المحتويات
التخلص من الناموس هدف أغلب الناس خصوصًا في فصل الصيف اللي بيزيد فيه هجوم الناموس على المنازل، بسبب تكاثره في الحر ومع تغيير المواسم اللي بينشط فيه أكتر من أى وقت تاني، والخبراء بيأكدوا إن الذبذات الحرارية بين الليل والنهار، مع ارتفاع الرطوبة بيئة مناسبة لانتشار الناموس في البيئة ودخوله للمنازل.
طريقة التخلص من الناموس
- وزع ورق نعناع طازة أو مجفف في أركان المكان اللي عايز تطرد الناموس منه
- جفف لافندر ووزعه في أركان الغرفة، أو رش زيت اللافندر على قطع قطن في أماكن تجمعهم
- ازرع ريحان في البلكونة، أو أمام الشباك لأن ريحته بتبعد الحشرات عن البيت
- وزع أوراق أو زيت الزعتر على قطع قطنية لأن ريحته فعالة في طرد الناموس
- ضيف القرنفل في أنصاف ليمون ووزعها في أركان الغرفة وسيبها طول الليل
- افرم فصوص توم واغليهم في مياه، وحط السايل في بخاخة، ورشه على أماكن تجمع الذباب
- وزع قطع قطنية عليها زيت الكافور وسيبه في أركان الغرفة واقفلها عشان يختفي، لو المكان فيه كمية كبيرة من الناموس
- قطع حلقات البصل وحطها مع مياه في بخاخة ورشها حوالين الغرفة
- اخلط كميات متساوية من المياه وخل التفاح وضيف 15 نقطة من زيت النعناع، أو اللافندر، أو الليمون، ورشها في أماكن تجمع الناموس
اعمل طارد ناموس من مكونات طبيعية في بيتك
- استخدم 100 نقطة من زيت عطري أو مزيج من الزيوت الأساسية زي زيت اللافندر، أو السترونيلا أو النعناع
- امزج الزيت مع معلقتين كبار من ماء الهيمامليس، ومعلقتين كبار من زيت نباتي في وعاء
- حط قطعة قماش في وعاء صغير وصب الخليط فيه وغطيه وسيبه 24 ساعة
- لما تحتاجه افتح الغطاء وسيبه في المكان لجذب الناموس ليه
- جدد الزيت في الوعاء كل فترة لأن تأثيره بيقل بعد فتح الغطاء والاستخدام
طارد ناموس طبيعي باستخدام زيوت طبيعية مختلفة
- اخلط 30 نقطة زيت نعناع مع 30 نقطة زيت الأترج في بخاخة
- زوّد عليهم 20 نقطة زيت عشبة الليمون و20 نقطة زيت اللافندر
- بعد تقليبهم لفترة ضيف 10 نقط زيت روزماري
- اخلطهم كويس وبعدها ضيف معلقة من الكحول الطبي ونص كوب خل أبيض، أو خل تفاح
- زوّد نص كوب ماء ساخن عليها معلقة جلسرين عشان تسهّل دمج المكونات مع بعضها
- رج البخاخة كويس قبل الاستخدام ورشها على أماكن تراكم الناموس وعلى الأثاث أو الأرضيات
طرق إضافية ممكن تساعد على التخلص من الناموس
- اتخلص من أي مياه راكدة مش نضيفة مهما كانت قليلة
- استعين ببعض أنواع الفوانيس الحرارية مخصصة للتخلص من الناموس
- اشتري شموع فيها مادة الجيرانيول اللي بتزود فرص طرد الناموس
- اقفل الأبواب، والشبابيك أغلب الوقت
- اعمل سلك مخصص للشبابيك عشان تقدر تفتح للتهوية وتقلل قلقك من دخول الناموس أو أي حشرات تانية
الحماية من قرص الناموس
- ادهن فازلين أو جلسرين على جسمك عشان يبعد عنك
- أو مزيج زيت الليمون مع زيت الكافور مع بعض وادهنهم على المناطق المكشوفة في الجسم
- دراسة في جامعة تايوان بتأكد إن زيت القرفة بيبعد الناموس عن الجلد
- خففه بنص معلقة على كوباية مياه
- ممكن تخفف زيت النعناع بزيت الكانولا.. لأن لوحده ممكن يسبب طفح جلدي لو حطيته على بشرتك مباشرة
- استخدم المنتجات الطاردة في شكل سبراي بيترش على الجلد وابعده عن الوجه والعين
- تجنب رشها على الجروح والحروق أو أي طفح جلدي
- البس ألوان فاتحة خصوصًا وإنت خارج في درجة حرارة عالية
- التعرق الزايد بيفرز حمض اللاكتيك فبيجذب الناموس أكتر
- اهتم تبعد عن أشعة شمس واتخلص من العرق بسرعة
- وقت النوم غطي نفسك كويس خصوصا ودنك وحاول تلبس أكمام طويلة وشراب
- ركب ناموسية وقت النوم عشان تحميك لو الناموس كتير
