المحتويات
البطاطس من أشهر الأكلات حوالين العالم، وليها طرق مختلفة لطبخها للحفاظ على عناصرها الغذائية بقشرها، أو طرق تانية بتحتاج خلطها مع مكونات تانية.
كرات البطاطس المحشية
المكونات:
- بطاطس مسلوقة ومهروسة
- جبنة موتزاريلا (مكعبات/ مبشورة) أو شيدر
- بقدونس متقطع ومتصفي أو بصل أخضر
- بيضتين مع معلقتين كبار حليب
- كوباية دقيق
- بقسماط مطحون
- ملح وفلفل وبابريكا
- كمون وبصل وتوم بودرة
الطريقة:
- تبلها بالملح والفلفل والكمون والبابريكا والفلفل الأخضر أو البقدونس وقلبهم كويس
- اعملها على شكل كرات واحشيها جبنة
- تبل البيض واللبن بملح وفلفل وحط معلقتين نشا ورشة بهارات فراخ وملح على البقسماط
- اغمس الكرات في الدقيق وبعدين البيض وبعدين البقسماط
- سيبها في التلاجة ساعة عشان ماتفكش في الزيت
- حمرها في زيت سخن وغزير لحد لونها ما يبقى دهبي
البطاطس الكروكيت
المكونات:
- 3 كوبايات بطاطس مهروسة
- كوبايتين جبنة شيدر مبشورة (حمراء/ صفراء)
- 3 بيضات
- جزر مبشور
- بقدونس أو بصل أخضر أو كرفس مفروم
- ملح- فلفل- توم وبصل بودرة- بابريكا
- بقسماط عليه رشة ملح
الطريقة:
- تبلها بالملح والفلفل وزود عليها الكرفس أو البصل الأخضر أو البقدونس والجزر مبشور
- اعملها على شكل صوابع تخينة واحشيها جبنة واقفلها
- اتاكد إن مفيش أي تشققات عشان تتجنب تفككها في الزيت
- اغمسها في الدقيق من كل الجوانب وبعدين نفضها
- اضرب البيض مع رشة ملح وفلفل ومعلقتين حليب وقلبها فيه
- اغمسها في البقسماط واتأكد إنها اتغلفت كويس بيه
- اقليهم في زيت سخن وغزير
صينية بطاطس بيوريه
المكونات:
- 2 كيلو بطاطس مهروسة
- لحمة مفرومة متعصجة
- 4 معالق زبدة
- ملح- فلفل أسود- بابريكا- توم- بصل بودرة
- جبنة موتزاريلا أو شيدر مبشورة
الطريقة:
- اهرسها وهي سخنة مع الزبدة والبهارات كويس
- افرد نص الكمية في قاع الصينية بشكل متساوي
- حط طبقة لحمة مفرومة ورش عليها شوية جبنة
- زود باقي البطاطس على وش الصينية ووزعها كويس وبعدين رش الجبنة
- دخلها الفرن على درجة حرارة 170 لحد ما تستوي وتاخد لون دهبي
البطاطا الحارة (أكلة لبناني)
المكونات:
- بطاطس متقطعة مكعبات
- 7 فصوص توم
- كزبرة طازة
- فلفل حار (اختياري)
- عصير نص ليمونة
- بابريكا
الطريقة:
- حمرها في زيت كتير
- افرم الكزبرة مع التوم والليمون في الكبة فرم متوسط (بين الناعم والخشن)
- شوحهم فى زيت أو زبدة وقلبهم كويس لحد ما التوم يصفر
- ضيف معلقة صغيرة بابريكا وشطة لو حابب
- ضيفها مع الكزبرة وقلبهم كويس وضيف ملح لو محتاجة
البطاطس المشوية بقشرها
المكونات:
- حبتين بطاطس متوسطة متقطعة (Wedges)
- معلقتين كبار زيت زيتون
- نص معلقة صغيرة روزماري
- نص معلقة صغيرة زعتر
- معلقة صغيرة ملح
- نص معلقة ملح أسود
- 4 فصوص توم مفرومين
الطريقة:
- اخلط المكونات الجافة مع بعض
- ضيف زيت الزيتون والتوم مع المكونات الجافة
- ادهن الخليط على البطاطس ودخلهم في صينية عليها ورق زبدة في الفرن على درجة حرارة 180 من 25-30 دقيقة مع تقليبها مرة نص المدة
