المحتويات
شيش حصيرة بسمك مناسب وسهل التنضيف وأسعاره متوسطة هو الاختيار المثالي اللي هيوفرلك خصوصية وراحة وحماية كبيرة من الشمس، عشان كده ضروري تعرف أنواعه وأسعاره ومميزاته وطريقة تنضيفه.
تعريف شيش الحصيرة
- هو وحدة منفصلة مصنوعة من عدة ألواح (أوراق الشيش) وبتتصنع من مواد مختلفة من الألومنيوم والخشب والـ PVC
- بتتركب الوحدات المنفصلة على شبابيك أو بلكونات المنازل والوحدات التجارية من الخارج
- بيستخدم في المحلات بديل للأبواب العادية اللي بتتسمى (المصراع)
الأنواع
PVC
- من أفضل الأنواع وبيتميز بالجودة والصلابة وتنوع الألوان والطبقات عشان تقدر تختار منّه المناسب لديكور بيتك حسب اللون
- متوفر منّه نوعين اليدوي والأوتوماتيك
شيش حصيرة ألومنيوم
- أكتر الأنواع انتشارًا في مصر ولكنه بيستخدم من مواد ممكن تبقى أقل جودة من الـ PVC
- بينقسم لشرائح سوفت أو هارد (شرائح السوفت سمكها أقل ووزها أخف من شرائح الهارد)
شيش حصيرة خشب
- موجود ولكن مش بينصح بيه أغلب الخبراء لأنه بيتأثر بسرعة بعوامل التعرية زي الشمس ومياه الأمطار
- بجانب إنه بيوفر درجة عزل منخفضة مع قابليته للاحتراق بسهولة وبالتالي مش بيوفر الأمان والحماية بنسبة كبيرة
آلات الرفع
- عن طريق الشريط اليدوي سواء صغير أو وسط أو كبير
- أو الموتور الأكثر انتشارًا الموتور الإيطالي أو الفرنساوي (بتختلف قوة الموتور حسب حجم الشيش والمساحة المغطّاة) وبيوصل أحيانًا لـ 50 نيوتن لو هتغطي بلكونة كبيرة
- التحكم اليدوي في حالات الشريط أما عند استخدام الموتور فالتحكم بيبقى عن طريق المفتاح أو الريموت والريسيفر
المميزات
- حماية من العواصف والرياح اللي بتضغط على الفتحات الزجاجية
- سهل الاستخدام والحركة خصوصًا الشرائح الألومنيوم لأنها مزوّدة بجوانات بلاستيك بتمنع احتكاك شرائح الألومنيوم ببعضها
- متعدد الألوان وبالتالي مناسب لأنواع الديكور المختلفة وألوانه
- بيوفر حماية وعزل عن أشعة الشمس القوية والأمطار والأصوات خصوصًا لو ساكن في منطقة مزدحمة أو على شارع عمومي
- بيسهل الاستغناء عن الحديد اللي بيتأثر بالعوامل الجوية وبيسبب صدأ بجانب إنه بيشوه المنظر العام
- أغلب أنواع الشيش الألومنيوم محقونة مادة اسمها البولي يوريثان اللي بتبني جدار عازل للحرارة
- اعرف إن بين رقائق الشيش وبين الشباك فيه حصير بيشبه في وظيفته الوسادة هوائية وبالتالي بيوفر عزل أقوى للحرارة والصوت
أسعار شيش الحصيرة في مصر
- متوسط الأسعار للمتر بيتراوح بين 700 لـ 1000 جنيه حسب سمك الشيش
- أما أسعار التركيب فبتتراوح بين 170 لـ 200 جنيه للوحدة الواحدة
- وتركيب المفتاح إذا كان من النوع الإيطالي في حدود 1300 جنيه قابلين للزيادة (لأن قوة الموتور حسب مساحة الشيش)
طريقة تنضيف شيش الحصيرة
- بلاش تحط عليه مكونات كيميائية مباشرة والأفضل تعمل محلول نصفه خل والنص التاني مياه
- هات قطعة قماش قطنية واغمسها في المحلول وبعدها مررها على الشيش على الأماكن اللي تقدر توصلّها
- لما تحس إن قطعة القماش اتملت بالغبار مرر عليها مياه دافية واغسلها كويس وبعدها اغمسها تاني في المحلول عشان تنضفها كويس
