النومي
• خرّاج الرئة
• متلازمة الفشل التنفسي الحاد
• الكدمات الرئوية
• الاستلواح الصدري
• فتق الرئة
• الأورام الحميدة أو الخبيثة في الرئة
• الانسداد الرئوي المزمن
• العدوى الفيروسية بسبب الإصابة بفيروس زي  فيروس كورونا المستجد والفيروسات المتحورة منّه

حماية الرئتين بالأكل

 البنجر وورقه الأخضر

• فيه عناصر غذائية بتقوي صحة الرئتين زي البنجر
• غني بالنترات اللي بيحولها الجسم لأكسيد النيتريك وبيوسع الأوعية الدموية وبيساعد على نقل الأكسجين بشكل أفضل
• بيحسن حالات اضطرابات الرئة زي ارتفاع ضغط الدم الرئوي أو الانسداد الرئوي المزمن
• غني بالبوتاسيوم والمغنيسيوم وفيتامين سي ومركبات الكاروتينات المهمة لصحتها

 الفلفل بألوانه

• غني بفيتامين سي وهو مضاد للأكسدة مهم للجسم والخبراء بيقولوا إن الانتظام على أكله بيحسن صحة الرئة

 التفاح

• الدراسات أثبتت إن الانتظام على أكله قلل معدل انحدار صحة الرئتين عند المدخنين السابقين
• أكل من 4-5 تفاحات أسبوعيا بيحسن صحتها بشكل عام وبيحميها من الاضطرابات
• غني بمضادات الأكسدة وفيتامين سي ومركب الفلافونويد اللي بيحميها من الأمراض المزمنة

 قرع العسل

• غني بمركبات الكاروتينات وبيتا كاروتين ومضادات الأكسدة اللي ليها خصائص مضادة للالتهاب

 الكركم

• غني بمضادات الأكسدة والالتهاب وغني بمادة الكركمين فيه مفيدة لتقوية صحة الرئتين
• الانتظام عليه بيحسن صحتها بعد الإقلاع عن التدخين

 الطماطم

• غنية بمضادات الأكسدة زي الليكوبين اللي بيحارب الشوارد الحرة في الجسم وبتحميه من أمراض القلب والشرايين
• بتقلل خطر الإصابة بالتهاب الرئة وأثر اضطرابات الرئة عند المرضى بيها وبيضعف فرص انحدار صحة الرئة بعد الإقلاع عن التدخين

 الكرنب الأحمر

• غني بمادة الـ(Anthocyanins) اللي الدراسات أثبتت إنها بتقلل انحدار صحة الرئة مع تقدم العمر بالإضافة إنه غني بالألياف
• الدراسات أثبتت إن صحة الرئة بتتحسن بالانتظام على أكل الألياف

 زيت الزيتون

• غني بمضادات الأكسدة زي الـ(Polyphenols) وفيتامين هـ وبيقلل خطر الإصابة بالربو عند الانتظام عليه

 القهوة

• الدراسات أثبتت إنها ممكن تحسن صحة الرئتين وتحمي من أمراض الجهاز التنفسي وبتوسع الأوعية الدموية وبتحسن التنفس وبتقلل خطر الإصابة بالربو مع الانتظام عليها

 الشعير

• غني بالألياف والانتظام عليه ممكن يقلل خطر الوفاة من أمراض الرئتين المزمنة وبيحتوي على مضادات الأكسدة زي الفلافونويد وفيتامين هـ اللي بيحسنوا صحتها وبيحمي من تلف الخلايا

 العدس

• غني بالمغنيسيوم والحديد والنحاس والبوتاسيوم بالإضافة إنه غني بالألياف

 الكاكاو الخام والشوكولاتة الغامقة

• فيهم مضادات أكسدة زي الفلافونويد وفيهم كمان مادة الـ(Theobromine) اللي بتساعد على استرخاء ممرات التنفس في الرئتين
• ممكن يقللوا خطر الإصابة بحساسية الجهاز التنفسي وبيحسنوا صحتها بشكل عام عند الانتظام عليهم

