المحتويات
حرقان البول بيصيب الرجال والسيدات وبيحصل في المنطقة اللي بتنقل البول للمثانة أو في المنطقة المحيطة بالأعضاء التناسلية، وبالتالي ضروري تعرف أسبابه خصوصًا إنه مؤشر للإصابة ببعض الأمراض والمضاعفات اللي ممكن تحصل وقت إهمال علاجه مع طرق العلاج المناسبة.
الأسباب
التهاب المسالك البولية
- بيعتبر من أكتر الأسباب المنتشرة وراء حرقان البول وبيحصل نتيجة إصابة الإحليل (القناة اللي بتربط المثانة لخارج الجسم) بالبكتيريا
- بتظهر بسبب البكتيريا دي بعض الأعراض المزعجة زي الحاجة المستمرة للتبول والإصابة بحرقان شديد وقت التبول
الأمراض المنقولة جنسيًا
- زي الهربس اللي بيعتبر من الأمراض الشائعة نتيجة التعرض للملوثات أو بسب ممارسة جنسية بدون استخدام وسائل الأمان
- بيسبب الهربس حرقان البول بجانب بعض الأعراض زي ظهور البثور في الفم واللسان والأعضاء التناسلية
- أمراض تانية بتظهر وبتسبب أعراض مشابهة زي المشعرات والسيلان والكلاميديا
حصى الكلى
- ظهور الحصوات في الكلى أو المثانة بيزوّد فرص الإصابة بأعراض جانبية في البول زي الحرقان أو وجود دم في البول وتغيّر لونه
- بتزيد آلام شديدة أسفل البطن وآلام كبيرة وقت التبول
- الخبراء بيأكدوا إن أي التهاب بيصيب المثانة أو الكلى بيأثر على التبول وبيزوّد الإحساس بالألم خلاله
- مثلًا التهاب البروستاتا من أعراض الإحساس بحرقان البول
بعض أنواع السرطانات
- زي سرطان المثانة والبروستاتا
أسباب خاصة بالسيدات
- التهاب المهبل الجرثومي بيحصل بسبب ضعف التوازن البكيتيري بين البكتيريا النافعة والبكتيريا الضارة
- استخدام أدوات النضافة الشخصية أو استخدام مواد كيميائية لتنضيف المهبل ممكن تسبب التهابات شديدة فيه
- عدم استخدام المزيلات الطبية أثناء العلاقة الجنسية بيسبب كشوط بتسبب آلام حادة بتطور للإصابة
- بتزيد فرص التمزقات المهبلية بسبب توسع الأنسجة والحوض وقت الولادة
مضاعفات حرقان البول
- تجاهل الأعراض الخطيرة أثناء التبول من ألم وحرقان بيضر الكليتين وبيسبب تلفهم مع الوقت
- ضيق مجرى البول
- زيادة فرص تسمم الدم المؤدي للوفاة
علاج حرقان البول بطرق طبيعية
- اشرب مياه كتير قدر المستطاع (مش أقل من 12 كوباية يوميًا)
- اتأكد من نقائها وجودتها قبل الشرب
- خلي دخول الحمام للتبول وقت الحاجة فقط لأن الإفراط فيه دون داعي بيضغط على البكتيريا وبيزوّد الإحساس بالحرقان
- كمادات أسفل البطن هتساعدك تقلل الألم
- دراسة بتأكد إن عصير التوت البري هيقلل الالتهابات لأنه غني بمضادات الأكسدة
- البكتيريا النافعة الموجودة في الزبادي بتقلل حموضة البول وبتقتل البكتيريا الضارة فيه
- الفاكهة الغنية بفيتامين C زي البرتقال والجوافة والأناناس هيقللوا إحساسك بيه
- اخلط معلقة خل تفاح على معلقة عسل في كوباية مياه دافية واشربها
- ضيف معلقة بيكنج صودا أو اعصر ليمونة على كوباية مياه قبل شربها
أدوية علاج حرقان البول
- افتكر إن ضروري تستشير طبيب متخصص فورًا عشان تحدد سبب الحرقان وتعالجه في أسرع وقت
- وبلاش تستخدم أي دواء بدون وصف طبيب متخصص يقيم حالتك ويكتبلك الدواء المناسب
- بعض الأطباء بيستخدموا المضادات الحيوية لعلاج الالتهاب المؤدي للحرقان زي:
- المضاد الحيوي سيبروفلوكساسين (Ciprofloxacin)
- التركيزات المختلفة من المضاد الحيوي أموكسيسيلين (Amoxicillin) سواء 500 أو 1000 Mg
- بعض الأدوية بتحتوي عليه زي ايموكسكلاف (E-Moxclav) وإبياموكس (Ibiamox) وأموكسيل (Amoxil)
- المضاد الحيوي سوبراكس (Suprax) اللي بيحتوي على سيفيكسيم (Cefixime) المعالج لعدوى الجهاز البولي
- بعض الفوارات بتحقق نتايج كويسة زي يوروسولفين (Urosolvine) وإبيماج (Epimag)
