المحتويات
السمبوسك واحدة من أشهر المقبلات على السفرة، وليها طرق مختلفة لعمل حشواتها زي الجبنة والخضار والفراخ، ممكن تعمل العجينة في البيت بطريقة سهلة وبسيطة.
طريقة عمل عجينة السمبوسك
المكونات
- 2 كوب دقيق أبيض
- كوب مياه
- معلقة صغيرة ملح
- معلقة كبيرة زيت أو زبدة
- نص معلقة صغيرة بيكنج باودر
الطريقة
- في وعاء عميق.. اخلط الدقيق مع الملح والبيكنج باودر
- امزج المياه والزيت في وعاء تاني
- ضيف الخليط السايل للمكونات الجافة لحد لما العجينة تكون متماسكة
- انقل الخليط لسطح مرشوش بالدقيق واعجنها بإيدك
- حط العجينة في وعاء مدهون بالزيت وغطيها وسيبها في مكان دافي لحد ما تخمر
- قسمي العجين لكرات واعملها في شكل سمبوسك
حشوات سمبوسك مختلفة
حشوة السوسيس بالباربكيو
المكونات
- سوسيس متقطع صغير
- بصل
- فلفل
- صوص باربكيو
الطريقة
- شوح السوسيس مع الخضار وضيف صوص الباربكيو ورشة ملح بسيطة لحد ما يستوي
- احشي بيها عجينة السمبوسك واقفل أطرافها بخليط من المياه والدقيق
حشوة الفراخ بالمشروم
المكونات
- صدور فراخ متقطعة صغير
- مشروم
- ملح وفلفل وزعتر
- كريمة طهي
الطريقة
- شوح الفراخ في زيت
- ضيف المشروم والتوابل مع التقليب المستمر
- ضيف رشة زعتر مجفف قبل التسوية
- لما تستوي ضيف كريمة الطهي ولما تتقل اطفي عليها
حشوة الجبنة بالبسطرمة للسمبوسك
ممكن تشوح البسطرمة الأول أو تستخدمها نية مع جبنة كريمي أو بيضاء أو جبنة مبشورة
حشوة ميكس أجبان
- اخلط الموتزاريلا مع الجبنة الرومي المبشورة
- ضيف معلقة كبيرة جبنة كريمي أو مكعبات
- زود رشة زعتر مجفف
حشوة البطاطس للسمبوسك
المكونات
- بطاطس مهروسة
- فلفل ألوان متقطع صغير
- ملح وفلفل وبابريكا
- جبنة شيدر
- بقدونس متقطع
- بصل متقطع صغير
الطريقة
- قسم البطاطس المهروسة لجزئين
- شوح الفلفل في زيت وضيف جزء من البطاطس والملح والفلفل والبابريكا والبقدونس
- شوح البصل في الزيت لحد ما يدبل وضيف الجزء التاني من البطاطس والجبنة
- احشي السمبوسك بكميات بسيطة من الخليط لأن فيه أكتر من مكون
حشوة الجبنة والسبانخ
المكونات
- سبانخ
- جبنة موتزاريلا
- ملح وفلفل
- سماق
الطريقة
- شوح السبانخ في زيت لحد ما تدبل وضيف الملح والفلفل والسماق
- اخلط الموتزاريلا مع السبانخ في طبق