 البروكلي

• فيه مادة السلفورافين اللي بيحسن نشاط الخلايا المسؤولة عن حماية خلايا الرئتين من التلف وغني بفيتامين سي

تمارين لتقوية الجهاز التنفسي 

 تنفس الحجاب الحاجز

• استرخي واقعد أو نام وافرد ضهرك وحط إيد على بطنك والإيد التانية على صدرك
• اتنفس من الأنف لمدة ثانيتين وحس بالهواء في أنفك وبحركة بطنك
• خرج النفس من الشفايف وهي مضمومة وإنت ضاغط على بطنك برفق وكرر التمرين 10 مرات

الاستنشاق من الشفايف المضمومة

• اتنفس من الأنف بالراحة مع العد
• خرج النفس من الشفايف وهي مضمومة في ضعف الوقت اللي اتنفست فيه وكرر التمرين 10 مرات

 التنفس العميق

• اقعد وافرد ضهرك وحط إيدك بعيد عن صدرك اتنفس من الأنف واكتمه 5 ثواني وخرّج النفس بالراحة من الأنف كرر التمرين لمدة 10 دقايق

 الغناء أو الضحك

-بينشط عضلات البطن وسعة الرئتين وبيجبرك على التنفس الصحيح وتحريك الرئتين وبيحرك عضلة الحجاب الحاجز بس المهم تحدد وقت معين لممارسته يوميًا

 تمرين عد الأنفاس

• خد نفس بشكل طبيعي وعد المدة اللي أخدتها وخرج النفس في نفس المدة وزوّد العد واحد كل يوم بس لو حسيت بالتعب اعمل التمرين بدون أي زيادات

فوائد المياه والسوائل على الجهاز التنفسي 

•  بتساعد على خروج المخاط المتراكم ورا الحلق ودراسات قالت إن قلتها بتزود سماكة المخاط اللي بيسبب صعوبة التنفس
•  المياه والسوايل مهمة لمرضى التهاب الشعب الهوائية واللي سببه التهاب الغشاء المخاطي المبطن للرئتين
• دراسة لجامعة برونيل بتقول إن الجفاف المزمن بيسبب مشاكل في التنفس وبتأكد إن المياه والسوايل الكتير مهمة لمرضى الربو لتوسيع الشعب الهوائية
• انتشرت معلومات غلط إن شرب المياه الكتير بيحمى من كورونا بس دراسة لجامعة لندن نفت ده وقالت الفيروس بينتقل حتى مع شرب مياه كتير
•  وبتأكد إن العدوى بتنتقل بعد تعرض المريض لجسيمات فيروسية وإن شرب المياه أو الغرغرة مش بيمنع انتقال الفيروس
• الدراسة قالت كمان إن فيروس ميرس وهو قريب من كورونا اتثبت علميا إنه بيستعمر خلايا أمعاء المريض
• دراسة لجامعة أريزونا بتقول إن الجفاف بيقلل حجم الدم والسوايل اللمفاوية اللي بتساعد في استجابة المناعة ضد أي فيروس
• دراسات صينية أكدت إن أكتر من 50% من مرضى كورونا عندهم أعراض قيء وإسهال وبالتالي تفسير إن شرب المياه هينزل الفيروس للأمعاء ويقتله غلط
• لكن دراسة في جامعة هارفارد أكدت إن المياه أساسية في تزويد المناعة وبتحمي من الأمراض وعدوى الجهاز التنفسي المختلفة
• بتأكد إنها مش هتحمي الجهاز التنفسي بكفاءة عالية طالما الشخص مدخن أو بيتعرض لملوثات باستمرار
• وبتنصح الدراسة بضرورة تجنّب الملوثات ووقف التدخين فورًا