المحتويات
علاج الحروق البسيطة ممكن عن طريق بعض الوصفات اللي بتخفف حدة الألم وظهور الأعراض حتى زيارة الطبيب المتخصص في أسرع وقت
تصنيف الحروق
- الدرجة الأولى: الإصابة فيها بتبقى في الطبقة الخارجية للجلد وأعراضه احمرار في الجلد مع تورّم بسيط
- التانية: إصابة طبقتين من طبقات الجلد ومن أعراضه ظهور الندوب وانتفاخ المنطقة المصابة بالماء لفترة طويلة
- التالتة: إصابة الأنسجة الموجودة تحت الجلد ومن أعراضه زيادة خشونة الجلد وزيادة رطوبة الجلد لفترة طويلة
- الرابعة: ضرر أكبر بيوصل للعضلات والأوعية الدموية والأطراف والأوتار والأعصاب والعظام ومن أعراضه ظهور اللون الأسود على المنطقة المصابة بالحرق وضرر شديد في الأعصاب بيوصل أحيانًا لعدم الإحساس بالألم
مضاعفات الحروق
- بتزيد حدة وجود الندوب على الجسم والجلد خصوصًا مع تفاقم ضرر الأنسجة الخارجية وأحيانًا بتسبب تشوهات مزمنة
- بيتفاقم ضرر الندوب لو استمرت فوق أحد الأطراف وبتقلل القدرة على الحركة
- استنشاق الهواء الساخن والبخار بيزوّد فرص الإصابة بعدوى ومشاكل في الجهاز التنفسي
- إصابة الجلد بتسبب فقدان الجسم لجزء كبير من درجة الحرارة وبالتالي مع شدة الإصابة بيزيد الخطر وتهديد الحياة على صحة المصاب
- نقص الدم نتيجة الإصابة بيسبب ضرر كبير في الأوعية الدموية خصوصًا إن الجلد بيحمي السوائل من الخروج خارج الجسم
- الإصابة بعدوى جرثومية نتيجة إصابة الجلد بأعراض خطيرة وبالتالي السماح للجراثيم والبكتيريا باقتحام أعضاء الجسم وأنسجته مباشرة وممكن توصل لحد التسمم والوفاة
علاج الحروق البسيطة
- بعض الحروق البسيطة ممكن علاجها بشكل مؤقت حتى استشارة طبيب متخصص عن طريق بعض المواد الطبيعية زي:
- أول خطوة لتفادي المشكلة هو الماء البارد (بدرجة حرارة الحنفية) وضروري تسليط مياه على الحرق بكمية بسيطة بدون الضغط عليه
- الخبراء بينصحوا بالكمادات الباردة على مكان الحرق لمدة من 5 لـ 10 دقائق في كل مرة
- جل الصبار بيحتوي على مواد بتقلل الإحساس بالالتهاب
- وضع العسل على مكان الحرق مباشرة بيساعد على تخفيفه
- دراسة بتقول إن أكياس الشاي الأسود بتحتوي على حمض التانيك اللي بيعمل على سحب الحرارة من الجلد وبالتالي بيخفف آلام الحروق البسيطة
- والخل الأبيض بيحتوي على حمض الأسيتيك اللي بيقلل إحساس الحكة والتهاب مكان الحرق أو المنطقة المحيطة به
- خبراء بيدرسوا أهمية الشوفان ودوره في التئام جروح الحروق في أسرع وقت
الحروق الشديدة
- بيوصف الأطباء مسكنات قوية لتخفيف الآلام خصوصًا مع التئام الجروح اللي بيبقى مؤلم أحيانًا أكتر من حادثة الحرق نفسها
- بيحصل المصاب بحروق قوية على محاليل لمنع الجفاف بجانب أدوية لمنع الإصابة بالعدوى وبتوصل أحيانًا لبعض المضادات الحيوية عن طريق الحقن
- بعض المراهم بتستخدم لعلاج الحروق زي باكيتراسين Bacitracin وسيلفادين Silvadene اللي بيساعدوا على التئام الجروح الناتجة عن الحروق بسرعة
- بتستخدم المراهم كمان في منع أي عدوى من الوصول للجسم
- أحيانًا بيوصل الوضع لزراعة الجلد عن طريق استئصال أجزاء من الجلد السليم لاستبدال الجلد المحترق بشدة
- بعض الجراحات التجميلية أحيانًا بتحاول إخفاء الندوب الناتجة عن الجروح وبتحسن مرونة المفاصل اللي الندوب اتكونت عندها
علاج حروق الشمس
- بعض الماسكات بتساعد على تخفيف حروق الشمس بسرعة
- زي إضافة العسل الأبيض على جل الصبار وخلطهم ببعض
- أو غلي نعناع وبابونج مع مياه سخنة على النار وإضافة جل الصبار وبعد تبريده بيتحط في زجاجة بخاخ وبيترش منّه على المنطقة المصابة
- ماسك تاني بيستخدم فيه دقيق الشوفان وبيضاف عليه خل التفاح وبيكربونات الصوديوم وبعدها افرد الخليط على المكان المصاب
الوقاية من الحروق
- بلاش تسيب الأكل على البوتجاز بدون إشراف ومراقبة مستمرة
- خلي الأواني اللي بتطبخ عليها في البوتجاز للداخل مش على الطرف القريب منّك
- ابعد الأدوات الكهربائية عن المياه
- بلاش تطبخ وإنت لابس واسع
- امنع التدخين في بيتك وتحديدًا في غرفة النوم
- اضبط السخان على درجة حرارة متوسطة
- احتفظ بطفاية حريق في بيتك
- التزم بإجراءات السلامة وقت تغيير أنبوبة الغاز وبلاش تجرب إذا كان شغالة ولا لأ عن طريق الكبريت أو الولاعة
- افصل مكواة الملابس وقت عدم الاستخدام
حماية الطفل من حريق
- ظبّط درجة حرارة السخّان وركز في اعتدالها قبل استحمام طفلك
- بلاش تمسك أكل أو مشروب ساخن وإنت شايله.. وخليها بعيد عن متناول إيده
- اختبر درجة حرارة الطعام قبل ما ياكله
- امنع اقترابه من البوتجاز/ الدفّاية/ فيش الكهرباء وبلاش تسيبه في البيت من غير متابعة
- افصل أي أجهزة ساخنة من الكهرباء زي مكواة اللبس أو الشعر وابعدها عن غرفته
- غطي فتحات الكهرباء بالأغطية المخصصة للفيش أو حط عليها لاصق قوي
- ابعده عن الألعاب النارية أو الأعواد اللي بتطلق شرار
- خزّن أي مادة قابلة للاشتعال في مكان محكم الغلق بعيد عن الأطفال
- افحص الدفاية باستمرار ونضفها لتجنب أي ضرر
- ابعد عن التدخين في غرفته أو أي مكان قريب منه واتخلص من عقب أي سجارة
- بلاش تستخدم الشموع في بيتك إلا في أضيق الحدود لو فيه طفل في سن صغير
- علّم طفلك ينقذ نفسه لو اتعرض لأي حريق حسب سنه
- فهّمه طبيعة الخطر من استخدام بعض الأشياء اللي ممكن تسبب حريق
- لكن بلاش تبالغ في إظهار خوفك.. ممكن تثير فضوله للتجربة
- عرّفه إنه لازم يمشي من أي مكان فيه حريق.. وضروري يلمس الباب الأول عشان يحس بدرجة حرارته
- درّبه على الوقوف والسقوط على الأرض والدوران لوقف أي نيران تشتبك بالملابس وفهّمه إن الجري ممكن يزود النار أكتر
