الدهون الثلاثية: أعراض ارتفاعها وأسبابها وطرق تقليلها
إزاي تتجنب ارتفاع الدهون الثلاثية في الجسم؟
المحتويات
الدهون الثلاثية واحدة من أنواع الدهون الموجودة في الدم ومهمة لقياس صحة القلب، فهي مرتبطة بضغط الدم والكوليسترول في الجسم، ومهم تراقب معدلها لأن ارتفاعها بيعلي خطورة الإصابة بأمراض القلب.
ما هي الدهون الثلاثية؟
هي واحدة من أنواع الدهون الموجودة في الدم، فعند تناول الأكل الجسم بيحول السعرات الحرارية اللي مش محتاج استخدامها لدهون ثلاثية وبيخزنها في الخلايا الدهنية، وفي وقت تاني الجسم بيطلق هرمونات الدهون الثلاثية لإمداده بالطاقة بين الوجبات
لو بتاكل أكتر من السعرات الحرارية اللي جسمك بيحرقها بشكل منتظم وخاصة لو الأطعمة فيها نسبة عالية من الكربوهيدرات، ده بيعلي خطر الإصابة بارتفاع الدهون الثلاثية في الجسم أو فرط ثلاثي جليسريد الدم
المعدل الطبيعي للدهون الثلاثية في الجسم
تقدر تعرف مستواها من خلال عمل تحليل دم أو من خلال التحاليل الخاصة بمستوى الكوليسترول في الجسم، ولازم تصوم قبل التحليل عشان النتيجة تكون دقيق
المعدلات هي:
- طبيعي: أقل من 150 ملليغرام لكل ديسيلتر (ملغم/ديسل) أو أقل من 1.7 ملليمول لكل لتر (ملليمول/لتر)
- ارتفاع حدي: من 150 إلى 199 ملغم/ديسيلتر (1.8 إلى 2.2 ملليمول/لتر)
- مرتفع: من 200 إلى 499 ملغم/ديسيلتر (2.3 إلى 5.6 ملليمول/لتر)
- مرتفع جدا: 500 ملغم/ديسيلتر أو أعلى (5.7 ملليمول/لتر أو أعلى)
الفرق بين الدهون الثلاثية والكوليسترول
- الدهون الثلاثية بتخزن السعرات الحرارية غير المستخدمة في الجسم وبتستخدمها لإمداده بالطاقة
- الكوليسترول بيستخدم لبناء عضلات وهرمونات معينة
أضرار ارتفاع الدهون الثلاثية
ليه آثار مختلفة على الجسم والصحة، زي:
- زيادة خطر تصلب الشرايين أو زيادة سمك جدران الشريان واللي بيزود خطر الإصابة بالسكتة الدماغية
- الإصابة بالأزمة القلبية
- الإصابة بالتهاب حاد في البنكرياس
ارتفاع الدهون الثلاثية ممكن يبقى علامة على الإصابة بأمراض تانية، زي:
- السمنة
- نتيجة لشرب الكحول أو التدخين
- الكسل وقلة الحركة
- متلازمة الأيض وهي حالة يجتمع فيها ارتفاع ضغط الدم والسمنة وارتفاع نسبة السكر في الدم واللي بيزود خطر الإصابة بمرض القلب
- داء السكري من نوع 2
- قصور الغدة الدرقية
- بعض الحالات الوراثية اللي بتأثر على قدرة تحويل الجسم الدهون لطاقة
في حالات تانية ارتفاع الدهون الثلاثية بيكون عرض لتناول أدوية معينة زي:
- مدرات البول
- الإستروجين والبروجستين
- الريتينويد
- الستيرويدات
- حاصرات مستقبلات بيتا
- مثبطات المناعة
- بعض أدوية فيروس نقص المناعة
أعراض ارتفاعها
لا تظهر إلا في حالة ارتفاعها بشكل كبير وده معناه إن مستواها يكون بين 1,000-2,000 ملليغرام /ديسيليتر
يبدأ ظهور مضاعفات زي:
- التهاب البنكرياس وما يصاحيه من آلام البطن وحمى وقيء
- الغثيان
- تطور أعراض أمراض القلب والأوعية
- الذبحة الصدرية
- ضيق في التنفس
- عدم انتظام دقات القلب
- ظهور لون أصفر على كفي الإيدين
- أعراض عصبية زي الاكتئاب والخرف
طرق تقليل أو الوقاية من ارتفاع الدهون الثلاثية
في خطوات معينة اتباعها هيساعدك في الحفاظ على جسمك، زي:
- إنقاص الوزن الزايد من جسمك لأن ده هيساعدك تنتظم على نظام أكل صحي وتقلل السعرات الحرارية اليومية اللي بتدخل جسمك
- اختيار الدهون الصحية في أكلك بتقلل نسبتها في الجسم عن طريق تجنب الدهون المشبعة واختيار الدهون المتعددة غير المشبعة زي اللي موجودة في الأسماك الدهنية وزيت الزيتون
- استهلك دهون أحادية غير مشبعة زي المكسرات وزيت الزيتون والأفوكادو
- تجنب الدهون المتحولة والمهدرجة زي الزيوت والسمن النباتي
- راقب كمية الكربوهيدرات اللي بتاكلها يوميا لأن الدراسات ربطت بين زيادتها وزيادة الدهون الثلاثية في الجسم، ونوعها ليه أهمية كبيرة، فمهم تختار الأنواع الصحية زي الرز البني والدقيق الحبة الكاملة والشوفان
- قلل السكريات لأن تناولها بكميات عالية بيسبب ارتفاعها في الجسم، وخاصة الأنواع الصناعية زي الفركتوز والسكر المضاف للمشروبات الغازية والعصاير الجاهزة
- اتباع نظام غذائي متوازن بكيمات مناسبة وفي مواعيد محددة ومنتظمة لأن ده هيساعد على الوقاية من مشكلة مقاومة الأنسولين (اضطراب ترتفع فيه نسبة الإنسولين في الدم وبالتالي مقاومة الخلايا ليه وارتفاع نسبة السكر في الجسم)
- عمل الفحوصات الطبية بشكل دوري لأن في بعض الأمراض ممكن تساعد على ارتفاعها في الجسم زي أمراض الكلى وداء السكري من نوع 2 والجينات الوراثية
- ممارسة الرياضة يوميا لمدة نصف ساعة بتساعد على التقليل من معدل الكوليسترول الضار بالدم ورفع وتعزيز معدل الكوليسترول الجيد
- عمل تغييرات صحية تانية زي تجنب التدخين وتقليل شرب الكحول والنوم عدد ساعات كافي يوميا
- إيجاد طرق للتعامل مع التوتر وتخفيفه زي اليوجا وتمارين التأمل وتعلم هواية جديدة
- الأدوية المخصصة لتقليلها اللي الدكتور بيكتبها ليك بعد إجراء التحاليل الطبية المختلفة
