المحتويات
إدمان السكر حالة تصيب بعض الأشخاص اللي بتتناول السكريات والكربوهيدرات بكميات كبيرة، وفقدوا قدرتهم في السيطرة عليها، وهتقدملك الأعراض اللي تكتشف بيها إدمانك وطرق التغلب عليه.
أعراض إدمان السكر
بعض الأشخاص بيعانوا منه بسبب تعود المخ على الكمية اليومية اللي بياكلها من السكريات والكربوهيدرات وبيميل ليها في حالة تقليل الكمية أو التأخير عن أكلها وبيظهر في أعراض زي:
- لو بتخبي عاداتك الغذائية عن اللي حواليك لأنك لاحظت إنك بتاكل السكريات بكميات كبيرة بدلا من محاولة تقليلها
- إخفاء الحلويات في الأدراج أو الدولاب عشان تاكلها بشكل خفي
- لو الكمية بتزيد مع الوقت عشان تقدر تشبع رغبتك
- الميل للحلويات حتى لو مش جعان أو بعد أكل وجبة كبيرة
- لو عندك رغبة في أكل الكربوهيدرات طول الوقت لأنها بتتحول لسكر لما بتدخل الجسم
- الإحساس بالانتفاخ بعد كل وجبة بسبب تخمر كميات السكر الكبيرة في المعدة
- التفاوت على مدار اليوم بين النشاط الزايد والخمول والتعب
- زيادة السكر بيقلل فعالية هرمون الجريلين (هرمون الجوع والشبع).. مش هتشبع من السكر
- الزعل لما تفوت وجبة والشعور بالجوع طول اليوم بسبب اعتماد الجسم على السكر كمصدر للطاقة
- لو لازم تشرب عصير أو مشروب غازي مع الأكل
- خلق أعذار مش مقنعة للناس عن كميات وأنواع السكريات اللي بتاكلها
- بتاكل سكريات في كل حالاتك العاطفية سواء زعل أو فرح
- الميل للأطعمة المالحة لأن ده علامة على نقص عناصر غذائية مهمة في الجسم زي الماغنيسيوم والانتظام على السكريات بيسبب نقصها في الجسم
- لو حاولت تقللها ومريت بأعراض انسحاب زي الصداع والشعور بالتعب والغثيان والرغبة في القيء
- الاستمرار على تناوله بالرغم من إنك عارف أضراره على الجسم
- لو بتعمل مشاوير طويلة أو مخصوصة لتناول السكريات
- الشعور بالذنب بعد أكلها
طرق التغلب على إدمان السكر
قرار تقليل السكريات مهم وهيحميك من الإصابة بأمراض خطيرة ومزمنة زي أمراض القلب والسكر والسمنة وهياخد وقت وهيسبب لك أعراض زي الدوخة والاكتئاب والأرق وقلة التركيز، تقدر تبطلها من خلال خطوات زي:
- قاطع كل مصادر السكر في يومك عشان فترة العلاج وتأثيرها يقلوا
- ابعد عن كل أنواع السكريات اللي بتضعف قدامها
- زود كميات البروتين في وجباتك عشان تتجنب الجوع والدوخة
- الأكل اللي فيه ألياف هيقلل أعراض انسحابك ويظبط مستوى السكر في الدم
- اشرب مياه بكميات كبيرة لأن علميا جفاف الجسم بيسبب الميل للسكريات
- تجنب السكر الصناعي ومصادره زي المشروبات الغازية والعصاير لأنه بيزود رغبتك في أكل السكريات
- حاول تقلل التوتر لأنه بيوجه عقلك لأكل السكريات
- الرياضة هتقلل التوتر وتزود طاقتك
- ساعات النوم الكافية هتقلل التوتر وتقوي الذاكرة والتركيز
- زود كميات الخضار الورقي في نظامك الغذائي
