المحتويات
فاتورة المياه من الفواتير اللي ضروري تسددها أول بأول، وبتزيد أهمية دفعها كل شهر بدون أي تراكم لما يبقى بيتك سواء شقتك أو بيت مستقل ليك عداد مياه لوحدك، وبالتالي بتتيح شركة مياه الشرب خدمات متنوعة من خلال موقعها الإلكتروني أو من خلال تطبيق 125 المتاح تحميله على هواتف أندرويد وآيفون.
رفع قراءة العداد على الإنترنت
- تطبيق قراءتي بيسهل مهمة رفع قراءة عداد المياه على الإنترنت (متاح على هواتف أندرويد أو آيفون )
- بعد تحميل التطبيق اختار تسجيل حساب جديد واملا البيانات المطلوبة منّك (الاسم والبريد الإلكتروني والعنوان وأرقام الهاتف والرقم القومي)
- في خانة اسم المشترك ضروري تكتب اسم المشترك المكتوب في الفاتورة واكتب رقم المشترك المكتوب في الفاتورة
- اختار اسم الشركة التابعة ليك حسب المحافظة
- لو الشركة التابعة مفعلة استخدام الدفع الإلكتروني اكتب رقم الدفع الإلكتروني (هتلاقيه مكتوب على الفاتورة الأقدم)
- بعد كتابة البيانات هتظهر قائمة فيها 5 عناوين تحت بعضهم وهم الحساب الشخصي والاشتراكات وإدخال قراءة وارشادات قراءة العداد والبوابة الإلكترونية
- اضغط على عنوان ادخل قراءة/ استعلام في الفترة بين يوم 1 ليوم 15 في الشهر
- بعدها اضغط على اضف صورة العداد وصوّر عدادك وبعدها اكتب الأرقام في المربعات اللي هتظهرلك
طريقة حساب الفاتورة
- من خلال الموقع الإلكتروني للشركة القابضة لمياه الشرب والصرف الصحي تقدر تحسب قيمة فاتورتك قبل دفها
- الموقع مصمم صفحة بتملا فيها كل بيانات استهلاكك عشان تقدر تحسب قيمة الفاتورة خلال الشهر الحالي أو المقبل
الاستعلام ودفع فاتورة المياه على تطبيق 125
- حمّل تطبيق 125 سواء على أندرويد أو آيفون
- اضغط على كلمة تسجيل واملا كل البيانات زي الاسم والنوع والرقم القومي ورقم التليفون والعنوان بالتفصيل (زي البطاقة) وشركة المياه التابع ليها
- اضغط على ادفع فاتورتك وبعدها اختار الضغط هنا
- اكتب البريد الإلكتروني وأي بيانات تانية مطلوبة منّك
- هات أي فاتورة قديمة وابحث فيها عن رقم الدفع الإلكتروني عشان تكتبه
- عن طريق الرقم ده هتقدر تعرف قيمة الفاتورة
- اضغط على التالي عشان تستكمل إجراءات الدفع لكن لو مش حابب ممكن تقفل بعد معرفتك لقيمة الفاتورة
- لو واجهتك أي مشكلة لازم تبلغ شكاوى المياه فورًا
