المحتويات
اعراض سرطان القولون اللي بيعتبر من أنواع السرطانات اللي بتبدأ في الأمعاء الغليظة، بتظهر في البداية على شكل تكتلات حميدة من الخلايا داخل القولون بتتسمى سلائل، وبعدها بتتطور ومع الوقت بتتكون سرطانات في القولون، والقولون هو الجزء الأخير من الأمعاء في الجهاز الهضمي.
أسباب سرطان القولون
- العلماء بيبحثوا في سبب الإصابة بسرطان القولون بس لحد دلوقتي مفيش تفسير علمي واضح ودقيق عن سبب ظهور السلائل اللي بينتج عنها سرطان القولون
- الموضوع مرتبط بطفرات في الحمض النووي لخلايا القولون السليمة اللي بتحتوي على بعض المعلومات اللي بتشكل مستقبلها
- إصابة الحمض النووي بالسرطان مع استمرار انقسام الخلايا، بيسبب تراكم الورم السرطاني في الخلايا الجديد وبتشكل ورم
- مع الوقت بتستمر الخلايا في الانقسام وبالتالي بيظهر السرطان بوضوح وممكن ينتقل لأعضاء تانية في الجسم
- بتظهر في البداية في شكل تكتلات حميدة اسمها سليلة أو (Adenomatous polyp) وبعدها بتنتشر أكتر وبيبقى اسمها سلائل سرطانية (Polypi) في القولون
اعراض سرطان القولون
- استمرار فقدان الوزن غير المعروف سببه
- الإحساس بالضعف العام والإرهاق
- اضطرابات المعدة زي التقلصات والغازات والآلام القوية
- الإحساس بضيق وألم شديد في البطن وقت التبرز
- نزيف شرجي مستمر وألم في البراز عند فتحة الشرج
- تغير في تماسك البراز على مر الوقت سواء عن طريق الإمساك أو الإسهال
- أغلب الحالات بتظهر الأعراض بعد مدة طويلة من الإصابة ومش بتظهر في بداية المرض
عوامل خطورة تفاقم اعراض سرطان القولون
- المصابين بالتهابات القولون أو مرض القولون التقرحي
- المتعافين من سرطان القولون في الماضي
- الأشخاص اللي نظامهم الغذائي غني بالدهون والنشويات واللحوم الحمراء والمصنعة وقليل الألياف
- الإفراط في شرب الكحول والتدخين
- زيادة الوزن والكسل مع قلة ممارسة الرياضة
- وجود تاريخ مرضي في العائلة يخص المقرّبين (سواء الآباء أو الأجداد)
- التعرض لعلاج إشعاعي خصوصًا على منطقة البطن
تشخيص الإصابة بسرطان القولون
- استخدام المنظار المثبت فوقه كاميرا بتعرض حالة القولون ككل وممكن من خلال الأنبوب ده تحليل جزء من أنسجة القولون المشتبه في إصابته بورم
- بعض الفحوصات اللي بتكشف عن وجود دم في البراز
- فحوصات تانية زي (Sigmoidoscopy – Double Contrast Enema – Virtual Colonoscopy)
علاج سرطان القولون
- استئصال السلائل السرطانية لو كانت صغيرة
- عمليات استئصال لأجزاء من البطانة الداخلية للقولون وبتتعمل حسب الحالة اللي مع توغل السلائل ممكن تسبب في استئصال جزء كامل من القولون
- جراحة لتغيير مسار البراز للخروج من فتحة في جانب البطن وتثبيت كيس فوق الفتحة بإحكام
- أحيانًا بتبقى جراحة تغيير المسار مدتها محدودة وبعد شفاء القولون والمستقيم بترجع عملية التخلص من البراز بشكل طبيعي ولكن في حالات قليلة بتستمر على طول
- العلاج الكيميائي واللي بيستخدم سواء قبل الجراحة لاختبار مدى قدرته علي قتل الخلايا السرطانية أو بعد الجراحة للقضاء على المتبقي منّه
- طريقة العلاج الإشعاعي اللي بتستخدم الأشعة السينية والبروتونات ولتقليل حجم السرطان المنتشر قبل استئصاله
- العلاج المناعي اللي دوره في رفع مناعة الجسم ومواجهة بروتينات بتنتجها الخلايا السرطانية عشان تهرب من مواجهة جهاز المناعة
- الهدف من العلاج المناعي تقوية كرات الدم البيضاء وجهاز المناعة والقضاء على البروتينات دي وتقليل نشاطها
الوقاية
- الدراسات قالت إن المشي لمدة بين 150-300 دقيقة أسبوعيا بسرعة 20 دقيقة للميل كافي للوقاية من السرطان
- الحفاظ على اللياقة البدنية بالرياضة بيقلل خطر الإصابة بأنواع سرطان خصوصًا القولون والرحم وبيساعد على تقليل الوزن الزايد اللي من ضمن أسباب الإصابة بأنواع سرطان مختلفة
- بتساعد على تنظيم معدلات الهرمونات في الجسم وتحسين أداء الجهاز الهضمي اللي بيحمي من اضطرابات القولون
- الأطباء نصحوا بالمزج بين الرياضة المتوسطة زي المشي أو اليوجا مع رياضة عنيفة زي الجري والمشي السريع والسباحة وركوب العجل عشان تحقق نتايج أفضل للجسم
- ممارسة تمارين تقوية العضلات على الأقل مرتين أسبوعيا مهم للحفاظ على الجسم وزيادة التمثيل الغذائي ولحماية الجسم من الالتهاب وتقوية جهاز المناعة وضبط معدل السكر في الدم وتقليل هرمونات الجنس في الجسم
- الدراسات أثبتت إنها بتساعد على زيادة معدلات الشفاء من مرضى السرطان لأنه بيقلل الآثار الجانبية للعلاج
- وبتساعد الرياضة على تخطي القلق والضغط العصبي وأعراض الاكتئاب وبتحسن الأداء الجسدي العام
- دراسة بتأكد إنها بتحمي من سرطان القولون خصوصًا لو فيه استعداد جيني وراثي منّه وحتى لو أصيب الشخص بيه بتقلل نسبة الوفاة بسببه بنسبة 30 %
- بعض الدراسات ربطت بين تناول الأسبرين وضعف فرص الإصابة بسرطان القولون بس بيحاول العلماء اكتشاف الجرعات المناسبة
- مهم تتناول وجبات غذائية متنوعة غنية بالألياف وقلل السكريات والنشويات قدر المستطاع لأنها من أسباب زيادة الوزن اللي بتزود خطر الإصابة بيه وظهور أعراض سرطان القولون