- اسأل نفسك لو جعان الأول وكل وجبة متوازنة وكبيرة عشان الشبع هيقلل ميلك ليها
- خد حمام دافي من 5- 10 دقايق لأن تدفئة الجسم هتقللها
- المشي بخطوات سريعة أو الجري هيحفز الإندورفين في الجسم وبالتالي هتقل
- كُل مصادر صحية للسكر زي الموز والتفاح والعنب والمانجا والشوكولاتة الغامقة بنسبة 70% على الأقل
- الدراسات أثبتت إن مضغ اللبان بيقللها
- لو بتحس بيه في نفس المعاد يوميا.. كل وجبة غنية بالبروتين مع بدايته
- كُل حاجة حارة أو فيها بهارات
- امزج أكل حادق مع حلو زي شرايح التفاح مع زبدة المكسرات
- كُل كربوهيدرات صحية زي الكينوا أو الشوفان أو البطاطا أو الموز
- اتأكد إن نظامك الغذائي متوازن بين البروتين والدهون الصحية والألياف وإن فيه سعرات حرارية كافية
- اتأكد من نسبة الماغنيسيوم في جسمك لأن الدراسات أثبتت إن نقصه بيسبب الميل ليها بشكل متكرر
- اعمل نشاط يشغلك عنها زي إنك تكلم حد على التليفون أو مشاهدة التلفزيون أو الرسم أو القراءة
- اقرأ مكونات الأطعمة والمشروبات واتأكد إنها خالية من السكر المضاف اللي بعض الأحيان بيكون تحت مسمى تاني زي الفركتوز أو السيروب أو السكروز أو عصير القصب المبخر
المصادر الخفية للسكر
بعض الأطعمة والمشروبات فيها كميات عالية من السكر تحت مسميات تانية أو بشكل خفي، وبالتالي لازم تراقب كميات أكلك منها أو تتجنبها عشان تقدر تتغلب على إدمانك للسكريات زي:
- الصلصة الجاهزة
- صوصات الأكل زي الكاتشاب وصوص الباربيكيو
- الزبادي المنكه
- بعض أنواع بار الجرانولا
- دريسنج السلطة الجاهز
- الشوفان سريع التحضير
- مشروبات الطاقة
- حبوب الإفطار
- الفواكه المعبأة
- الفواكه المجففة
- الخبز الأبيض
- صوصات الأكل أو التتبيل زي صوص الترياكي
- زبدة المكسرات بأنواعها
- الخضار المجمد الجاهز
- الشاي المنكه زي الشاي بالبرتقال أو الياسمين
أعراض الانسحاب من إدمان السكر
الأعراض جسدية ونفسية وبتختلف حدتها من شخص للتاني وبتستمر من أيام لأسابيع، وبتظهر في أوقات معينة على مدار اليوم خاصة بين الوجبات وممكن تزيد مع الأوقات الموترة لأن التوتر بيحفز الميل للسكريات
الأعراض الجسدية
- الصداع
- الدوخة
- قلة التركيز
- الغثيان
الأعراض النفسية
- الشعور بالاكتئاب وده غالبا بسبب قلة هرمون الدوبامين في الجسم اللي كان بيسببه أكل السكريات
- الشعور بالقلق وسهولة الشعور بالضيق وعدم القدرة على الراحة
- ظهور تغييرات في نظام نومك زي صعوبة النوم أو النوم المتقطع
- قلة التركيز والتشوش العقلي وضعف القدرة على إنجاز الأشياء
- الميل للسكريات والكربوهيدرات زي المكرونة والرز والبطاطس
أطعمة لتقليل الميل للسكريات
- بذور الشيا
- الشوكولاتة الغامقة
- الجزر
- الزبادي
- الفراولة
- التوت
- البطاطا
- الحمص
- اللبان
- البلح
- الحبوب الكاملة
- المزج بين المكسرات وكمية بسيطة من الفواكه المجففة
- الحبوب الكاملة
