التيفود أو الحمى التيفية من الأمراض النادرة في الدول المتقدمة ولكنها منتشرة في دول نامية كتير وبتظهر بشكل رئيسي بسبب الأكل الملوث وبتأثر على الأطفال بشكل خطير وممكن تهدد حياتهم مع تأخر العلاج، وبالتالي ضروري تعرف الأسباب والأعراض وطرق العلاج والوقاية بجانب المضاعفات اللي ممكن يتعرض إليها المصاب.
الأسباب
- بينتج المرض عن طريق بكتيريا اسمها السلمونيلا التيفية وهي مشتقة بكتيريا السالمونيلا
- بتنتقل بين الأشخاص وبعضهم عن طريق البراز والبول وبالتالي ممكن ينتقل باستخدام نفس المرحاض
- أحيانًا بينتقل لو الشخص اللي بيقدم الأكل مصاب بالتيفود ونسي يغسل إيده بعد الخروج من المرحاض
- وبتتكون في شكل جرثومة بتتمركز في الجهاز الهضمي البشري وبتنتقل عبر البراز من شخص للتاني
فترة الحضانة
- بتستمر حوالي من 3 لـ 21 يوم لأغلب المصابين ولكن في بعض الحالات بيستمر الشخص في حمله للمرض
- بيسمى بحاملي التيفود المزمنين حتى بعد اختفاء كل الأعراض من عليه ولكن البكتيريا بتفضل موجودة في البراز
الأعراض
- بتظهر الأعراض بعد أسبوع من الإصابة بالمرض وبتستمر لمدة 3 أسابيع
- بتستمر أعراض كتير أشهرها الحمى وبترتفع درجة الحرارة وبتوصل لـ 40 درجة بجانب أعراض تانية زي:
- الصداع
- الإرهاق والضعف
- السعال الجاف
- فقدان الوزن
- آلام المعدة بجانب الإسهال أو الإمساك
- التعرق
- الطفح الجلدي
- انتفاخ البطن
- الهذيان والإحساس بعبء وإغلاق العين للمنتصف خصوصًا مع إهمال العلاج
المضاعفات
- حدوث نزيف في الأمعاء وثقوب في القولون
- انتقال العدوى لمجرى الدم ممكن يسبب مضاعفات خطيرة زي:
- التهاب عضلة وبطانة القلب والصمامات
- عدوى في الكلى والمثانة أو عدوى في المخ والسائل النخاعي
- التهاب الرئة والبنكرياس
- بعض المشاكل النفسية زي الهذيان والذهان
العلاج
- شرب السوائل بيخفف حدة الجفاف الناتج عن ارتفاع الحرارة لمدة طويلة
- المضادات الحيوية بتساعد على علاج البكتيريا المسببة للتيفود وعلاج التيفود بيشمل أدوية:
- الأموكسيسلين (Amoxicillin)
- السيبروفلوكساسين (Ciprofloxacin) ولكنه مش مناسب للحوامل
- الأوفلوكساسين (Ofloxacin)
- السيفترياكسون (Ceftriaxone)
- الأزيثروميسين (Azithromycin)
- الأمبيسلين (Ampicillin)
- التريميثوبريم سلفاميثوكسازول (Trimethoprim-Sulfamethoxazole)
- بعض حالات ثقب الأمعاء الناتج عن مضاعفات المرض بتحتاج تدخل جراحي
الوقاية
- اسأل عن تطعيمات التيفود واللي بتاخد أشكال مختلفة
- نوع بيتحقن قبل السفر لدولة منتشر فيها المرض
- والآخر عبارة عن أقراص في الفم (4 كبسولات) وبيتناول الشخص كبسولة واحدة كل يومين
- اغسل إيدك بالمياه والصابون باستمرار قبل استخدام الحمام وبعده وقبل وبعد الأكل وعقّم إيدك بالكحول طول الوقت
- اتأكد من مصدر المياه قبل شربها وبلاش تبلع مياه أثناء الاستحمام واغسل إيدك بمياه معبأة في زجاجات
- بلاش تاكل خضروات أثناء زيارتك لدولة منتشر فيها المرض خصوصًا لو خضروات مش بتتقشّر زي الخس
- خلي اختيارك الأول الأطعمة الساخنة اللي بينبعث منها البخار عشان تقلل فرص إصابتك بالبكتيريا المسببة للمرض
