ادمان العمل: أعراضه وتأثيره عليك وطرق التعامل معاه

ادمان العمل اضطراب نفسي موجود والشخص بيواجه صعوبة في التوقف عنه، وسببه ممكن يكون الضغط العاطفي أو النجاح في الشغل.

الشخص المصاب بيه بيحس بحالة مزاجية إيجابية عند العمل لساعات طويلة وبيواجه صعوبة في التوقف عنه لأنه بيبحث دايما عن الكمال، مهما كان تأثير تصرفاته على صحته وحياته الشخصية

الأعراض

مؤخرا العمل الزايد والتأخير فيه لساعات طويلة بقى حاجة متوقعة ومطلوبة، وبالتالي في صعوبة في ملاحظة ادمان العمل

الأشخاص المصابة بيه بيبرروا تصرفاتهم بإنهم بيحبوا العمل والإنجاز والطموح

الأعراض العامة هي:

• الشغل في المكتب لساعات طويلة حتى في عدم احتياجك لده
• قلة النوم بسبب الانشغال في العمل
• الهوس بكل ما هو متعلق بالشغل
• الرعب الشديد من الفشل
• التفكير الزايد في أدائك العملي والإنجاز اللي بتحققه
• عدم الاهتمام بالعلاقات الشخصية بسببه
• استغلاله كحجة للهروب من التجمعات أو الخروجات المختلفة
• العمل للتأقلم مع مشاعر الذنب والاكتئاب
• استغلاله للتعامل مع الأزمات والمواقف الصعبة زي الموت والطلاق والمشاكل المادية

تشيخص ادمان العمل 

مقياس برجن لادمان العمل بيقيس درجته بناء على جوانب كتير في الحياة ومن خلال مقياس:

1. أبدا
2. نادرا
3. ساعات
4. معظم الوقت
5. دايما

المقياس في أسئلة بترد عليها باستخدام الخمس مقاييس دول، والأسئلة ممكن تبقى:

• بتفكر إزاي تقدر تفضي وقت أكبر للعمل
• بتشتغل عشان تقلل مشاعر الذنب والقلق والاكتئاب
• الأشخاص القريبة منك طلبوا منك تقلل ساعات العمل وإنت تجاهلتهم
• بتتوتر وإنت خارج مكان العمل
• بتقلل من الاهتمام بالهوايات والأنشطة خارج العمل والخروجات والرياضة في مقابل وقت أكتر للشغل
• بدأ يأثر على صحتك

الدراسة أثبتت إنك لو جاوبت بكلمات دايما أو معظم الوقت على الأقل لـ4 أسئلة من دول.. يبقى ممكن تكون مصاب بيه

تأثير ادمان العمل عليك

لو تجاهلته واستمريت على العمل لساعات طويلة، هيسبب لك مشاكل نفسية وصحية زي:

• انخفاض طاقتك وقدرتك على الإنجاز
• الحكم غير الصحيح على الأشياء اللي حواليك وعلى علاقاتك مع الآخرين
• المرور بانهيارات نفسية وعصبية
• الشعور بالتعب المزمن
• اضطراب النوم
• الإصابة بالأمراض المرتبطة بالتقدم في العمر زي التهاب الجسم وأمراض القلب وانحدار الذاكرة
• الرغبة في الانعزال والشعور بالوحدة

كيفية التعامل مع ادمان العمل

إدمان العمل ليه درجات مختلفة، وتحديد درجته هيساعدك تحدد طريقة العلاج الأنسب ليك

الدرجات الشديدة منه ممكن تحتاج لـ:

• علاج نفسي فردي
• العلاج الجماعي في مجموعات
• برامج إعادة تأهيل لو مرتبط باضطرابات نفسية تانية

لو درجته متوسطة أو خفيفة، تقدر تتعامل معاه من خلال تغيير النمط اليومي واتباع نصائح مهمة

مهم تفهم إن النجاح في الحياة محتاج:

• وجود هدف معين
• احترام احتياجات عيلتك وصحتك النفسية والبدنية وتلبيتها
• تتقبل إنك مش لازم تكون مميز وشاطر في كل حاجة

إعادة تنظيم توقعاتك

• لازم تحدد وتكتب فوايد تنظيم عدد ساعات العمل وتقليلها تدريجيا لحد ما توصل للعدد الطبيعي
• تتكلم بصراحة مع زملاء العمل والمدير المباشر عن التغييرات اللي عايز تعملها وإزاي ده هيأثر على نفسيتك وصحتك
• اطلب المساعدة من الأشخاص اللي حواليك

تحديد مواعيد للديتوكس من الإنترنت

• ابعد الموبايل والكمبيوتر عن إيدك أثناء قضاء الوقت مع أشخاص تانية
• توقف عن عادة استخدام الموبايل أثناء أوقات الانتظار وبص حواليك أكتر
• دور على حاجة جديدة ونشاط مختلف تملى بيه يومك

ممارسة التأمل

• عود نفسك تاخد أنفاس عميقة قبل اتخاذ أي قرار
• اعمل سيرش كويس واتأكد من قراراتك الأول مهما كانت بسيطة

خلي صحتك أولوية

• اقرأ عن أضرار ادمان العمل وتأثيره على الصحة والنوم والتغذية
• فكر نفسك إن عيلتك وأصحابك والعمل محتاجك في أفضل صورة صحية
• ابدأ اهتم بصحتك من خلال جوانب تانية زي الاشتراك في رياضة أو ممارسة اليوجا