CV أو السيرة الذاتية هي أول حاجة بتعبّر عنّك وقت التقديم على وظيفة جديدة، وبالتالي مهم تعرف إزاي تكتبه صح بطريقة تعبّر عنّك عشان تزوّد فرص قبولك في الوظائف المختلفة اللي بتقدم عليها.
نصائح لكتابة CV قوي
- ضروري تعرف إن الـ CV لازم يتطور ويتحدث كل فترة بسيطة حتى لو ثابت في شغلك من فترة لأنك لو محتاج الـ CV كامل هتاخد وقت عشان تستحضر كل اللي عملته الفترة اللي فاتت
- اعرف إن الـ CV لازم يبقى عبارة عن صفحة واحدة فقط
- لازم يكون فيها الأقسام الأساسية (المؤهلات/ خبرة العمل والتطوع/ المهارات والمميزات/ تفاصيل التواصل معاك)
- اكتب بريدك الإلكتروني ولازم يكون مناسب للتقديم وباسمك مش باسم مستعار
- ممكن تضيف سطر عن هدفك المهني (Objectives) بس باختصار ويكون شيء حقيقي
- اكتب اسمك بخط عريض وواضح وأكبر من خط باقي الكلام وبطريقة مميزة وفي نفس الوقت سهلة للقراءة
- مثلًا خلي حجم الفونت بين 10- 12 باستثناء الاسم في أول الصفحة اللي بيكون من 14- 18 لو هتكتبه على الوورد
- اختار طريقة سواء كنت هتكتبه على الوورد أو على موقع معيّن تبقى سهلة وسلسة في القراءة
- اكتب مؤهلك بالتاريخ والسنة والتخصص وتقديرك حتى لو مش شايف إنه مرتبط بمجال شغلك
- اعرف إن السيرة الذاتية كأنها فيلم تسجيلي عن حياتك المهنية بس بيتكتب وفقًا لمعايير معينة
- وبالتالي بلاش تستعرض مهارات غير حقيقية أو تبالغ في إظهار مهارات لأن موظفي التعيين بياخدوا فكرة سلبية عن المبالغين في إظهار قدراتهم في السيرة الذاتية
- ضروري تعمل من نفس السيرة الذاتية نسختين في ملف واحد PDF عشان تضمن وصول المعلومات عنّك بطريقة مفهومة
- في مصر والدول العربية بتفضل شركات كتير وضع صورة داخل السيرة الذاتية لكن في دول تانية بترفض وضع الصور وبالتالي ضروري تعرف طبيعة البلد أو المكان اللي هتبعت له الـ CV
- خليك دقيق في كتابة مهام وظيفتك في كل مكان اشتغلت فيه وحدد المدة بالشهر والسنة
- اهتم بالتدقيق الإملائي وإن كل الجمل والكلمات مكتوبة بشكل صحيح بدون أخطاء إملائية
مواقع بتقدم قوالب سير ذاتية جاهزة
طريقة كتابة CV على الوورد
- استخدم قالب مثبت في الوورد عن طريق فتح مستند جديد (New Document)
- دوس على جديد (New) وبعدين نماذج مثبتة/ عينات النماذج/ نموذج استمارة جديد على حسب تاريخ الوورد اللي عندك
- هتلاقي نماذج موجودة وممكن تحمل من خلال أوفيس أونلاين أو ممكن تدخل على الرابط ده عشان تحمل النماذج على طول على أوفيس أونلاين واختار قسم السير الذاتية ورسايل التغطية (Cover Letters)
- اختار النموذج المناسب وحمله واستبدل الكلام اللي فيه بمعلومات خاصة بيك
- واعرف إن نسخ الوورد من 2003 لحد 2013 فيها نماذج سير ذاتية مثبتة
