المحتويات
دهون البطن من أكتر أنواع الدهون العنيدة، لأنها بتحتاج مجهود بدني والتزام للتخلص منها، وأكتر أنواع السمنة اللي بتأثر سلبا على الصحة.
أسباب دهون البطن
في عوامل كتير بتسبب تراكمها في البطن، زي:
العوامل الوراثية
- لو في شخص أو أكتر في العيلة بيعاني من منها، ممكن تتنقل للأبناء
- في الحالة دي، هتحتاج تتبع نظام غذائي صارم مع ممارسة التمارين المخصصة للبطن بشكل منتظم
قلة الحركة ودهون البطن
- الالتزام بدايت صارم غير كافي لأن الحركة شيء أساسي للتخلص من دهون المناطق العنيدة
- في بعض التمارين المناسبة للتخلص منها زي الجري والتمارين الهوائية وتمارين اللي بتستهدف الـ(Core)
النظام الغذائي السيء
الانتظام على الأطعمة اللي سعراتها الحرارية فاضية أو الأطعمة الجاهزة زي المخبوزات والأكلات المعبأة بتسبب:
- زيادة الوزن
- بطء الميتابوليزم
- تقليل قدرة الجسم على حرق الدهون
الأنظمة الغذائية قليلة البروتين وعالية الكربوهيدرات سبب مهم برضه
الدهون المتحولة بتعلي مؤشرات الجسم للالتهاب واللي بيسبب السمنة، وهي موجودة في أطعمة كتير زي الكراكرز والمخبوزات
شرب الكحول
- شربه باستمرار بيسبب مشاكل صحية كتير منها السمنة وزيادة التهاب الجسم
- الدراسات أثبتت إنه بيسبب السمنة في منطقة البطن بالأخص
التوتر ودهون البطن
- هرمون التوتر (الكورتيزول) بيساعد الجسم على التحكم وتنظيم التوتر، وعند تعرض الشخص لموقف خطير الجسم بيفرزه بكميات كبيرة وده بيأثر على الميتابوليزم
- الكورتيزول بيسبب تخزين السعرات الزيادة حوالين منطقة البطن
قلة النوم
- الدراسات ربطت بين ضعف جودة النوم وقلته وبين زيادة الوزن وخاصة في منطقة البطن
- ده بسبب إن قلته بتسبب ميل الشخص لأكل أطعمة غير مفيدة وغنية بالدهون واللي بتسبب تراكم الوزن الزايد في البطن
التدخين
- العلماء قالوا إنه مش سبب أساسي لسمنة البطن، لكنه عامل مؤثر
- دراسة سنة 2012 على مجموعة من المدخنين وغير المدخنين أثبتت إن الأشخاص المدخنين بيعانوا من سمنة منطقة البطن عن غيرهم
قلة شرب المياه ودهون البطن
- المياه هي المحرك الأساسي لعملية الميتابوليزم، فبتكون سريعة ونشطة في حالة شرب كميات كافية من المياه وبطيئة في حالة قلة شربك ليها
- مهم تشرب 8 أكواب مياه في اليوم للحفاظ على صحة الجسم العامة والتخلص من السموم
طرق التغلب على دهون البطن
- الحفاظ على نظام غذائي متوازن قليل الكربوهيدرات والسكريات وغني بالبروتين والألياف من خلال الخضار والفاكهة
- تقليل أو التوقف عن شرب الكحول لأنه بيأثر على صحة الجسم زي الكبد وبيزود نسبة السكر في الجسم
- زيادة النشاط الحركي من خلال حيل بسيطة زي طلوع السلم أو المشي في بداية اليوم وبعدين الانتقال للأنشطة الأكتر حركة زي تمارين الأيروبكس
- التعرض للشمس بانتظام لأن الدراسات أثبتت إن قلة التعرض ليها ونقص فيتامين د في الجسم بيأثر سلبا على الميتابوليزم وبيصعب عميلة خسارة الوزن
- قلل تأثير التوتر عليك بطرق تساعدك تتأقلم معاه بطريقة صحيحة زي اليوجا وتمارين التأمل وممارسة الهوايات المختلفة
- تحسين جودة النوم من خلال عمل روتين يساعدك على الاسترخاء قبلها زي القراءة والامتناع عن الشاشات قبلها بعلى الأقل ساعتين وممكن تستعين بالتطبيقات المختلفة
