مميزات مختلفة على جوجل كروم زي تغيير الفونت وإلغاء النوتيفيكيشن

جوجل كروم من أكتر المتصفحات المستخدمة لأنه بيتميز بالسرعة والدقة وسهولة الاستخدام، وعليه اختصارات مختلفة تقدر تستخدمها عشان تسهل العمل عليه، وخطوات مختلفة اتباعها هيساعدك تصلح أعطاله.

تغيير الفونت على جوجل كروم

لتغيير حجم الشاشة والفونت مع بعض

• افتح المتصفح ودوس على التلت نقاط فوق بعض أعلى يمين الشاشة
• دوس على (Customize and control Google Chrome)
• من القائمة اللي هتظهرلك.. دوس على علامة (+) أو (-) عشان تزود أو تقلل حجم الفونت

 لتغيير حجم الفونت بس

• افتح المتصفح ودوس على التلت نقاط فوق بعض
• اختار الإعدادات
• في القائمة اللي هتظهرلك.. اختار (Appearance)
• من القائمة المنسدلة اللي هتظهر.. اختار الحجم اللي عايزه من (Font Size)
• ممكن تختار (Customize Fonts) عشان تحدد أشكال وأحجام فونت معينة
•  لفتح الـ(Tabs) القديمة تلقائيا

لو عايز تسترجعها فوري..

• لو ويندوز دوس (Ctrl+Shift+T)
• لكن لو ماك دوس (⌘+Shift+T)
• أو ممكن تدوس على التلت نقاط فوق بعض واختار (History) 
• دوس على الـ(Tabs) اللي عايزها

لو عايز تغير الإعدادات

• افتح المتصفح ودوس على التلت نقاط فوق بعض
• اختار الإعدادات (Settings)
• انزل لأسفل الصفحة ودوس على (Startup)
• اعمل علامة جنب اختيار (Continue where you left off)

التأكد من لينك قبل فتحه على جوجل كروم

• افتح الصفحة اللي عايزها واضغط على اللينك ضغطة مطولة
• هتظهرلك قائمة.. اختار (Preview page)
• اللينك هيتفتح في شكل صفحة مصغرة أعلى الصفحة المفتوحة
• لو عايز تكبرها.. دوس على السهم أعلى الصفحة عشان تعمل (Group Tab) مع الصفحة التانية
• لكن لو عايز تقفلها.. نزلها للأسفل عشان تظهر على علامة (X).. اضغط عليها

 استخدام (Reading List) على جوجل كروم

• ممكن من خلاله تجمع مجموعة من اللينكات والـ(Tabs) عشان تستخدمهم عليهم في وقت تاني وتقدر تجمع الـ(Tabs) المتشابهة في مجموعات منفصلة
• تم إضافته مؤخرا لاختيار (Bookmark) وعشان تستخدمه.. افتح المتصفح واعمل سيرش على (chrome://flags/#read-later)
• دوس على زرار (Enable) جنبها
• اعمل (Restart) للمتصفح

 طريقة الاستخدام:

• افتح اللينك اللي عايز تحتفظ بيه
• دوس على (Bookmark this tab) أو علامة النجمة
• اختار (Add to reading list) من القائمة اللي هتظهرلك
• لما تكون عايز تفتحه.. دوس على (Reading List) أسفل السيرش بار
• هتلاقي كل الصفحات اللي حفظتهم ودوس على اللينك اللي عايز تفتحه
• لو عايز تحذف اللينك من القائمة.. دوس على علامة (x) جنب اللينك

إلغاء النوتيفيكيشن على جوجل كروم

• افتح المتصفح ودوس على التلت نقاط فوق بعض أعلى الشاشة
• اختار الإعدادات (Settings)
• دوس على الخصوصية (Privacy) وبعدين إعدادات الموقع الإلكتروني (Site Settings)
• اختار الإشعارات (Notifications)
• ممكن تلغي النوتيفيكيشن من مواقع معينة هتظهرلك أو تعمل (Enable) جنب اختيار حظر كل الإشعارات (Block)
• أو اعمل (Enable) جنب اختيار (Use quieter messaging) وهو إرسال نوتيفيكيشن بشكل أهدى