المحتويات
الحب من طرف واحد من أكتر المشاكل اللي ممكن تواجهك سواء كان حب في علاقة عاطفية أو حتى صداقة من طرف واحد، وممكن التركيز فيها يسبب مشاكل نفسية ويفقدك الثقة بالنفس والشغف لتكوين صداقات أو الدخول في علاقات عاطفية مع الآخرين.
علامات الحب من طرف واحد
- إنت الوحيد المبادر في العلاقة
- بتقدم تضحيات وتنازلات باستمرار بدون أي تضحية من الطرف التاني
- التوتر الشديد من التعبير عن مشاعرك والشك المستمر في صدق حب الطرف التاني
- غياب خطة مشتركة لمستقبل العلاقة خلال فترة زمنية قصيرة أو طويلة
- محاولة الطرف التاني فرض الأوامر والنواهي وإجبارك على تنفيذها بدون مناقشة
- رفض الطلب التاني لأي طلب منك وعدم سعيه للنقاش للوصول لحل وسط
- أولويات الطرف التاني مختلفة عنّك
- بيتهرب منّك في معظم الأوقات وبيقرّب منك فقط وقت الاحتياج أو حسب الظروف
أسباب الحب من طرف واحد
- علماء النفس والسلوك بيقولوا إن الإنسان كائن اجتماعي بطبعه بيحب التفاعل مع المحيطين وفي نفس الوقت بينجذب للآخرين اللي بيتفاعلوا معاه بطريقة مرضية
- بيفسر العلماء الحب من طرف واحد على إنه وهم، وبيأكدوا إنه مجرد وليد لمرحلة الإعجاب الشكلي والجسدي
- مفيش علاقة حب كاملة هتحصل من طرف واحد لأن الإنسان كائن اجتماعي بينجذب للشخص اللي بيبادله ولو جزء من مشاعره
- غالبًا بتميل للاستغراق في الحب من طرف واحد لو بتعاني من فراغ عاطفي ومفيش حاجة بتشغلك في حياتك
- أحيانًا الإعجاب الشكلي بيخليك يرسم تفاصيل غير حقيقية عن الطرف التاني وبيكوّن صورة مثاليّة عنّه
- في بعض الحالات النادرة ممكن يبقى الطرف التاني قريّب منك ولكن خجلك الزائد نتيجة قلة الثقة بالنفس بيمنعك من إعلان حبّك له
إنهاء علاقة حب من طرف واحد
- اقطع الاتصال فترة زي 30 يوم مثلا عشان تعيد تفكيرك من غير ضغوط
- خبراء نفسيين اعتبروا تخطي حب من طرف واحد مؤلم زي الخروج من علاقة عاطفية
- نصحوا إنك لازم تدي نفسك وقت تزعل وتتخبط عشان تتخلص نهائي من أحاسيسك وتعدي المرحلة بنجاح
- المراحل هي (الإنكار والغضب والمساومة والاكتئاب والقبول)
- لو الشخص اللي بتحبه معاك في الشغل حط حدود للتعامل وخليه في إطار الشغل بس وبلاش تاخد البريك في نفس المكان وحاول تتجنبه
- لو من صحابك حاول تقلل المقابلات فترة واخرج مع صحاب تانيين ولو الكراش يعرف إنك بتحبه اطلب منه مساحة تعرف تعدي إحساسك بشكل واضح
- افتكر إن الفترة دي مش دايمة وإنك تستحق الأحسن
- اكتب في ورقة مميزات وعيوب علاقتك مع الشخص ده وشكل الحياة اللي إنت عايزها وقارن بينهم
- كل يوم اعمل حاجة جديدة تجدد ثقتك في نفسك وتساعدك تحس بالراحة والسعادة
- ركز على مستقبلك زي التطور في شغلك أو تتعلم حاجة بتحبها أو محتاجها هيفرق معاك
- افتكر دايما إنك تستحق السعادة والتقدير
- ابعد عن الصحاب السلبيين أو اللي بيستنفذوا طاقتك
- قرب من الأشخاص اللي بيساعدوك تتطور وتكون أحسن لنفسك
- لو حسيت إنك مش عارف تعدي الفترة دي لوحدك استعين بدكتور نفسي
التعامل مع الصداقات من طرف واحد
- الخبراء بيأكدوا إن العلاقات من طرف واحد ممكن تزوّد استغراق الشخص في الضيق والحزن لفترة طويلة خصوصًا الصداقات
- بيفقد الشخص بالوحدة والأمان مع كل مرة بيبادر بتعميق العلاقات مع طرف له حياته ومش مستعد يبني صداقات جديدة
- علامات كتير بتنبهك إنك في علاقة صداقة من طرف واحد
- زي إنك دايمًا الشخص المبادر في السؤال أو في اقتراح أي نشاط مشترك بينكم
- مش بتلاقي استجابة ترضيك.. وبتتغير معاملة الطرف التاني من فترة للتانية
- بتلاحظ تعامله مع أصدقاء آخرين بطريقة مختلفة عنّك
- اسأل حد تاني بتثق فيه عن رأيه في العلاقة لو مش قادر تقيّمها
- اتناقش مع الطرف التاني وافهم وجهة نظره قبل ما تنهي العلاقة
- ممكن يبقى مش حاسس بقيمته عندك أو معندوش حاجات كتير في حياته يشاركها معاك
- عبر عن مشاعرك بوضوح.. وخليها واقعية بناء على مواقف محددة
- اسمعه بتركيز وفكر في تبريره.. واعرف إن فيه جزء من القصة إنت مش شايفه
- اطلب اللي بتحتاجه طالما في حدود المعقول.. بلاش تفترض إن الطرف التاني عارف إنت محتاج إيه
- ركز مع نفسك وشوف إيه ممكن يمنعه من التفاعل معاك
- وافتكر لو بتبقى في نفس الموقف مع شخص واحد ولا بيتكرر على مدار حياتك
- قيّم العلاقة من بعيد وابعد عنه لفترة عشان تشوف رد فعله
- ووجه طاقة الحب والدعم ناحية الأشخاص اللي بيبادلوك نفس الطاقة
