المحتويات
تمارين التأمل ليها فوائد للصحة النفسية والبدنية، فهي بتساعد على التخلص من الضغط اليومي وبتحسن الصحة النفسية، وممارستها بتحتاج خطوات بسيطة.
فوائد تمارين التأمل
أثناء ممارستها، بتركز انتباهك وبتحاول تتخلص من الأفكار المختلفة في ذهنك عشان توصل لأكبر درجة من الاسترخاء، وبتساعد على:
فوائد الصحة النفسية
- بتساعد على التخلص من الأفكار والمواقف اللي بتتعرضلها بشكل يومي اللي تراكمها بيسبب التوتر
- ليها دور في إيجاد الطريقة المناسبة للتعامل مع المواقف الموترة
- بتزود إدراكك لنفسك وقدرتك على فهمك ليها أكتر
- بتقلل الأفكار السلبية
- بتحسن قدرتك على التخيل والإبداع
- بتزود قدرتك على الصبر وتحمل الأشياء المختلفة
فوائد الصحة البدنية
تمارين التأمل ليها دور إيجابي في تحسين الصحة البدنية خاصة مع الأمراض اللي التوتر بيزود أعراضها
بتساعد على تقليل أعراض:
- القلق المزمن
- الربو
- الألم المزمن
- الاكتئاب
- أمراض القلب
- ارتفاع ضغط الدم
- متلازمة القولون العصبي
- مشاكل النوم
- صداع التوتر
عوامل مهمة لممارستها
في حاجات معينة لازم تكون متوفرة عشان تحقق أقصى استفادة منها زي:
- تركيز الانتباه بشكل كامل ومع الوقت هنقدر تحقق ده بسهولة
- التنفس بتركيز وانتظام مع الانتباه لحركة الرئتين والعضلات
- اختار مكان هادي ومألوف ومريح مع التخلص من كل الوسائل اللي ممكن تشتتك زي التلفزيون والموبايل
- لازم تختار وضع مناسب سواء كان النوم أو الجلوس أو الاستلقاء بس مهم تكون مرتاح مع الحفاظ على وضعية الجسم والضهر
- الوقت الأنسب لممارسة التمرين هو الصبح عشان ذهنك يكون خالي من أي توتر
- ثبت معاد التمارين وتجنب ممارستها بعد الأكل/ مشاهدة التلفزيون لمدة طويلة/ التدخين/ تناول الكحوليات
- الانتظام على نظام غذائي صحي والنوم عدد ساعات كافي مهم
التمرين الأول من تمارين التأمل
- اختار مكان هادي خالي من أي مصادر تشتيت انتباه لمدة 5 دقايق لحد ساعة على حسب قدرتك
- البس ملابس مريحة ومناسبة لحالة الجو عشان تتجنب تشتت انتباهك واقلع الجزمة قبل ما تبدأ
- حدد المدة اللي تقدر عليها الأول واظبط منبه أو اربط انتهاء الوقت بحدث معين زي شروق الشمس
- حاول تكمل المدة اللي حددتها لنفسك عشان تقدر تحقق نتايج إيجابية
- اعمل تمارين استرخاء لمدة دقيقتين عشان تهيأ نفسك وجسمك قبلها وتتجنب الشد العضلي
- اختار أريح وضع جلوس مناسب ليك سواء على الأرض مباشرة أو على مخدة
التمرين التاني
- اقعد في وضعية اللوتس أو نصف اللوتس أو أي وضع متوازن ومناسب لفرد ضهرك تماما
- مهم قدمك تكون مفرودة على الأرض وإيدك في حجرك
- لو الجلوس مش مريح.. مارس التمارين أثناء المشي/ الوقوف/ التمدد
- العمود الفقري لازم يدعم جسمك من الوسط لحد فوق ويكون مفرود بوضعية مريحة ليك
التمرين التالت
- غمض عينك عشان تتجنب تشتت الانتباه وركز على حركة أنفاسك وهي بتدخل وتخرج من جسمك
- تجنب بذل مجهود مبالغ فيه أو الحكم على طول/ قصر مدة أنفاسك واتنفس بطريقة طبيعية
- طبيعي تسرح في صور وأفكار مختلفة.. تجنب الحكم على نفسك وحاول تسحب نفسك منها بالراحة وركز تركيزك على التنفس تاني
- مهمة التأمل هي مراقبة والتركيز على أفكارك والتعامل معاها باتزان وقبول للوصول للاسترخاء
التمرين الرابع
- ردد لحن أو كلمات محددة مناسبة ليك للوصول لأكبر درجة من التركيز
- ركز على كل جزء من جسمك بالتدريج وحدد شعورك في اللحظات دي
- مثلا.. ابدأ بعضلات أصابع قدميك وارخيها تماما من أي تشنجات وتوتر وأول ما تحس إنها مسترخية تماما اتحرك للجزء اللي بعده وكرر نفس العملية
- خد الوقت اللي محتاجه في التركيز مع كل جزء من جسمك
- أول ما تحس إن جسمك استرخى.. كثف تركيزك على جسمك كله واستمتع بشعور الاسترخاء اللي حققته وابعد ذهنك عن أي أفكار
التمرين الخامس من تمارين التأمل
- ركز مع تنفسك (الشهيق والزفير) لمدة دقايق قبل ما تطلع من حالة التأمل
- الانتظام على الممارسة هيساعدك تستمر لمدة أطول وتحقق نتايج إيجابية أكتر
- الوقت الأنسب لممارسة التمرين هو الصبح عشان ذهنك يكون خالي من أي توتر
- ثبت معاد التمارين وتجنب ممارستها بعد الأكل/ مشاهدة التلفزيون لمدة طويلة/ التدخين/ تناول الكحوليات
- الانتظام على نظام غذائي صحي والنوم عدد ساعات كافي مهم
